JINGPYNPAW 21:7 - Khasi CL Bible (BSI)

⁷ Uno uno uba ïoh ïa ka jingjop un ïohpdiang ïa kane na nga: Ngan long U Blei jong u, bad un long u khun jong nga.

KA BAIBL

⁷ Uta uba jop un ïoh ïa kiei kiei baroh; bad ngan long U Blei jong u, bad ma u de un long u khun jong nga.

JINGPYNPAW 21:7 ပူးပေါင်းရင်းမြစ်များ

JENESIS 17:8

Ngan ai ha me, bad ha ki khun ki ksiew jong me, ïa kane ka ri ha kaba mynta me long u nongwei. Ka ri Kanaan baroh kawei kan long ka jingïohkynti junom jong ki khun ki ksiew jong me; bad nga ngan long U Blei jong ki.”

2 SAMUEL 7:14

Ngan long u kpa jong u, bad u, un long u khun jong nga. Haba u leh bakla, ngan sneng sympat ïa u kumba u kpa u sneng sympat ïa la u khun.

SALM 89:26

Un sa ong ha nga, ‘Me long U Kpa jong nga bad U Blei jong nga, me long u nongïada bad u nongpynim jong nga.’

PROBERB 3:35

Ki briew kiba stad kin nang ïoh ka nam ka burom, hynrei ki briew kiba mutlop kin nang mad ka jingjahburom.

ISAÏAH 65:9

Ngan kyrkhu ïa ki khun Israel kiba dei na ka jait Judah, bad ki khun ki ksiew jong ki kin ïohkynti ïa ka ri jong nga kaba ha ki lumbah. Ki briew ba la jied jong nga, kiba shakri ïa nga, kin shong hangta.

SEKHARAÏAH 8:8

bad ngan wallam pat ïa ki na mihngi bad na sepngi ban shong ban sah ha Jerusalem. Kin long ki briew jong nga, bad ngan long U Blei jong ki, da kaba synshar ha ka jingïaineh bad ha ka jinglehhok.

MATHAÏOS 19:29

Bad uno uno uba la iehnoh ïa ki ïing ki sem lane ïa ki hynmen ki para lane ïa u kpa lane ïa ka kmie lane ïa ki khun ki kti lane ïa ki lyngkha na ka bynta jong nga, un ïohpdiang shispah shah tam ïa kata, bad yn ai ha u ïa ka jingim bymjukut.

MATHAÏOS 25:21

‘Me la leh ïa kaba bha tam, me u shakri uba bha bad uba lah ban shaniah!’ la ong u kynrad jong u. ‘Me la long uba lah ban shaniah ha kaba pynïaid ïa kaba khyndiat, kumta ngan buh ïa me ban khmih ïa kaba kham bun. To wan rung shapoh bad ïoh bynta lem na ka jingkmen jong nga!’

MATHAÏOS 25:34

Nangta u Syiem un ong ha ki briew kiba ha ka liang kamon jong u, ‘To wan, phi kiba la kyrkhu da U Kpa jong nga! To wan bad to ïoh ïa ka hima kaba la pynkhreh na ka bynta jong phi naduh kaba pynlong ïa ka pyrthei.

MARKOS 10:17

Katba U Jisu u la sdang biang ha ka jingïaid lynti jong u, uwei u briew u la wan mareh, u la dem khohsiew ha khmat jong u, bad u la ong ïa u, “Ko Nonghikai Babha, kaei kaba nga dei ban leh ban ïoh ïa ka jingim bymjukut?”

Ka Shithi U Paul Sha Ki Nong Rom 8:14

Kito ïa kiba la ïalam da U Mynsiem U Blei, ki long ki khun U Blei.

Ka Shithi U Paul Sha Ki Nong Rom 8:19

Ki jingthaw baroh ki ap da ka jingthrang hir hir ba U Blei un pynpaw ïa ki khun jong u.

2 KORINTH 6:16

Kumno ka templ jong U Blei kan don jingïateh bad ki bleithaw? Naba ngi long ka templ jong U Blei uba im! Kumba U Blei da lade hi u la ong, “Ngan pynlong ïa ka ïing jong nga bad ki briew jong nga bad ngan shong hapdeng jong ki; ngan long U Blei jong ki, bad kin long ki briew jong nga.”

2 KORINTH 6:18

Ngan long U Kpa jong phi, bad phin long ki khun shynrang bad ki khun kynthei jong nga, ong U Trai Badonbor Baroh.”

HEBRU 8:10

Mynta, kane ka long ka jutang ïa kaba ngan pynlong bad ki paid Israel ha ki sngi ki ban wan, ong U Trai: Ngan buh ïa ki hukum jong nga ha ki jingmut jong ki, bad ngan thoh ïa ki ha ki dohnud jong ki; ngan long U Blei jong ki, bad ki kin long u paidlang jong nga.

1 PETROS 3:9

Wat siew kylliang ïa kaba sniew da kaba sniew lane ïa ka jingtim da ka jingtim; pynban, to siew kylliang da ka jingkyrkhu, namar ka jingkyrkhu ka long kaei kaba U Blei u la kular ban ai ïa phi mynba u la khot ïa phi.

JINGPYNPAW 2:11

“Te lada pha don ki shkor, shahshkor ïa kaei kaba U Mynsiem u ong ïa ki balang! “Ïa kito kiba ïoh ïa ka jingjop, yn ym pynsniew ïa ki da ka jingïap kaba ar.

JINGPYNPAW 2:17

“Te lada pha don ki shkor, shahshkor ïa kaei kaba U Mynsiem u ong ïa ki balang! “Ha kito kiba ïoh ïa ka jingjop ngan ai katto katne ka manna ba la buhrieh. Ngan ai ruh ha uwei pa uwei na ki ïa u maw balieh ha uba la thoh ïa ka kyrteng bathymmai kaba ym don mano mano batip lait noh tang uta uba ïohpdiang ïa ka.

JINGPYNPAW 2:25

Hynrei tad ynda ngan wan, pha dei ban batskhem ïa kaei kaba pha don.

JINGPYNPAW 2:7

“Te lada pha don ki shkor, shahshkor ïa kaei kaba U Mynsiem u ong ïa ki balang! Ha kito kiba ïoh ïa ka jingjop ngan ai ban bam ïa u soh na u dieng ka jingim uba mih ha ka Kper U Blei.

JINGPYNPAW 21:3

Nga la ïohsngew ïa ka sur kaba jam kaba kren na ka khet: “Mynta ka ïing jong U Blei ka long bad u bynriew! Un shong bad ki, bad kin long ki briew jong u. U Blei da lade hi un long bad ki, bad un long U Blei jong ki.

1 SAMUEL 2:8

U kyntiew ïa kiba duk na ka dewmet, bad u rah ïa kiba kyrduh na ka jingjynjar jong ki. U pynlong ïa ki, ki paralok jong ki khun syiem, bad buh ïa ki, ha ki jaka badonburom. Ki nongrim jong ka khyndew ki dei ki jong U Trai; bad ha ki u la pynshong ïa ka pyrthei.