JINGPYNPAW 22:2 - Khasi CL Bible (BSI)

² bad ka tuid sha ka pdeng jong ka lynti bah jong ka nongbah. Ha kawei kawei ka liang jong ka wah la don u dieng ka jingim, uba pynmih soh khat-ar sien shisnem, shisien ha uwei uwei u bnai, bad ki sla jong u ki long na ka bynta ban ai jingkhiah ïa ki jaitbynriew.

KA BAIBL

² Bad ha baroh ar liang jong kata ka wah la don u dieng ka jingim, uba sei noh ïa ki khat-ar ki jingsei soh, ha la u bnai u da sei noh ïa kata ka jingsei soh jong ka: bad ki sla jong uta u dieng ki long ïa ka ban pynkhiah ïa ki kynja bynriew.

JINGPYNPAW 22:2 ပူးပေါင်းရင်းမြစ်များ

JENESIS 2:9

U la pynlong ïa ki jait dieng ba-itynnat baroh ban mih hangta bad kiba pynmih ïa ki soh kiba bha. Hapdeng jong kata ka kper la ïeng u dieng uba ai jingim bad u dieng uba ai jingtip ïa kaba bha bad ïa kaba sniew.

SALM 147:3

U pynkhiah ïa kiba la pait dohnud bad u sop spaiñ ïa ki jingmong jong ki.

PROBERB 3:18

Kito kiba stad ki suk mynsiem; ka jingstad kan ai ha ki ïa ka jingim.

ISAÏAH 6:10

Nangta u ong ïa nga, “Pynbthi ïa ki jingmut jingpyrkhat jong kine ki briew, pynkyllut ïa ki shkor jong ki, bad pynmatlah ïa ki khmat jong ki, ba kumta kin ym lah ban ïohi lane ïohsngew lane sngewthuh. Lada ki leh kumta, ki lah ban phai sha nga bad ïoh jingkhiah.”

JEREMAÏAH 17:14

A Trai, pynkhiah ïa nga bad ngan ïohkhiah krat; pyllait im ïa nga bad ngan long uba shngain janai. Me long uta uba nga ïaroh!

ESEKIEL 47:1

Uta u briew u la ïalam pat ïa nga sha ka jaka rung jong ka Templ. Ka um ka dang mih napoh jong ka jaka rung bad ka tuid shaphang mihngi, ka phang sha kaba ka Templ ka phai. Ka dang tuid sharum na ka khrum jong ka bynta ka Templ kaba shathie shaduh sha palat ïa ka bynta kaba shathie jong ka duwan.

HOSIA 14:4

U Trai u ong, “Ngan wanlam pat ïa ki briew jong nga sha lade. Ngan ieit ïa ki da ka dohnud jong nga baroh; ngan ym bitar shuh ïa ki.

SEKHARAÏAH 14:8

Haba kata ka sngi ka poi, ka um basngur kan tuid na Jerusalem, shiteng na ka sha ka Duriaw Baïap bad kawei pat ka shiteng sha ka duriaw Mediterranian. Kan tuid baroh shisnem, ha ka aïom ba-rkhiang bad ha ka aïom bajhieh.

MALAKHI 4:2

Hynrei na ka bynta jong phi kiba kohnguh ïa nga, ka bor jong nga kaba pynim kan kiew halor jong phi kum ka sngi bad kan wallam jingkhiah kum ki kjat sngi. Phin long kiba laitluid bad bakmen kum ki khun masi ba la pyllait na ka sem.

LOUKAS 4:18

“U Mynsiem jong U Trai u long ha nga, namar ba u la jied ïa nga ban wallam ka khubor babha ha kiba duk. U la phah ïa nga ban pynbna ka jingpyllaitluid ïa ki koidi bad ka jingpynïoh ïa ka jingimat ha kiba matlah; ban pyllait ïa kiba la shah banbeiñ

1 PETROS 2:24

U Khrist da lade hi u la bah noh ïa ki pop jong ngi ha ka met jong u sha ka diengphna, khnang ba ngin ïap ïa ka pop bad ïoh im na ka bynta ka hok. Ka dei da ki jingjngem snam jong u ba la pynkhiah ïa phi.

JINGPYNPAW 2:7

“Te lada pha don ki shkor, shahshkor ïa kaei kaba U Mynsiem u ong ïa ki balang! Ha kito kiba ïoh ïa ka jingjop ngan ai ban bam ïa u soh na u dieng ka jingim uba mih ha ka Kper U Blei.

JINGPYNPAW 21:21

Ki khat-ar tylli ki khyrdop ki la long ki khat-ar tylli ki mawlynnai; ïa kawei kawei ka khyrdop la shna na uwei u mawlynnai. Ka lynti bah jong ka nongbah ka la long da ka ksiar nylla, kaba lah ban ïohi lyngba kum ka ïit.

JINGPYNPAW 21:24

Ki briew ka pyrthei kin ïaid ha ka jingshai jong ka, bad ki syiem jong ka pyrthei kin wallam ïa ka spah jong ki shapoh jong ka.

JINGPYNPAW 22:1

U angel u la pyn-i ruh ha nga ïa ka wah jong ka um ka jingim, kaba shat phyrnai sngur bha, bad kaba wan mih na ka khet jong U Blei bad ka jong U Khunlangbrot

JINGPYNPAW 22:14

Suk kito kiba sait pynkhuid ïa la ki jaiñkup bad kumta ki don ka hok ban bam ïa u soh na u dieng ka jingim bad ban leit lyngba ki khyrdop shapoh ka nongbah.

JINGPYNPAW 22:19

Bad lada uno uno u shim noh ïa kano kano na ki kyntien jingïathuhlypa jong kane ka kitab, U Blei un shim noh na u ïa ka bhah jong u na u soh jong u dieng ka jingim bad jong ka Nongbah Bakhuid, ïa kiba la batai ha kane ka kitab.