JINGPYNPAW 22:15 - Khasi CL Bible (BSI)

¹⁵ Hynrei shabar ka nongbah ki don ki riewkhyllah bad kito kiba leh byrtong, kiba awria bad ki nongpynïap briew, kito kiba mane ïa ki bleithaw bad kito kiba lamler ha ki ktien bad ki kam.

KA BAIBL

¹⁵ Shabar ki long kita ki ksew, bad kita kiba ai ksuid, bad kita kiba kyr-eit bad kita kiba pynïap, bad kita kiba mane bleithaw, bad baroh kat kiba ieit bad bathaw ïa ka lamler.

JINGPYNPAW 22:15 ပူးပေါင်းရင်းမြစ်များ

1 SYIEM 22:8

U Ahab u jubab, “Don sa uwei, u Mikaïah u khun jong u Imlah. Hynrei nga isih ïa u, namar um ju ïathuhlypa ïa kaba bha shaphang jong nga, borabor ka dei tang ïa kaba sniew suda.” “Phim dei ban ong kumta!” U Jehoshaphat u jubab.

PROBERB 12:22

U Trai u isih ïa kiba lamler, hynrei u sngewbha ïa kito kiba bat ïa la ka ktien.

PROBERB 7:27

Lada me leit sha ka ïing jong ka, me don ha ka lynti sha ka ri kiba ïap. Ka dei ka lynti kaba jan tam sha ka jingïap.

ISAÏAH 47:12

Buh ïa ki jingleh myntor bad jingkhan jong pha baroh; pha la pyndonkam ïa ki naduh ba pha dang samla. Lehse ki lah ban long jingïarap katto katne ïa pha; lehse pha lah ban pyntieng ïa ki nongshun jong pha.

ISAÏAH 47:9

Hynrei ha ka shikhyllipmat, tang ha kawei ka sngi, kine baroh ar tylli kiei kiei ki wan jia. Wat hapdeng ki kam myntor baroh ba pha pyndonkam, phan duh noh ïa la u tnga bad ïa la ki khun.

ISAÏAH 57:3

Ale hangne ban shah bishar, a phi ki nongpop! Phim long kham bha ban ïa ki nongleh byrtong, kiba klim bad ki nuti.

JEREMAÏAH 5:31

Ki nongïathuhlypa kim kren ei ei hynrei tang ki jinglamler; ki lyngdoh ki synshar tang kumba hukum ki nongïathuhlypa, bad ki briew jong nga kim shym pynpaw jingpyrshah ei ei. Hynrei kin leh aïu haba baroh ka poi sha kaba kut?”

MALAKHI 3:5

U Trai Badonbor Baroh u ong, “Ngan sa paw hapdeng jong phi ban bishar, bad ngan phla shisyndon pyrshah ïa kito kiba leh myntor, pyrshah ïa kiba klim, pyrshah ïa kito kiba sakhi lamler, kito kiba shukor ïa ki nongtrei ïa ki bainong jong ki, bad kito kiba shim kabu ïa ki riewkynthei, ki khunswet, bad ki nongwei — pyrshah ïa kito baroh ki bym ñiewkor ïa nga.

MATHAÏOS 7:6

“Wat ai ïa kaei kaba khuid ha ki ksew — kin shu phai pynban bad tur ban dait ïa phi. Wat bret ïa ki mawlynnai ha khmat ki sniang — kin shu ïuh pynban ïa ki hapoh ka kjat.

MATHAÏOS 8:12

Hynrei ïa kito kiba dei ban don hapoh ka Hima yn bret noh sha ka jingdum, ha kaba kin lynñiar bad kyr-iat la ki bniat.”

ÏOANNIS 8:46

Uno na phi uba lah ban pynshisha ba nga long uba shah pynrem ha ka pop? Lada nga ïathuh ïa ka jingshisha, te balei ba phim ngeit ïa nga?

KI KAM 8:11

Ki la pynshahshkor kumne ïa u namar la kham slem u la pynlyngngoh ïa ki da ka jingleh myntor jong u.

DEUTERONOMI 23:18

Nalor kata, ym dei ban wanrah ïa ka kamai nuti, la ka dei ka jong u shynrang ne ka kynthei, sha ka ïing U Trai U Blei jong phi kum ka jingpyndep ïa kano kano ka jingsmai, namar U Trai u isih ïa ki nuti ha ka jaka mane blei.

PHILIPPI 3:2

To kiar noh na kito kiba leh ïa kiei kiei kiba sniew, na kita ki ksew, kita ki briew kiba pynbor ïa ka ban ot ïa ka met.

KOLOSSAI 3:6

Namar kiba kum kine kiei kiei, ka jingbitar jong U Blei ka wan ha kito ki bymkohnguh ïa u.

JINGPYNPAW 18:23

Ïa ka jingshai ka sharak yn ym ïohi shuh da lei lei ha pha; ïa ka sur u nongleitkurim bad ka nongleitkurim yn ym ïohsngew shuh ha pha! Ki nongkhaïi jong pha ki la long kiba donbor tam ha ka pyrthei baroh, bad da ka myntor balamler pha la shukor ïa ki briew baroh jong ka pyrthei!”

JINGPYNPAW 21:27

Hynrei ym don kano kano ka bymkhuid ka ban ïohrung sha ka nongbah, lymne uno uno uba leh ïa kino kino kiba sngewlehrain lane uba ïathuh lamler. Tang kito ïa kiba ki kyrteng jong ki la thoh ha ka kitab kiba im jong U Khunlangbrot kin ïohrung sha kata ka nongbah.

JINGPYNPAW 21:8

Hynrei ki khawpud, ki nongshetkylla, ki riewkhyllah, ki nongpynïap briew, kiba leh awria, kito kiba leh byrtong, kito kiba mane bleithaw, bad kiba lamler baroh — ka jaka na ka bynta jong ki ka long ka pung kaba klang da ka ding bad u kyndok, kaba long ka jingïap kaba ar.”