JINGPYNPAW 22:12 - Khasi CL Bible (BSI)

¹² “Shahshkor!” ong U Jisu. “Nga wan kloi! Ngan wallam ïa ki bainong jong nga, ban ai ha uwei pa uwei kat kum kaei kaba u la leh.

KA BAIBL

¹² “Ha khmih nga wan kloi; bad ka nong jong nga ka don lem bad nga, ban ai nong ha uwei pa uwei baroh kat kumba long ka jingleh jong u.

JINGPYNPAW 22:12 ပူးပေါင်းရင်းမြစ်များ

Ka Kitab U Job 34:11

U ai bainong ïa ki briew ïa kaei kaba ki leh bad u leh ha ki kat kum kaba ki dei hok.

SALM 28:4

Pynshitom ïa ki na ka bynta kaei ba ki la leh, ïa ka pop kaba ki la leh. Pynshitom ïa ki na ka bynta ki jingleh jong ki baroh; ai ha ki ïa kaei ba ki dei ban ïoh!

ISAÏAH 40:10

U Trai Nongsynshar u wan ban synshar da ka bor, u da wallam bad u ki briew ba u la pyllait im.

ISAÏAH 62:11

Ba U Trai u la pynbna shaduh ka pyrthei baroh: “To ong ha ki paid ka Jerusalem ba U Trai un wan ban ïada ïa phi un wallam bad u ïa ki briew kiba u la pyllait im.”

JEREMAÏAH 17:10

Ma nga, U Trai, nga wad ïa ki jingmut bad nga tynjuh ïa ki dohnud jong ki briew. Nga leh ïa uwei pa uwei kat kum ka lynti ba u im, kat kum kaei kaba u leh.”

SEPHANAÏAH 1:14

Ka sngi bakhraw jong U Trai ka la jan — ka la jan eh bad ka wan kloi! Kata kan long ka sngi kaba kthang, namar wat ki shipai kiba shlur tam kin kyang jam ha ka jingnoh mynsiem!

MATHAÏOS 16:27

Naba U Khun U Briew u la jan wan ha ka burom jong U Kpa jong u lem bad la ki angel, bad nangta un ainong ïa uwei pa uwei kat kum ki kam jong u.

Ka Shithi U Paul Sha Ki Nong Rom 14:12

Uwei pa uwei na ngi te, un hap ban ai jingkheiñ shaphang ïa lade ha U Blei.

1 KORINTH 3:14

Lada kaei kaba la tei ha ka nongrim kam ing ha ka ding, u nongtei un ïohpdiang ïa ka bainong.

1 KORINTH 3:8

Ym don jingïapher hapdeng u briew uba bet bad u briew uba ai um; U Blei un ai bainong ïa uwei pa uwei kat kum ka kam kaba u la leh.

JINGPYNPAW 11:18

Kiba mane blei thala ki la dap da ka jingbitar shla, namar ka por jong ka jingbitar jong me ka la poi, ka por ban bishar ïa kiba ïap. Ka por ka la poi ban ainong ïa ki shakri jong me, ki nongïathuhlypa, bad ïa ki briew jong me baroh, kito baroh kiba tiengburom ïa me, kiba khraw bad kiba rit kumjuh. Ka por ka la poi ban pynjot ïa kito kiba pynjot ïa ka pyrthei!”

JINGPYNPAW 2:23

Ngan pynïap ruh ïa ki nongbud jong ka, bad nangta ki balang baroh kin tip ba nga long uta uba tip ïa ki jingmut bad ki jingkwah jong uwei pa uwei. Ngan siew kylliang ïa uwei pa uwei na pha kat kum kaei kaba u la leh.

JINGPYNPAW 20:12

Bad nga la ïohi ïa kiba ïap, kiba rit bad kiba khraw kumjuh, kiba ïeng ha khmat jong ka khet. Ïa ki kitab la plied, bad nangta la plied sa kawei pat ka kitab, ka kitab jong kiba im. Ïa kiba ïap la bishar kat kum kaei kaba ki la leh, kumba la buh jingthoh ha ki kitab.

JINGPYNPAW 22:20

Uta uba ai ïa ka jingphla jong u ha kane baroh, u ong, “Ho-oid da shisha! Nga wan kloi!” Ai kan long kumta. To wan, Trai Jisu!

JINGPYNPAW 22:7

“Shahshkor!” ong U Jisu. “Nga wan kloi! Suk kito kiba kohnguh ïa ki ktien ïathuhlypa kiba hapoh kane ka kitab!”

JINGPYNPAW 3:11

Ngan wan kloi. Sumar kyndong ïa kaei kaba pha don, khnang ba yn ym don uno uno u ban lute na pha ïa ka bainong jong ka jingjop.