JINGPYNPAW 22:13 - Khasi CL Bible (BSI)

¹³ Nga long uba nyngkong bad uba khatduh, uba sdang bad uba kut.”

KA BAIBL

¹³ Nga long ma nga U Alpha bad U Omega, u banyngkong bad u bakhatduh, u basdang bad u bakut.”

JINGPYNPAW 22:13 ပူးပေါင်းရင်းမြစ်များ

ISAÏAH 41:4

Mano dei uta ba pynlong ïa kane ban jia? Uba la thmu skhem ïa ka jingïaid ka histori? Nga, U Trai, nga la don hangta naduh mynnyngkong, bad nga, U Trai, ngan ïai don hangta ha kaba kut.

ISAÏAH 44:6

U Trai uba synshar bad uba ïada ïa ki Israel, U Trai Badonbor Baroh, u don ïa kane ban ong: “Nga long uba nyngkong, uba khatduh, tang ma nga hi U Blei; ym don uwei pat U Blei hynrei tang ma nga.

ISAÏAH 48:12

U Trai u ong, “To shahshkor ïa nga, ko Israel, ka jaitbynriew kaba nga la khot! Nga long U Blei, Uba nyngkong, Uba khatduh, tang ma nga hi U Blei!

ÏOANNIS 13:32

Bad lada ïa ka burom U Blei la pynpaw lyngba jong u, te U Blei un pynpaw ïa ka burom jong U Khun U Briew ha lade, bad un leh kumta kumne kumne.

JINGPYNPAW 1:11

Ka la ong, “Thoh ïa kaei kaba me ïohi, bad phah ïa ka kitab sha ki balang ha kine ki hynñiew tylli ki nongbah: ka Ephesos, ka Smyrna, ka Pergamum, ka Thiatira, ka Sardis, ka Philadelphia, bad ka Laodikaïa.”

JINGPYNPAW 1:17

Haba nga la ïohi ïa u, nga la dem khrup ha ki kjat jong u kum u briew ba la ïap. U la buh ïa ka kti kamon jong u halor jong nga bad u la ong, “Wat sheptieng! Nga long uba nyngkong bad uba khatduh.

JINGPYNPAW 1:8

“Nga long u Alpha bad u Omega,” ong U Trai U Blei Badonbor Baroh, uba long, uba la long bad u ban sa wan.

JINGPYNPAW 2:8

“Thoh sha u angel jong ka balang ha Smyrna: “Kane ka long ka khubor na uta uba long, uba nyngkong bad uba khatduh, uba la ïap bad uba la im pat.

JINGPYNPAW 21:6

Bad u la ong, “La pyndep! Nga long uba nyngkong bad uba khatduh, uba sdang bad uba kut. Ha uno uno uba sliang ngan ai ïa ka hok ban dih na ka umpohliew jong ka um ka jingim khlem da siewdor ïa ka.

JINGPYNPAW 3:14

“Thoh ha u angel jong ka balang ha Laodikaïa: “Kane ka long ka khubor na U Amen, uba ïaineh bad u sakhi bashisha, uba long u jingsdang jong baroh kaba U Blei u la thaw.