JINGPYNPAW 22:10 - Khasi CL Bible (BSI)

¹⁰ Bad u la ong ha nga, “Wat bat kum kaba rieh ïa ki ktien ka jingïathuhlypa jong kane ka kitab, namar ka por ka la jan haba kane baroh kan jia.

KA BAIBL

¹⁰ Bad u ong ha nga, “To me wat pyndait laha ïa kita ki ktien jong ki jingïathuhlypa kane ka kitab; naba kata ka Ïa ka long hajan.

JINGPYNPAW 22:10 ပူးပေါင်းရင်းမြစ်များ

ISAÏAH 13:6

To ud ha ka jingpang! Ka sngi ka jong U Trai ka la hajan, ka sngi ha kaba U Badonbor Baroh u wallam ka jingpynjot.

ISAÏAH 8:16

Ma phi, ki nongbud jong nga, phi dei ban sumar bad pynneh ïa ki khubor kiba U Blei u la ai ha nga.

ESEKIEL 12:23

Mynta ïathuh ïa ki ïa kaei kaba ma nga, U Trai Nongsynshar nga don ban ong shaphang kata. Ngan buh ka jingkut ïa kata ka proberb. Yn ym ïai kren shuh ïa ka da lei lei ha Israel. Pynban to ïathuh ïa ki: Ka por ka la wan, bad ki jingïathuhlypa ki la urlong shisha!

DANIEL 12:4

U la ong ha nga, “Bad mynta, ko Daniel to khylliap noh ïa ka kitab bad shon muhor halor jong ka haduh ka jingkut jong ka pyrthei. Ha kajuh ka por, kiba bun ki briew kin pynlehnoh-ei ïa ki jingpyrshang jong ki ban sngewthuh ïa kaei kaba jia.”

DANIEL 12:9

U la jubab, “Me dei ban leit noh mynta, ko Daniel, namar ïa kine ki kyntien dei ban ri khop bad buhrieh tad haduh ba kaba kut ka wan.

DANIEL 8:26

Kane ka jingïohipaw shaphang ki jingkñia ha ka por janmiet bad mynstep ïa kaba la batai ha me kan urlong shisha. Hynrei buhrieh ïa ka mynta, namar kan shim por shibun ha shuwa ban kan urlong shisha.”

MATHAÏOS 10:27

Ïa kaei kaba nga ïathuh ïa phi ha kaba dum phi dei ban ïathuh ha kaba shai, bad ïa kaei kaba phi la ïohsngew ha kaba rieh phi dei ban pynbna na ki tnum ïing.

Ka Shithi U Paul Sha Ki Nong Rom 13:11

Phi dei ban leh ïa kane, namar phi tip ba ka por ka la poi na ka bynta jong phi ban kyndit noh na kaba ïohthiah. Naba ka khyllipmat ban pynim ïa ngi ka long kham hajan mynta ban ïa kaba mynba ngi la ngeit.

Ka Shithi U Paul Sha Ki Nong Rom 13:12

Ka miet ka la jan kut, ka sngi ka la jan sdang. To ngin ïasangeh noh na kaba leh ïa kiei kiei kiba long jong ka jingdum, bad to ngin kieng ïa ki atiar ka jingïaleh ha ka jingshai.

2 THESSALONI 2:3

Wat shah ïano ïano ban shukor ïa phi ha kano kano ka rukom. Naba ka Sngi kan ym wan tad ynda ka Jingïaleh pyrshah ka jia bad ba uta Uba Sniew u mihpaw ïa uba la buh lypa na ka bynta ka dujok.

1 PETROS 4:7

Kaba kut jong kiei kiei baroh ka la jan. Phi dei ban long kiba lah ban synshar ïa lade bad kiba sharai, ban lah ban duwai.

JINGPYNPAW 1:11

Ka la ong, “Thoh ïa kaei kaba me ïohi, bad phah ïa ka kitab sha ki balang ha kine ki hynñiew tylli ki nongbah: ka Ephesos, ka Smyrna, ka Pergamum, ka Thiatira, ka Sardis, ka Philadelphia, bad ka Laodikaïa.”

JINGPYNPAW 1:3

Suk uta uba pule ïa kane ka kitab, bad suk kito kiba shahshkor ïa ki ktien jong kane ka khubor jong ka jingïathuhlypa bad kiba kohnguh ïa kaei kaba la thoh ha kane ka kitab! Naba ka por ka la jan haba baroh kine kiei kiei kin sa jia.

JINGPYNPAW 10:4

Hamar ba ki la kren, nga la sdang ban thoh. Hynrei nga la ïohsngew ïa ka sur kaba kren na bneng, “To buhrieh ïa kaei kaba ki hynñiew tylli ki pyrthat ki la ong; wat thoh ïa ka!”

JINGPYNPAW 22:16

“Nga, U Jisu, nga la phah ïa u angel jong nga ban pynbna ïa kine kiei kiei ha phi ha ki balang. Nga la hiarpateng na ka longïing jong u Dabid; nga long u khlur step uba phyrnai.”

JINGPYNPAW 22:18

Ma nga, u Ïoannis, nga maham da ka jingsngew kyntang ïa uno uno baroh uba ïohsngew ïa ki ktien ka jingïathuhlypa jong kane ka kitab: Lada uno uno u bynrap ei ei ha ki, U Blei un bynrap ha ka jingpynshitom ïa ki da ki khlam ïa kiba la batai ha kane ka kitab.

JINGPYNPAW 22:20

Uta uba ai ïa ka jingphla jong u ha kane baroh, u ong, “Ho-oid da shisha! Nga wan kloi!” Ai kan long kumta. To wan, Trai Jisu!

JINGPYNPAW 22:7

“Shahshkor!” ong U Jisu. “Nga wan kloi! Suk kito kiba kohnguh ïa ki ktien ïathuhlypa kiba hapoh kane ka kitab!”

JINGPYNPAW 22:9

Bad u la ong ha nga, “Wat leh kumne! Nga long u shakri ryngkat bad me lem bad ki nongïathuhlypa ki para jong me bad jong kito baroh kiba kohnguh ïa ki ktien hapoh jong kane ka kitab. To mane ïa U Blei!”

JINGPYNPAW 5:1

Nga la ïohi ïa ka kot kli ha ka kti kamon jong uta uba shong halor ka khet; kaba la dap da ka jingthoh ha baroh arliang bad kaba la pyndait da ki hynñiew tylli ki jingpyndait.