JINGPYNPAW 21:4 - Khasi CL Bible (BSI)

⁴ Un ñiad noh ïa ki ummat baroh na ki khmat jong ki. Yn ym don shuh ka jingïap, ym don shuh ka jingsngewsih lane ka jingïam lane ka jingpang. Kiei kiei kiba rim ki la jah noh.”

KA BAIBL

⁴ te U Blei un ñiad noh ïa ka jingjaw ummat baroh na ki khmat jong ki; bad ka jingïap kan ym long shuh, lymne ka jingsngewsih, lymne ka jingïam, lymne ka jingpang, kan ym long shuh: kita kiei kiei kiba mynshuwa ki la leit noh.”

JINGPYNPAW 21:4 ပူးပေါင်းရင်းမြစ်များ

SALM 144:4

U long tang kum shisien pyrsad ka lyer; ki sngi jong u ki long kum ka jingïaid ka syrngiew.

ISAÏAH 25:8

U Trai Nongsynshar un pynkut noh ïa ka jingïap junom! Un ñiad noh ïa ki ummat na ki khmat jong baroh bad un weng noh ïa ka jingjahburom kaba ki briew jong u ki la shah ha kylleng ka pyrthei. U Trai hi da lade u la kren!

ISAÏAH 30:19

Ko phi ki briew kiba shong basah ha Jerusalem phin ym ïam shuh lano lano ruh. U Trai u long uba sngewsynei, bad haba phi kyang sha u ban ïoh jingïarap, un jubab ïa phi.

ISAÏAH 35:10

Kin poi sha Jerusalem da ka jingkmen, kin rwai bad kin pyrta da ka jingkmen. Kin long kiba kmen junom, kiba la lait junom na ka jingsngewsih bad ka jingpangnud.

ISAÏAH 51:11

Kito kiba me la pyllait im kin ïoh poi ha Jerusalem da ka jingkmen, da kaba rwai bad risa da ka jingkmen. Kin long kiba kmen junom, junom kiba laitluid na ka jingsngewsih bad jingkthang mynsiem.

ISAÏAH 60:20

Ki sngi ka jingjynjar jong pha kin kut noh. Ma nga, U Trai, ngan long ka jingshai bymjukut jong pha, kham palat ban ïa ka sngi bad u bnai.

ISAÏAH 61:3

ban ai ha kito kiba ïam sngewsih ha Seïon ïa ka jingkmen bad jingsngewbha ha ka jaka ka jingsngewsih, ka jingrwai jong ka jingïaroh ha ka jaka ki ummat kthang. Kin long kum ki dieng ba U Trai da lade hi u la thung. Baroh kin leh ïa kaei kaba dei. Bad ïa U Blei yn ai ka jingïaroh ïa kaei ba u la leh.

JEREMAÏAH 31:12

Kin wan bad rwai da ka jingkmen ha u lum Seïon bad kin kmen ha ki jingai sngewbha jong nga — ki jingai sngewbha da u kew bad ka waiñ bad ka umphniang Olib, ki jingai sngewbha da ki langbrot bad ki masi. Kin long kum ka kper bad la ai um bha; kin don baroh kat kaba ki donkam.

JEREMAÏAH 31:13

Nangta ki samla kynthei kin shad bad kin kmen, bad ki shynrang, kiba samla bad kiba tymmen, kin shadkmen. Ngan pyntngen ïa ki bad pynkylla ïa ka jingïambriew sha ka jingkmen, ïa ka jingsngewsih jong ki sha ka jingsngewbha.

HOSIA 13:14

Ngan ym pyllait ïa kine ki briew na ka ri kiba ïap lane pyllait im ïa ki na bor ka jingïap. Wanlam ïa ki khlam jong pha, ko jingïap! Wanlam ïa ka jingpynjot jong pha, ko ka pyrthei kiba ïap! Ngan ym don jingisynei shuh ïa kine ki briew.

MATHAÏOS 24:35

Ka bneng bad ka pyrthei kin leit noh, hynrei ki ktien jong nga kin ym leit noh da lei lei.

1 KORINTH 15:26

Ka nongshun kaba khatduh ïa kaba dei ban pynjot ka long ka jingïap.

1 KORINTH 7:31

kito kiba pyndonkam ïa ki tiar ba ki ïoh, kumba kim shym lap miet ha kita. Naba kane ka pyrthei, kumba ka long mynta, kan ym neh slem.

2 KORINTH 5:17

Uno uno ïa uba la pynïasoh ha U Khrist u long u jingthaw uba thymmai; kaba rim ka la leit noh, kaba thymmai ka la wan.

2 KORINTH 6:17

Bad kumta U Trai u ong, “Phi dei ban iehnoh ïa ki bad pynïakhlad ïa lade na ki. Wat ïadon bynta bad kaei kaei ka bymkhuid, bad ngan pdiang ïa phi.

HEBRU 12:27

Ki ktien “sa shisien pat” ki pyn-i shai ba ïa kiei kiei kiba la thaw yn pynkhynñiuh bad yn weng noh, khnang ba ïa kiei kiei ki bym lah ban pynkhynñiuh yn pynneh.

2 PETROS 3:10

Hynrei ka Sngi jong U Trai kan wan kum u nongtuh. Ha kata ka Sngi, ki bneng kin jah noh lem bad ka jingsawa kaba jam, ki metbneng kin ing duh bad yn pynjot, bad ka pyrthei lem bad kiei kiei baroh kiba don ha ka kin jah rngai.

1 ÏOANNIS 2:17

Ka pyrthei bad kaei kaei baroh kaba don ha ka, kaba ki briew ki kwah kan sa jah noh; hynrei kito kiba leh ïa ka mon U Blei kin im junom.

JINGPYNPAW 20:13

Nangta ka duriaw ka la aiti ïa kiba ïap jong ka. Ka jingïap bad kumjuh ka pyrthei kiba ïap, ki la aiti ïa kiba ïap kiba ki la bat. Bad ïa baroh la bishar kat kum kaei kaba ki la leh.

JINGPYNPAW 20:14

Nangta ïa ka jingïap bad ïa ka Hades la bret ha ka pung ka ding. (Kane ka pung ka ding ka long ka jingïap kaba ar.)

JINGPYNPAW 21:1

Nangta nga la ïohi ïa ka bneng bathymmai bad ïa ka pyrthei bathymmai. Ka bneng banyngkong bad ka pyrthei banyngkong ki la jah noh, bad ka duriaw kam don shuh.

JINGPYNPAW 22:3

Yn ym don kano kano kaba hapoh ka jingtim U Blei ïa kaba yn shem hapoh ka nongbah. Ka khet ka jong U Blei bad ka jong U Khunlangbrot kan don hapoh ka nongbah, bad ki shakri jong u kin mane ïa u.