JINGPYNPAW 21:6 - Khasi CL Bible (BSI)

⁶ Bad u la ong, “La pyndep! Nga long uba nyngkong bad uba khatduh, uba sdang bad uba kut. Ha uno uno uba sliang ngan ai ïa ka hok ban dih na ka umpohliew jong ka um ka jingim khlem da siewdor ïa ka.

KA BAIBL

⁶ Bad u la ong ha nga, “La pyndep. Nga long ma nga U Alpha bad U Omega, u basdang bad u bakut. Ha uta u basliang ngan ai ei na ka jong kata ka pukri ka um ka jingim.

JINGPYNPAW 21:6 ပူးပေါင်းရင်းမြစ်များ

SALM 36:9

Me long ka tyllong jong ka jingim baroh; bad namar ka jingshai jong me ngi ïohi ïa ka jingshai.

ISAÏAH 12:3

Kumba ka um kaba sngur ka wanrah jingkmen ïa uba sliang, kumta ki briew jong U Blei kin shadkmen haba u pyllait im ïa ki.”

JEREMAÏAH 2:13

namar ki briew jong nga ki la leh ar tylli ki pop: Ki la phai noh na nga, ka umpohliew ki um basngur; bad ki la tih ki jaka pynlang um, ki jaka pynlang um kiba la pdang ki bym lah ban pynlang ïa ka um.”

HOSIA 14:4

U Trai u ong, “Ngan wanlam pat ïa ki briew jong nga sha lade. Ngan ieit ïa ki da ka dohnud jong nga baroh; ngan ym bitar shuh ïa ki.

JOEL 3:18

“Ha kata ka por ïa ki lumbah yn tap da ki bri sohwaiñ, bad ïa ki masi yn shem ha uwei pa uwei u lum; yn don kyrhai ka um na ka bynta ki wahduid baroh ha Judah. Ka wahduid kan tuid na ka Templ jong U Trai, bad kan ai um ïa ka Them Akasia.

ÏOANNIS 4:10

U Jisu u la jubab, “Lada pha tang shu la tip ïa kaei kaba U Blei u ai bad uei uta uba pan umdih na pha, phan jin da la pan na u, bad u un jin da la ai ha pha ïa ka um kaba ai jingim.”

ÏOANNIS 4:11

“Ko kynrad,” kata ka briew ka la ong, “mem don ïa ka jingtong, bad ka pukri ka long kaba jylliew. Nangno men ïoh ïa kata ka um kaba ai jingim?

ÏOANNIS 4:14

Ka um ïa kaba ngan ai ha u kan long ha u ka umpohliew ka ban pynïoh ïa u da ka um kaba ai jingim bad ai ha u ïa ka jingim bymjukut.”

Ka Shithi U Paul Sha Ki Nong Rom 3:24

Hynrei da ka jingaiei U Blei, ïa baroh la pynlong ka hok bad u lyngba U Khrist Jisu, uba pyllaitluid ïa ki.

Ka Shithi U Paul Sha Ki Nong Rom 8:32

Da shisha ym U Blei, u bym shym la tyngkai wat ïa la u jong U Khun hi, hynrei uba la ai sngewbha ïa u na ka bynta jong ngi baroh! U la ai ha ngi ïa la U Khun — hato un ym ai sngewbha ïa kiei kiei baroh?

1 KORINTH 2:12

Ngim shym ïohpdiang ïa u mynsiem jong kane ka pyrthei, pynban, ngi lah ïohpdiang ïa U Mynsiem ba la phah da U Blei, khnang ba ngin lah ban tip ïa baroh kaba U Blei u la ai ha ngi.

1 KORINTH 3:12

Don ki ban pyndonkam da ka ksiar ne da ka rupa ne da ki mawkordor ha kaba tei halor ka nongrim; kiwei pat kin pyndonkam da ka dieng ne da u phlang ne da u jyntang.

1 KORINTH 3:21

Kumta wat ai ba uno uno un sngewsarong shaphang kaei kaba u bynriew u lah ban leh. Ha ka jingshisha baroh kiei kiei ki long ki jong phi:

1 KORINTH 3:5

Haba kumta, uei u Apollos? Bad uei u Paul? Ngi dei tang ki shakri jong U Blei, kiba la ïalam ïa phi ban ngeit. Uwei pa uwei na ngi u trei ïa ka kam kaba U Trai u la ai ïa u ban leh:

JINGPYNPAW 1:11

Ka la ong, “Thoh ïa kaei kaba me ïohi, bad phah ïa ka kitab sha ki balang ha kine ki hynñiew tylli ki nongbah: ka Ephesos, ka Smyrna, ka Pergamum, ka Thiatira, ka Sardis, ka Philadelphia, bad ka Laodikaïa.”

JINGPYNPAW 1:17

Haba nga la ïohi ïa u, nga la dem khrup ha ki kjat jong u kum u briew ba la ïap. U la buh ïa ka kti kamon jong u halor jong nga bad u la ong, “Wat sheptieng! Nga long uba nyngkong bad uba khatduh.

JINGPYNPAW 1:8

“Nga long u Alpha bad u Omega,” ong U Trai U Blei Badonbor Baroh, uba long, uba la long bad u ban sa wan.

JINGPYNPAW 10:6

bad u la smai ha ka kyrteng U Blei, uba im junom la junom, uba la thaw ïa ka bneng, ïa ka khyndew, bad ïa kata ka duriaw, bad baroh kiba don ha ki. Uta u angel u la ong, “Yn ym don jingpynslem shuh!

JINGPYNPAW 16:17

Nangta u angel uba hynñiew u la theh noh ïa ka pliang jong u ha suiñ. Ka sur kaba jam ka la wan na ka khet kaba ha ka templ, ka da ong, “La pyndep!”

JINGPYNPAW 22:13

Nga long uba nyngkong bad uba khatduh, uba sdang bad uba kut.”

JINGPYNPAW 22:17

U Mynsiem bad ka Nongleitkurim ki ong, “To wan!” Uwei uwei baroh uba ïohsngew ïa kane u dei ruh ban ong, “To wan!” To wan, uno uno uba sliang, to pdiang ïa ka um ka jingim kum ka jingai sngewbha, uno uno uba kwah ïa ka.

JINGPYNPAW 3:14

“Thoh ha u angel jong ka balang ha Laodikaïa: “Kane ka long ka khubor na U Amen, uba ïaineh bad u sakhi bashisha, uba long u jingsdang jong baroh kaba U Blei u la thaw.