JINGPYNPAW 21:8 - Khasi CL Bible (BSI)

⁸ Hynrei ki khawpud, ki nongshetkylla, ki riewkhyllah, ki nongpynïap briew, kiba leh awria, kito kiba leh byrtong, kito kiba mane bleithaw, bad kiba lamler baroh — ka jaka na ka bynta jong ki ka long ka pung kaba klang da ka ding bad u kyndok, kaba long ka jingïap kaba ar.”

KA BAIBL

⁸ Hynrei, ïa kita kiba sheptieng, bad ïa ki bymngeit, bad ïa kiba ijli, bad ïa kiba pynïap bad ïa kiba kyr-eit, bad ïa kiba ai ksuid, bad ïa kiba mane bleithaw, bad ïa kita baroh kiba lamler, ka bynta jong ki kan long ha kata ka pung ïa kaba thang da ka ding bad da u kyndok; kaba long kata ka jingïap ka ba-ar.”

JINGPYNPAW 21:8 ပူးပေါင်းရင်းမြစ်များ

PROBERB 19:5

Lada phi lamler ha ka ïingbishar, phin shah pynshitom — yn ym don jingpyllait.

PROBERB 19:9

Ym don uba kren lamler ha ka ïingbishar u ban ïohlait na ka jingpynshitom; u la shah pynrem.

ISAÏAH 51:12

U Trai u ong, “Nga long uta uba pynkhlaiñ ïa phi. Balei phin sheptieng ïa u briew u bym im junom, u bym kham neh ban ïa u phlang?

ISAÏAH 57:11

U Trai u ong, “Kiei kine ki blei kiba pynsheptieng ïa phi, kumta ba phi ïathuh ïa nga ïa kaba lamler bad klet syndon ïa nga? Hato phim shym la ai burom shuh ïa nga namar ba nga la shu sngap la slem bah?

ISAÏAH 9:15

Ki rangbah kiba tymmen bad kiba donburom ki long ka khlieh — bad u tdong u long ki nongïathuhlypa kiba ki jinghikai jong ki, ki long kiba lamler!

MALAKHI 3:5

U Trai Badonbor Baroh u ong, “Ngan sa paw hapdeng jong phi ban bishar, bad ngan phla shisyndon pyrshah ïa kito kiba leh myntor, pyrshah ïa kiba klim, pyrshah ïa kito kiba sakhi lamler, kito kiba shukor ïa ki nongtrei ïa ki bainong jong ki, bad kito kiba shim kabu ïa ki riewkynthei, ki khunswet, bad ki nongwei — pyrshah ïa kito baroh ki bym ñiewkor ïa nga.

MATHAÏOS 10:28

Wat sheptieng ïa kito kiba pynïap ïa ka met hynrei ki bym lah ban pynïap ïa ka mynsiem; hynrei to sheptieng ïa U Blei, uba lah ban pynjot ïa ka met bad ka mynsiem ha dujok.

MATHAÏOS 25:25

Nga la sheptieng, kumta nga la leit bad buhrieh ïa ka pisa jong me ha ka khyndew. Ha khmih! Kane hangne ka long kaba dei ka jong me.’

MATHAÏOS 8:26

“Balei ba phi sheptieng haduh katne?” U Jisu u la jubab. “Katno kaba rit ka jingngeit phi don!” Nangta u la khie joit bad u la hukum ïa ki lyer bad ïa ki jingat phyllung ban sangeh, bad ka la don ka jingjai jai kaba khraw.

MARKOS 9:44

Hangta ‘ki ksaiñ kiba bam ïa ki, kim ju ïap, bad ka ding kaba thang ïa ki, kam ju lip.’

ÏOANNIS 8:44

Phi, phi long ki khun jong u kpa jong phi, u Ksuid, bad phi da kwah ban bud ïa kiba u kpa jong phi u sngewbha. Naduh kaba mynnyngkong u la long u nongpynïap briew bad um ju ïeng ha ka liang jong ka jingshisha, namar ha u kam don ka jingshisha. Haba u ïathuh ïa ka jingshukor, u leh ïa kaei kaba long tynrai ha u, namar u long uba lamler bad u kpa ki jingshukor baroh.

DEUTERONOMI 20:8

“Kita ki rangbah synshar kin ong ruh ha uta u paidïapom, ‘Don mo hangne uba sheptieng bad uba rit mynsiem? Lada don, ai un leit phai sha la ïing, ïoh ba u pynsyier mynsiem ïa kiwei pat.’

2 THESSALONI 2:9

Uta u Basniew un wan ha ka bor u Soitan bad un leh shibun ki kambah bad ki kamphylla kiba bakla,

1 TIMOTHI 4:2

Kiba kum kita ki jinghikai ki wan na ki riewarsap bashukor, kiba la ïap ki jingïatiplem, kumba la thang da u narsaw.

TITOS 1:16

Ki kam ba ki tip ïa U Blei, hynrei ki jingleh jong ki, ki len ïa kata. Ki long kiba dap da ka jingisih bad bymkohnguh, ki bym biang ban leh ïa kano kano kaba bha.

HEBRU 12:24

Phi la wan sha U Jisu, uba la pynlong ïa ka jutang bathymmai, bad sha ka snam ba la synreit, kaba kular bun kiei kiei kiba kham bha ban ïa ka snam u Abel.

HEBRU 13:4

Ïa ka jingshongkurim dei ban ri burom da baroh, bad kiba long shi tnga ki dei ban shaniah iwei ïa iwei pat. U Blei un sa bishar ïa kito kiba awria bad ïa kito kiba klim.

1 ÏOANNIS 2:22

Uei te uba lamler? U dei uno uno uba ong ba U Jisu um dei U Messaïah. Kum uta u briew, u long u Nongshun jong U Khrist — u kyntait ïa U Kpa bad ïa U Khun ruh.

1 ÏOANNIS 3:15

Uno uno uba isih ïa la u hynmen u para u long u nongpynïap briew, bad phi tip ba u nongpynïap briew um pat ïoh ka jingim bymjukut ha u.

1 ÏOANNIS 5:10

Kumta uno uno uba ngeit ha U Khun U Blei u don ïa kane ka jingphla ha ka dohnud jong u hi; hynrei uno uno u bymngeit ha U Blei, la pynlong ïa u, uba lamler, namar um shym la ngeit ïa kaei kaba U Blei u la ong shaphang U Khun jong u.

JINGPYNPAW 14:10

u hi da lade un dih ïa ka waiñ ka jong U Blei, ka waiñ ka jingbitar shla jong U, kaba u la theh noh ha ka bor jong ka baroh ha ka khuri ka jingbitar jong U! Baroh kiba leh ïa kane kin shah pynsaja ha ka ding bad ha u kyndok ha khmat ki angel bakhuid bad ha khmat U Khunlangbrot.

JINGPYNPAW 19:20

Ïa u mradkhlaw la ring koidi, lem bad ïa u nongïathuhlypa lamler uba la leh ki kambah ha ka jingdon ryngkat jong u. (Ka la long da kito ki kambah ba u la shukor ïa kito kiba la don ïa ka shab jong u mradkhlaw bad ïa kito kiba la mane ïa ka dur jong u mradkhlaw.) Ïa u mradkhlaw bad ïa u nongïathuhlypa lamler la bret im sha ka pung ding kaba klang da u kyndok.

JINGPYNPAW 2:11

“Te lada pha don ki shkor, shahshkor ïa kaei kaba U Mynsiem u ong ïa ki balang! “Ïa kito kiba ïoh ïa ka jingjop, yn ym pynsniew ïa ki da ka jingïap kaba ar.

JINGPYNPAW 2:2

Nga tip ïa kaei kaba pha la leh; nga tip katno pha la trei shitom bad katno pha la long kaba ïaishah. Nga tip ba pham lah ban shah ïa ki briew kiba sniew bad ba pha la tynjuh ïa kito kiba ong ba ki dei ki apostol hynrei kim dei, bad pha la shem ba ki long kiba lamler.

JINGPYNPAW 21:27

Hynrei ym don kano kano ka bymkhuid ka ban ïohrung sha ka nongbah, lymne uno uno uba leh ïa kino kino kiba sngewlehrain lane uba ïathuh lamler. Tang kito ïa kiba ki kyrteng jong ki la thoh ha ka kitab kiba im jong U Khunlangbrot kin ïohrung sha kata ka nongbah.

JINGPYNPAW 22:15

Hynrei shabar ka nongbah ki don ki riewkhyllah bad kito kiba leh byrtong, kiba awria bad ki nongpynïap briew, kito kiba mane ïa ki bleithaw bad kito kiba lamler ha ki ktien bad ki kam.

JINGPYNPAW 9:17

Bad ha ka jingïohipaw jong nga, nga la ïohi ïa ki kulai bad ïa ki nongshong kulai jong ki: Ki don ki jingïada shadem kiba saw kum ka ding, kiba jngum kum u Sapphir, bad kiba stem kum u kyndok. Ki khlieh jong ki kulai ki la long kum ki khlieh sing, bad na ki shyntur jong ki la mih ka ding, ka tdem bad u kyndok.

JINGPYNPAW 9:21

Lymne kim shym la kylla-kaba-mut na ki jingpynïap briew jong ki, ki kam myntor jong ki, ki kam awria bajakhlia, ne ka kam tuh jong ki.

NONGBISHAR 7:3

Pynbna ha u paidbah, ‘Uno uno uba sheptieng u dei ban leit phai noh sha ïing, bad ngi ngin sah hangne ha u lum Gilead.’ ” Kumta arphew ar hajar ngut ki leit phai noh, bad shiphew hajar ngut ki sah.