JINGPYNPAW 22:3 - Khasi CL Bible (BSI)

³ Yn ym don kano kano kaba hapoh ka jingtim U Blei ïa kaba yn shem hapoh ka nongbah. Ka khet ka jong U Blei bad ka jong U Khunlangbrot kan don hapoh ka nongbah, bad ki shakri jong u kin mane ïa u.

KA BAIBL

³ Te ka jingtim baroh kan ym long shuh: bad kata ka khet jong U Blei bad jong uta U Khun langbrot kan long ha ka: bad ki shakri jong u kin ïashakri ïa u;

JINGPYNPAW 22:3 ပူးပေါင်းရင်းမြစ်များ

SALM 16:11

Men pyn-i ha nga ïa ka lynti kaba lam sha ka jingim; ka jingdon ryngkat ka jong me ka pyndap ïa nga da ka jingkmen, bad ka wallam ha nga ka jingsngewbha junom.

SALM 17:15

Hynrei nga, ngan ïohi ïa me, namar ngam shym leh kaei kaei kaba bakla; bad haba nga kyndit, ka jingdon ryngkat ka jong me kan pyndap ïa nga da ka jingkmen.

ISAÏAH 12:6

Ai ba uwei pa uwei uba shong basah ha Seïon un pyrta bad un rwai! U Blei bakhuid jong ka Israel u long uba khraw, bad u shong hapdeng ki briew jong u.”

ISAÏAH 51:11

Kito kiba me la pyllait im kin ïoh poi ha Jerusalem da ka jingkmen, da kaba rwai bad risa da ka jingkmen. Kin long kiba kmen junom, junom kiba laitluid na ka jingsngewsih bad jingkthang mynsiem.

ESEKIEL 37:27

Ngan shong hangta bad ki; ngan long U Blei jong ki, bad ki kin long ki briew jong nga.

ESEKIEL 48:35

Ka lynter baroh jong ka kynroh ha baroh sawdong ka nongbah ka long khyndai hajar mitar. Ka kyrteng jong ka nongbah naduh mynta kan long, “U Trai U Don Hangne!”

SEKHARAÏAH 14:11

Ki briew kin shong kin sah hangta ha ka jingshngain, kin ym shah byrngem shuh da ka jingpynjot.

MATHAÏOS 25:21

‘Me la leh ïa kaba bha tam, me u shakri uba bha bad uba lah ban shaniah!’ la ong u kynrad jong u. ‘Me la long uba lah ban shaniah ha kaba pynïaid ïa kaba khyndiat, kumta ngan buh ïa me ban khmih ïa kaba kham bun. To wan rung shapoh bad ïoh bynta lem na ka jingkmen jong nga!’

MATHAÏOS 25:41

“Nangta un ong ha kito kiba ha ka liang kadiang jong u, ‘Khie leit noh na nga, phi kiba hapoh ka jingtim jong U Blei! Khie leit noh sha ka ding bymjukut ïa kaba la pynkhreh na ka bynta u Ksuid bad ki angel jong u!

ÏOANNIS 12:26

Uno uno uba kwah ban shakri ïa nga u dei ban bud ïa nga, khnang ba u shakri jong nga un long lem bad nga hangno hangno ba nga don. Bad u Kpa jong nga un pyndonburom ïa uno uno uba shakri ïa nga.

ÏOANNIS 13:32

Bad lada ïa ka burom U Blei la pynpaw lyngba jong u, te U Blei un pynpaw ïa ka burom jong U Khun U Briew ha lade, bad un leh kumta kumne kumne.

ÏOANNIS 14:3

Bad hadien ba nga la leit bad pynkhreh ka jaka ïa phi, ngan wan pat bad ngan shim ïa phi ha lade hi, ba phi ruh phin don ha ka jaka kaba nga don.

ÏOANNIS 17:24

“Ko Pa! Me la ai ïa ki ha nga, bad nga kwah ïa ki ba kin don bad nga ha kaba nga don, khnang ba ki lah ban ïohi ïa ka burom jong nga, ka burom ïa kaba me la ai ha nga; naba me la ieit ïa nga ha shuwa ban pynlong ïa ka pyrthei.

DEUTERONOMI 27:26

“ ‘Ka jingtim U Blei kan hap ha uta u briew u bymkohnguh ïa ki aiñ bad ki jinghikai baroh jong U Blei.’ “Bad u paidbah baroh un jubab lang, ‘Amen!’

JINGPYNPAW 7:10

Ki la pyrta ha ka sur kaba jam: “Ka jingpynim ka wan na U Blei jong ngi, uba shong halor ka khet, bad na uta u Khunlangbrot!”

JINGPYNPAW 7:9

Hadien kane nga la khmih, bad la don u paidbah byllien — ym don mano mano ba lah ban ñiew ïa kita ki briew baroh! Ki la long na man ki kynja bynriew, ki jaitbynriew, ki hima, bad ki jait ktien, bad ki la ïeng ha khmat ka khet bad ha khmat uta U Khunlangbrot, kiba la riam ha ki jaiñ balieh bad ki bat ïa ki tnat dieng Tlai ha la ki kti.