JINGPYNPAW 22:11 - Khasi CL Bible (BSI)

¹¹ Uno uno uba sniew u dei ban ïai leh sniew, bad uno uno uba jaboh u dei ban ïai jaboh; uno uno uba bha u dei ban ïai lehbha, bad uno uno uba khuid u dei ban ïailong khuid.”

KA BAIBL

¹¹ Uta u bymhok, to un nang leh bymhok: bad uta uba tngit, to un nang tngit: bad uta u bahok, to un nang leh hok: bad uta u bakhuid, to un nang khuid.”

JINGPYNPAW 22:11 ပူးပေါင်းရင်းမြစ်များ

Ka Kitab U Job 17:9

Kito kiba dawa ba ki long kiba donburom ki la nang sngewdei shuh shuh ba kim shym la bakla.

SALM 81:12

Kumta nga la shah ïa ki ban ïaid mutlop ha ki lynti jong ki bad ban leh kat kaba ki mon.

PROBERB 14:32

Ki briew kiba sniew ki wallam ïa la ka jong ka jingkyllon noh da ki kam basniew jong ki, hynrei ïa ki briew kiba bha la ïada da ka jinglonghok jong ki.

PROBERB 4:18

Ka lynti kaba kiba hok ki ïaid ka long kum ka jingmih ka sngi; ka nang phyrnai nang phyrnai haduh ba kan da shai bha kum mynsngi.

EKLESIASTIS 11:3

Kam pher sha kano ka liang u dieng u khyllem, un don ha ka jaka kaba u la kyllon. Haba ki lyoh ki dap, ka slap.

ESEKIEL 3:27

Nangta haba nga kren biang ïa me bad ai biang ha me ïa ka bor ban kren, men ïathuh ïa ki, ïa kaei kaba ma nga, U Trai Nongsynshar, nga ong. Don na ki, ki ban sngap, hynrei don na ki, ki bym leh salia ïa me, naba ki long ka jaitbynriew jong ki nongïaleh pyrshah.”

DANIEL 12:10

Ïa kiba bun ki briew yn pynkhuid. Kito kiba bymman kin ym sngewthuh hynrei kin ïailong bymman; tang kito kiba stad kin shemphang.

MATHAÏOS 15:14

“Wat khuslai shaphang jong ki! Ki long ki nongïalam bamatlah jong kiba matlah; bad haba uwei u briew uba matlah u ïalam ïa uwei pat, baroh ar ngut ki hap sha ka kharai.”

MATHAÏOS 21:19

U la ïohi ïa u dieng Dumbur harud ka lynti bad u la leit sha u, hynrei um shem ei ei ha u lait noh tang ki sla. Kumta u la ong ha u dieng, “Men ym pynmih soh shuh!” Mar kumta hi u dieng Dumbur u la ïap tyrkhong.

MATHAÏOS 25:10

Kumta ki theisotti kiba bieit ki la ïaleit ban thied khyndiat ka umphniang; bad katba ki dang leit, la wan poi u nongleitkurim. Ki san ngut kiba la pynkhreh ki la ïaleit shapoh lem bad u sha ka jingkhawai shongkurim, bad ïa ka jingkhang la khang.

MATHAÏOS 5:45

khnang ba phi lah ban long ki khun jong U Kpa jong phi uba ha bneng. Namar u pynlong ïa ka sngi kaba u la thaw ban tyngshaiñ ha ki briew kiba sniew bad kiba bha kumjuh, bad u ai slap ha kito kiba leh ïa kaba bha bad ha kito kiba leh ïa kaba sniew.

MATHAÏOS 5:6

Suk kito kiba ka jingangnud bakhraw tam jong ki ka long ban leh ïa kaei kaba U Blei u dawa; U Blei un pynhun jrut ïa ki!

ÏOANNIS 8:21

U Jisu u la ong biang ha ki, “Ngan leit noh; phin ïawad ïa nga, hynrei phin ïap ha ki pop jong phi. Phim lah ban leit shano sha ba ngan leit.”

KOLOSSAI 1:22

Hynrei mynta, da ka jingïap jong U Khun jong u ha kane ka doh, U Blei u la pynlong ïa phi ki paralok jong u, khnang ban pynïeng ïa phi, kiba khuid, kiba sngur, bad kiba khlem jingduna ha khmat jong u.

2 TIMOTHI 3:13

bad ki briew kiba sniew bad kiba shukor kin nang ïaid na kaba sniew sha kaba kham sniew, da kaba shukor ïa kiwei bad shah shukor ïa lade.

JUDAH 1:24

Ha uta uba lah ban ri kyndong ïa phi na ka jinghap noh, bad ban wallam ïa phi kiba khlem jingduna bad kiba kmen ha khmat ka burom ka jingdon ryngkat jong u —

JINGPYNPAW 16:21

Ki phria kiba heh, uwei uwei uba khia kat sanphew kilo, ki la hap na sahit bneng ha ki briew, kiba la tim ïa U Blei namar ka khlam jong u phria, namar ka la long ka khlam kaba shyrkhei eh.

JINGPYNPAW 22:3

Yn ym don kano kano kaba hapoh ka jingtim U Blei ïa kaba yn shem hapoh ka nongbah. Ka khet ka jong U Blei bad ka jong U Khunlangbrot kan don hapoh ka nongbah, bad ki shakri jong u kin mane ïa u.