JINGPYNPAW 22:17 - Khasi CL Bible (BSI)

¹⁷ U Mynsiem bad ka Nongleitkurim ki ong, “To wan!” Uwei uwei baroh uba ïohsngew ïa kane u dei ruh ban ong, “To wan!” To wan, uno uno uba sliang, to pdiang ïa ka um ka jingim kum ka jingai sngewbha, uno uno uba kwah ïa ka.

KA BAIBL

¹⁷ Te U Mynsiem bad kata ka nongleit-kurim ki ïa-ong, “To wan.” Bad uta uba ïohsngew to un ong, “To wan.” Bad jar uba sliang, to ai un wan: bad jar uba mon, to un shim ei ïa ka um ka jingim.

JINGPYNPAW 22:17 ပူးပေါင်းရင်းမြစ်များ

SALM 34:8

To mad da lade katno U Trai u long uba bha. Suk kita kiba shem jingshngain ha u!

ISAÏAH 12:3

Kumba ka um kaba sngur ka wanrah jingkmen ïa uba sliang, kumta ki briew jong U Blei kin shadkmen haba u pyllait im ïa ki.”

ISAÏAH 2:3

bad ki briew jong ki, kin ong, “Ïa ngin kiew ïa u lum jong U Trai, sha ka Templ jong U Blei ka Israel. Un hikai ïa ngi kaei kaba u kwah ïa ngi ban leh; ngin ïaid ha ki lynti kiba u la jied. Naba ka jinghikai jong U Trai ka wan na Jerusalem; na Seïon u kren ha ki briew jong u.”

ISAÏAH 2:5

Mynta, ko ki khun ki ksiew jong u Jakob, to ngin ïaid ha ka jingshai kaba U Trai u ai ha ngi!

JEREMAÏAH 50:5

Kin kylli ïa ka lynti sha Seïon bad nangta kin leit ha kata ka phang. Kin pynlong ka jutang baïaineh bad nga bad da lei lei kin ym pynkheiñ ïa ka.

ESEKIEL 47:1

Uta u briew u la ïalam pat ïa nga sha ka jaka rung jong ka Templ. Ka um ka dang mih napoh jong ka jaka rung bad ka tuid shaphang mihngi, ka phang sha kaba ka Templ ka phai. Ka dang tuid sharum na ka khrum jong ka bynta ka Templ kaba shathie shaduh sha palat ïa ka bynta kaba shathie jong ka duwan.

MIKAH 4:2

bad ki briew jong ki, kin ong, “ïa ngin ïaleit sha u lum jong U Trai, sha ka Templ jong U Blei ki Israel. Naba un hikai ïa ngi ïa kaei kaba u kwah ïa ngi ban leh; ngin ïaid ha ki lynti kiba u la jied. Naba ka jinghikai U Trai ka wan na Jerusalem; na Seïon u kren ha la ki briew.”

ÏOANNIS 1:37

Ki ar ngut ki synran ki la ïohsngew ïa u ba u ong ïa kane bad ki la leit lem bad U Jisu.

ÏOANNIS 4:10

U Jisu u la jubab, “Lada pha tang shu la tip ïa kaei kaba U Blei u ai bad uei uta uba pan umdih na pha, phan jin da la pan na u, bad u un jin da la ai ha pha ïa ka um kaba ai jingim.”

ÏOANNIS 4:11

“Ko kynrad,” kata ka briew ka la ong, “mem don ïa ka jingtong, bad ka pukri ka long kaba jylliew. Nangno men ïoh ïa kata ka um kaba ai jingim?

ÏOANNIS 4:14

Ka um ïa kaba ngan ai ha u kan long ha u ka umpohliew ka ban pynïoh ïa u da ka um kaba ai jingim bad ai ha u ïa ka jingim bymjukut.”

ÏOANNIS 4:29

“To wan bad khmih ïa u briew uba la ïathuh ïa nga ïa kiei kiei baroh kiba nga la leh. Hato une u lah ban long U Messaïah?”

ÏOANNIS 7:37

Ha ka sngi kaba khatduh bad kaba khraw tam eh jong ka Jingkhawai Niam, U Jisu u la ïeng joit bad u la ong ha ka sur kaba jam, “Uno uno uba sliang u dei ban wan sha nga, bad uno uno uba ngeit ha nga u dei ban dih.

Ka Shithi U Paul Sha Ki Nong Rom 3:24

Hynrei da ka jingaiei U Blei, ïa baroh la pynlong ka hok bad u lyngba U Khrist Jisu, uba pyllaitluid ïa ki.

1 KORINTH 2:12

Ngim shym ïohpdiang ïa u mynsiem jong kane ka pyrthei, pynban, ngi lah ïohpdiang ïa U Mynsiem ba la phah da U Blei, khnang ba ngin lah ban tip ïa baroh kaba U Blei u la ai ha ngi.

JINGPYNPAW 14:13

Nangta nga la ïohsngew ïa ka sur na bneng kaba ong, “To thoh ïa kane: Suk kito kiba naduh mynta ki ïap ha kaba shakri ïa U Trai!” “Ho-oid shisha!” U Mynsiem u jubab. “Kin ïoh shongthait na ki jingtrei shitom jong ki, namar ki soh ka jingshakri jong ki, ki leit lem bad ki.”

JINGPYNPAW 2:7

“Te lada pha don ki shkor, shahshkor ïa kaei kaba U Mynsiem u ong ïa ki balang! Ha kito kiba ïoh ïa ka jingjop ngan ai ban bam ïa u soh na u dieng ka jingim uba mih ha ka Kper U Blei.

JINGPYNPAW 21:2

Bad nga la ïohi ïa ka Nongbah Bakhuid, ka Jerusalem bathymmai, kaba da wan hiar na bneng na U Blei, kaba la pynkhreh bad kaba la kloi, kum ka nongleitkurim kaba la riam ban ïashem ïa u tnga jong ka.

JINGPYNPAW 21:6

Bad u la ong, “La pyndep! Nga long uba nyngkong bad uba khatduh, uba sdang bad uba kut. Ha uno uno uba sliang ngan ai ïa ka hok ban dih na ka umpohliew jong ka um ka jingim khlem da siewdor ïa ka.

JINGPYNPAW 21:9

Uwei na ki hynñiew ngut ki angel uba la don ïa ki hynñiew tylli ki pliang kiba dap da ki hynñiew tylli ki khlam kiba khatduh u la wan sha nga bad u la ong, “To wan, bad ngan pyn-i ha me ïa ka Nongleitkurim, ka tnga jong U Khunlangbrot.”

JINGPYNPAW 22:1

U angel u la pyn-i ruh ha nga ïa ka wah jong ka um ka jingim, kaba shat phyrnai sngur bha, bad kaba wan mih na ka khet jong U Blei bad ka jong U Khunlangbrot

JINGPYNPAW 22:16

“Nga, U Jisu, nga la phah ïa u angel jong nga ban pynbna ïa kine kiei kiei ha phi ha ki balang. Nga la hiarpateng na ka longïing jong u Dabid; nga long u khlur step uba phyrnai.”