JINGPYNPAW 22:6 - Khasi CL Bible (BSI)

⁶ Nangta u angel u la ong ha nga, “Kine ki ktien ki long kiba shisha bad kiba lah ban shaniah. Bad U Trai uba U Blei, uba ai ïa U Mynsiem jong u ha ki nongïathuhlypa, u la phah ïa u angel jong u ban pyn-i ha ki shakri jong u ïa kaei kaba dei ban jia shen.”

KA BAIBL

⁶ Te u la ong ha nga, “Kine ki ktien ki long kiba ïaineh bad bashisha: bad uta U Trai uba U Blei jong kita ki mynsiem ki nongïathuhlypa, u la phah ïa u angel jong u ban pyni ha ki shakri jong u ïa kiei kiei ruh kiba dei ban jia long shen.”

JINGPYNPAW 22:6 ပူးပေါင်းရင်းမြစ်များ

JENESIS 41:32

Ka jingïaiban ïa ka jingphohsniew jong phi ka mut ba ïa kane la pynskhem da U Blei bad ba un pynurlong shen ïa ka.

DANIEL 3:28

U syiem u la ong, “To ïaroh ïa U Blei jong u Shadrakh, u Meshakh, bad u Abednego! U la phah ïa u angel jong u bad pyllait im ïa kine ki rangbah kiba la shakri bad shaniah ha u. Kim shym la kohnguh ïa ka hukum jong nga bad ki la kheiñduh ïa la ka jingim ban ïa kaba dem ngon bad mane ïa uno uno u blei lait tang u jong ki hi.

DANIEL 6:22

U Blei u la phah ïa u angel jong u ban set ïa ki shyntur jong ki sing khnang ba kin ym pynmynsaw ïa nga. U la leh ïa kane namar u tip ba nga la long uba lui lui bad namar ba ngam shym la leh kano kano kaba bakla ïa phi, ko Syiem Kynrad.”

MATHAÏOS 13:41

U Khun U Briew un phah ïa la ki angel ba lumlang napoh ka Hima jong u ïa kito baroh kiba pynlong ïa ki briew jong u ban leh pop bad ïa baroh kiwei pat kiba leh ïa kiei kiei kiba sniew,

LOUKAS 1:70

U la kular lyngba ki nongïathuhlypa bakhuid jong u na mynbarim

LOUKAS 16:16

“Ka Hukum u Moses bad ki jingthoh jong ki nongïathuhlypa ki treikam haduh ka por jong u Ïoannis u Nongpynbaptis; naduh kata ïa ka Khubor Babha shaphang ka Hima U Blei la ïai ïathuh, bad uwei pa uwei u bsut jubor shapoh.

KI KAM 12:11

Te u Petros u la sngewthuh ïa kaei kaba la lah jia ha u, bad u la ong, “Mynta nga tip ba ka long kaba shisha! U Trai u la phah ïa u angel jong u ban pyllait ïa nga na ka bor jong u Herod bad na kaei kaei baroh kaba ki Jiw ki la khmih lynti ba kan jia.”

KI KAM 3:18

U Blei u la pynbna naduh mynshuwa lyngba ki nongïathuhlypa baroh ba U Messaïah jong u, u dei ban shahshitom; bad u la pynlong ïa ka, ban jia shisha ha kane ka rukom.

Ka Shithi U Paul Sha Ki Nong Rom 1:2

Ïa ka Khubor Babha la kular la slem bah da U Blei lyngba ki nongïathuhlypa jong u, kumba la thoh ha ki Jingthoh Bakhuid.

1 KORINTH 14:32

Ka jingai ban pynbna ïa ka khubor U Blei ka dei ban long kaba lah ban synshar da uba kren, namar U Blei um kwah ïa ngi ban long ha ka jingkynrum kynram hynrei ha ka jingryntih bad ha ka jingsuk.

1 KORINTH 7:29

Kaei kaba nga mut, ko ki parabangeit jong nga, ka long kane: Ka por kam don shuh, bad naduh mynta ki rangbah kiba la shongkurim ki dei ban im kumba kim shym la shongkurim;

2 THESSALONI 1:7

bad un ai ka jingpyllait ha phi kiba shahshitom bad ha ngi ruh kumjuh. Un leh ïa kane haba U Trai Jisu u mihpaw na bneng lem bad ki angel bakhlaiñbor jong u,

HEBRU 12:9

Ha kaba ïadei bad ki kpa jong ngi ha kane ka pyrthei, ki sneng sympat ïa ngi bad ngi burom ïa ki. Katno tam, te, ngi dei ban pyndem ha U Kpa ba kynja mynsiem jong ngi bad ïoh im.

2 PETROS 1:21

Naba ym don khubor jingïathuhlypa kaba la ju wan tang na ka mon u briew, hynrei ki briew ki la long hapoh ka jingpynïaid jong U Mynsiem Bakhuid katba ki dang kren ïa ka khubor kaba la wan na U Blei.

2 PETROS 3:2

Nga kwah ïa phi ban kynmaw ïa ki ktien ïa kiba la kren lah slem bah da ki nongïathuhlypa bakhuid, bad ïa ka hukum na U Trai bad U Nongpynim ïa kaba la ai ha phi da ki apostol.

JINGPYNPAW 1:1

Kane ka kitab ka long ka jingbuh jingthoh ïa ki jingjia kiba U Jisu Khrist u la pynpaw. U Blei u la ai ha u ïa kane ka jingpynpaw khnang ban pyn-i ha ki shakri jong u ïa kaei kaba dei ban jia shen. U Khrist u la pynlong ïa kine kiei kiei ban tip da u shakri jong u, u Ïoannis da kaba phah ïa la u angel sha u,

JINGPYNPAW 18:20

To shadkmen, ko ka bneng, namar ka jingpynjot ïa ka! to shadkmen, ko ki briew jong U Blei bad ki apostol bad ki nongïathuhlypa! Naba U Blei u la pynrem ïa ka na ka bynta kaei kaba ka la leh ïa phi!

JINGPYNPAW 19:9

Nangta u angel u la ong ha nga, “To thoh ïa kane: Suk kito ïa kiba la khot sngewbha sha ka jingkhawai shongkurim jong U Khunlangbrot.” Bad u angel u la bynrap, “Kine ki long ki ktien kiba shisha jong U Blei.”

JINGPYNPAW 21:5

Nangta uta uba shong ha ka khet u la ong, “Bad mynta nga thaw thymmai ïa kiei kiei baroh!” U la ong ruh ïa nga, “Thoh ïa kane, namar kine ki ktien ki long kiba shisha bad kiba lah ban shaniah.”

JINGPYNPAW 21:9

Uwei na ki hynñiew ngut ki angel uba la don ïa ki hynñiew tylli ki pliang kiba dap da ki hynñiew tylli ki khlam kiba khatduh u la wan sha nga bad u la ong, “To wan, bad ngan pyn-i ha me ïa ka Nongleitkurim, ka tnga jong U Khunlangbrot.”

JINGPYNPAW 22:1

U angel u la pyn-i ruh ha nga ïa ka wah jong ka um ka jingim, kaba shat phyrnai sngur bha, bad kaba wan mih na ka khet jong U Blei bad ka jong U Khunlangbrot

JINGPYNPAW 22:16

“Nga, U Jisu, nga la phah ïa u angel jong nga ban pynbna ïa kine kiei kiei ha phi ha ki balang. Nga la hiarpateng na ka longïing jong u Dabid; nga long u khlur step uba phyrnai.”

JINGPYNPAW 22:7

“Shahshkor!” ong U Jisu. “Nga wan kloi! Suk kito kiba kohnguh ïa ki ktien ïathuhlypa kiba hapoh kane ka kitab!”

JINGPYNPAW 4:1

Ha kane ka por, nga don kawei pat ka jingïohipaw bad nga la ïohi ïa ka jingkhang ba plie ha bneng. Bad nga la ïohsngew ïa ka sur kaba sawa kum ka turoi kaba nga la ïohsngew kaba kren ha nga kumba mynshuwa, kaba ong, “Wan kiew shane shalor, bad ngan pyn-i ïa me kaei kaba dei ban jia hadien kane.”