JINGPYNPAW 21:5 - Khasi CL Bible (BSI)

⁵ Nangta uta uba shong ha ka khet u la ong, “Bad mynta nga thaw thymmai ïa kiei kiei baroh!” U la ong ruh ïa nga, “Thoh ïa kane, namar kine ki ktien ki long kiba shisha bad kiba lah ban shaniah.”

KA BAIBL

⁵ Te uta u bashong halor kata ka khet u la ong, “Ha khmih, nga thaw thymmai ïa kiei kiei baroh.” Bad u ong, “To thoh: naba kine ki ktien ki long kiba ïaineh bad bashisha.”

JINGPYNPAW 21:5 ပူးပေါင်းရင်းမြစ်များ

ISAÏAH 42:9

Kiei kiei kiba nga ïathuhlypa mynta ki la jia shisha. Mynta ngan ïathuh ïa phi ïa kiei kiei kiba thymmai wat ha shuwa ba kin sdang ban jia.”

ISAÏAH 43:19

To khmih ïa kaba thymmai kaba ngan leh. Ka la jia lypa — phi lah ban ïohi ïa ka mynta! Ngan pynlong ïa ka lynti lyngba ka ri khlaw bad ïa ki wahduid ngan ai ïa phi na ka um hangta.

LOUKAS 5:38

Pynban, ïa ka waiñ bathymmai dei ban theh ha ki lwa snieh bathymmai!

2 KORINTH 5:17

Uno uno ïa uba la pynïasoh ha U Khrist u long u jingthaw uba thymmai; kaba rim ka la leit noh, kaba thymmai ka la wan.

HEBRU 12:27

Ki ktien “sa shisien pat” ki pyn-i shai ba ïa kiei kiei kiba la thaw yn pynkhynñiuh bad yn weng noh, khnang ba ïa kiei kiei ki bym lah ban pynkhynñiuh yn pynneh.

JINGPYNPAW 1:11

Ka la ong, “Thoh ïa kaei kaba me ïohi, bad phah ïa ka kitab sha ki balang ha kine ki hynñiew tylli ki nongbah: ka Ephesos, ka Smyrna, ka Pergamum, ka Thiatira, ka Sardis, ka Philadelphia, bad ka Laodikaïa.”

JINGPYNPAW 1:19

Thoh te, ïa kiei kiei kiba me ïohi; kita kiei kiei kiba long mynta bad kita kiei kiei ki ban sa jia hadien.

JINGPYNPAW 19:9

Nangta u angel u la ong ha nga, “To thoh ïa kane: Suk kito ïa kiba la khot sngewbha sha ka jingkhawai shongkurim jong U Khunlangbrot.” Bad u angel u la bynrap, “Kine ki long ki ktien kiba shisha jong U Blei.”

JINGPYNPAW 20:11

Nangta nga la ïohi ïa ka khet balieh kaba khraw bad ïa uta uba shong ha ka. Ka pyrthei bad ka bneng ki la phet na khmat jong u bad ym shym la ïohi shuh ïa ki.

JINGPYNPAW 22:19

Bad lada uno uno u shim noh ïa kano kano na ki kyntien jingïathuhlypa jong kane ka kitab, U Blei un shim noh na u ïa ka bhah jong u na u soh jong u dieng ka jingim bad jong ka Nongbah Bakhuid, ïa kiba la batai ha kane ka kitab.

JINGPYNPAW 22:6

Nangta u angel u la ong ha nga, “Kine ki ktien ki long kiba shisha bad kiba lah ban shaniah. Bad U Trai uba U Blei, uba ai ïa U Mynsiem jong u ha ki nongïathuhlypa, u la phah ïa u angel jong u ban pyn-i ha ki shakri jong u ïa kaei kaba dei ban jia shen.”

JINGPYNPAW 4:2

Mar kumta hi, U Mynsiem u la shimti ïa nga. Hangta ha bneng la don ka khet bad la don uwei uba shong halor jong ka.

JINGPYNPAW 4:9

Ki saw tylli ki jingthaw ba-im ki rwai ki jingrwai jong ka burom bad ka jingpyndonburom bad ki jingsngewnguh ïa uta uba shong ha ka khet, bad mane ïa uta uba im junom la junom.

JINGPYNPAW 5:1

Nga la ïohi ïa ka kot kli ha ka kti kamon jong uta uba shong halor ka khet; kaba la dap da ka jingthoh ha baroh arliang bad kaba la pyndait da ki hynñiew tylli ki jingpyndait.