JINGPYNPAW 22:14 - Khasi CL Bible (BSI)

¹⁴ Suk kito kiba sait pynkhuid ïa la ki jaiñkup bad kumta ki don ka hok ban bam ïa u soh na u dieng ka jingim bad ban leit lyngba ki khyrdop shapoh ka nongbah.

KA BAIBL

¹⁴ Suk kita kiba la sait ïa la ki jaiñkup, ba kin ïoh ka hok ban wan sha uta u dieng ka jingim, bad kin ïoh leit bsut da kita ki khyrdop sha kata ka nongbah.

JINGPYNPAW 22:14 ပူးပေါင်းရင်းမြစ်များ

JENESIS 2:9

U la pynlong ïa ki jait dieng ba-itynnat baroh ban mih hangta bad kiba pynmih ïa ki soh kiba bha. Hapdeng jong kata ka kper la ïeng u dieng uba ai jingim bad u dieng uba ai jingtip ïa kaba bha bad ïa kaba sniew.

JENESIS 3:22

Te U Trai U Blei u ong, “Mynta kine ki briew ki la kylla long kum ma ngi bad ki la don ka jingtip ïa kaba bha bad ïa kaba sniew. Ym dei ban shah ïa ki ban kheit ïa u soh na u dieng ba ai jingim, ban bam ïa u, bad ban im junom.”

SALM 112:1

A to ïaroh ïa U Trai! Suk uta u briew uba pyndonburom ïa U Trai, uba shem sngewbha ha kaba kohnguh ïa ki hukum jong u.

SALM 118:20

Kane ka dei ka khyrdop jong U Trai; tang kiba hok ki lah ban rung shapoh.

EKSODOS 19:10

bad U Trai u ong ha u Moses, “Khie leit sha ki paidbah bad ong ïa ki ba kin pynkhuid ïa lade mynta ka sngi bad la shai ruh khnang ba ki lah ban mane.

DANIEL 12:12

Suk kito kiba ïaineh tad haduh ba ki shihajar laispah laiphew san sngi ki kut noh!

ÏOANNIS 10:7

Kumta U Jisu u la ong biang, “Nga ïathuh ha phi ïa ka jingshisha: Nga long ka jingkhang jong ki langbrot.

ÏOANNIS 10:9

Nga, nga long kata ka jingkhang. Uno uno uba rung shapoh da nga un ïoh im; kin ïohrung shapoh bad mih shabar bad shem ïa ka jaka bam phlang.

ÏOANNIS 14:15

“Lada phi ieit ïa nga, phin sumar ïa ki hukum jong nga.

ÏOANNIS 14:6

U Jisu u la jubab ïa u, “Nga long ka lynti, ka jingshisha, bad ka jingim, ym don uno uno u ba leit sha U Kpa lait na nga.

ÏOANNIS 4:12

Dei u Jakob, u kpa tymmen jong ngi uba la ai ïa ngi ïa kane ka pukri; ma u bad ki khun shynrang jong u bad ki jingri jong u baroh ki la dih na ka. Hato me kam ba me long kham khraw ban ïa u Jakob?”

1 KORINTH 7:19

Naba kaba otsher ne kaba khlem otsher ïa u briew kam don jingmut ei ei; kaei kaba donkam ka long ban kohnguh ïa ki hukum U Blei.

1 KORINTH 8:9

Pynban, to sumar, ban ym shah ba ka jinglaitluid ka jingleh jong phi kan pynlong ïa kito kiba tlot ha ka jingngeit ba kin hap ha ka pop.

1 KORINTH 9:5

Hato ngam don hok ban bud ïa ki nuksa jong kiwei pat ki apostol bad jong ki para jong U Trai bad u Petros, da kaba ïalam ïa ka tnga kaba long ka parabangeit ha ki jingleit lynti jong nga?

GALATIA 5:6

Naba haba ngi long ha U Khrist Jisu, ka jingotsher lane ka jingbymdon jong ka kam don satia kano kano ka jingïapher; kaei kaba kongsan ka long ka jingngeit kaba trei da ka jingieit.

1 ÏOANNIS 3:3

Uwei pa uwei uba don ïa kane ka jingkyrmen ha U Khrist, u ri khuid ïa lade, kumba U Khrist u long uba khuid.

1 ÏOANNIS 5:3

Naba ka jingieit jong ngi ïa U Blei, ka mut ba ngi kohnguh ïa ki hukum jong u. Bad ki hukum jong u kim long kiba eh katta katta ïa ngi,

JINGPYNPAW 2:7

“Te lada pha don ki shkor, shahshkor ïa kaei kaba U Mynsiem u ong ïa ki balang! Ha kito kiba ïoh ïa ka jingjop ngan ai ban bam ïa u soh na u dieng ka jingim uba mih ha ka Kper U Blei.

JINGPYNPAW 21:12

Ka la don ka kynroh kaba khraw, kaba jrong bad khat-ar tylli ki khyrdop lem bad ki khat-ar ngut ki angel kiba khmih ïa ki khyrdop. Ha ki khyrdop la thoh ïa ki kyrteng jong ki khat-ar jait ki paid Israel.

JINGPYNPAW 21:27

Hynrei ym don kano kano ka bymkhuid ka ban ïohrung sha ka nongbah, lymne uno uno uba leh ïa kino kino kiba sngewlehrain lane uba ïathuh lamler. Tang kito ïa kiba ki kyrteng jong ki la thoh ha ka kitab kiba im jong U Khunlangbrot kin ïohrung sha kata ka nongbah.

JINGPYNPAW 22:2

bad ka tuid sha ka pdeng jong ka lynti bah jong ka nongbah. Ha kawei kawei ka liang jong ka wah la don u dieng ka jingim, uba pynmih soh khat-ar sien shisnem, shisien ha uwei uwei u bnai, bad ki sla jong u ki long na ka bynta ban ai jingkhiah ïa ki jaitbynriew.

JINGPYNPAW 22:7

“Shahshkor!” ong U Jisu. “Nga wan kloi! Suk kito kiba kohnguh ïa ki ktien ïathuhlypa kiba hapoh kane ka kitab!”

JINGPYNPAW 7:14

Nga la jubab ïa u, “Ngam tip, ko kynrad. Phi te phi tip.” U la ong ha nga, “Kine ki long ki briew kiba la lait na kata ka jingpynshitom kaba triem. Ki la sait ïa la ki jaiñkup bad ki la pynlieh ïa ki da ka snam jong uta U Khunlangbrot.