JINGPYNPAW 21:27 - Khasi CL Bible (BSI)

²⁷ Hynrei ym don kano kano ka bymkhuid ka ban ïohrung sha ka nongbah, lymne uno uno uba leh ïa kino kino kiba sngewlehrain lane uba ïathuh lamler. Tang kito ïa kiba ki kyrteng jong ki la thoh ha ka kitab kiba im jong U Khunlangbrot kin ïohrung sha kata ka nongbah.

KA BAIBL

²⁷ Bad da lei lei kan ym ïoh leit bsut sha ka kaei kaei ruh ka bymkhuid, lane uta uba leh ïa ka jingijli bad ka jinglamler: hynrei, tang kita keiñ ïa kiba la thoh ha kata ka kitab ka jingim jong uta U Khun langbrot.

JINGPYNPAW 21:27 ပူးပေါင်းရင်းမြစ်များ

SALM 101:8

Na kawei ka sngi sha kawei pat ngan pynjot ïa u bymman ha ka ri jong ngi; ngan beh noh ïa baroh ki briew kiba sniew na ka nongbah jong U Trai.

EKSODOS 32:32

To map ïa ka pop jong ki; hynrei lada men ym map, nga kyrpad ba men weng noh ïa ka kyrteng jong nga na kata ka kitab ha kaba me la thoh ïa ki kyrteng jong u paidlang jong me.”

ISAÏAH 35:8

Kan long ka lynti bah hangta, ba la khot “Ka Lynti jong ka Jingkhuid.” Yn ym don nongpop u ban ïaid ha kata ka lynti; ym don ki riewbieit ki ban ïalam bakla ïa kito kiba bud ïa ka.

ISAÏAH 52:1

Ko Jerusalem, to long khlaiñ bad long khraw biang! Ko nongbah Bakhuid jong U Blei, to kup ïa lade da ka burom! Kiba mane blei thala kin ym ïohrung shuh da lei lei lyngba ki khyrdop jong pha.

ISAÏAH 60:21

Ki briew jong pha kin leh baroh ïa kaei kaba dei, bad kin ïohkynti ïa ka ri junom. Nga la thung ïa ki, nga la thaw ïa ki, ban pynpaw ïa ka jingkhraw jong nga sa baroh.

ESEKIEL 44:9

“Ma nga, U Trai Nongsynshar, nga pynbna ba yn ym don uno uno u nongwei bym shym la otsher, uno uno u bymkohnguh ïa nga, un rung ha ka Templ jong nga, wat u nongwei uba shong basah hapdeng ki paid Israel.”

JOEL 3:17

“Te ko Israel, phan sa tip ba nga long U Trai U Blei jong pha. Nga shong ha Seïon, u lum bakyntang jong nga. Ka Jerusalem kan long ka nongbah bakyntang; ki nongwei kin ym lah ban jop shuh ïa ka lano lano ruh.

LEBITIKOS 13:46

Un ïaisah u bymkhuid katba kata ka jingpang ka dang don, bad u dei ban sah kyrpang shabar ka jaka shong dara, jngai na kiwei pat.

SEKHARAÏAH 14:21

Ïa uwei pa uwei u khiew shet ha Jerusalem bad ha baroh ka Judah yn pynkyrpang na ka bynta ban pyndonkam ha ka jingmane ïa U Trai Badonbor Baroh. Ki briew kiba ai ïa ki jingkñia kin pyndonkam ïa ki ban phon ïa ka doh jong ki jingkñia. Haba kata ka por ka poi, yn ym don shuh uno uno u nongkhaïi ha ka Templ jong U Trai Badonbor Baroh.

JINGKHEIÑ 12:15

Kumta ka Miriam ka shah khang shabar ka jaka sher dara hynñiew sngi, bad kita ki briew kim shym la mihnoh tad ynda la wan ïalam pat ïa ka shapoh.

JINGKHEIÑ 5:3

Phah noh shabar ïa baroh kine ki briew bymkhuid kat kum ka jinglehniam, ba kumta kin ym pyntngit ïa ka jaka shong dara, ha kaba nga shong bad ki briew jong nga.”

MATHAÏOS 13:41

U Khun U Briew un phah ïa la ki angel ba lumlang napoh ka Hima jong u ïa kito baroh kiba pynlong ïa ki briew jong u ban leh pop bad ïa baroh kiwei pat kiba leh ïa kiei kiei kiba sniew,

MARKOS 7:2

Ki la ïohi ba katto katne ngut ki synran jong u ki dang ïabam ïa la ki jingbam da ki kti ki bym khuid kat kum ka jinglehniam — kata, kim pat sait ha kata ka rukom kaba ki Pharisi ki ong ba ki briew ki dei ban leh.

LOUKAS 10:20

Hynrei wat kmen namar ba ki mynsiem bymman ki kohnguh ïa phi; pynban, to kmen namar ba ïa ki kyrteng jong phi la thoh ha bneng.”

EPHESOS 5:5

Phi dei ban sngewskhem ba yn ym don uno uno uba awria, uba long jakhlia, lane uba kwah lalot (naba ka jingkwah lalot ka long hi ka rukom mane bleithaw) u ban ïoh bynta ha ka Hima jong U Khrist bad jong U Blei.

PHILIPPI 4:3

Bad ïa phi ruh, ko paralok baïaineh jong nga, nga kwah ïa phi ban ïarap ïa kine ki kynthei; naba ki la trei shitom lem bad nga ban pynsaphriang ïa ka gospel, ryngkat bad u Klemen, bad baroh kiwei pat ki para nongïatrei lem jong nga, kiba ki kyrteng jong ki, ki don ha ka kitab jong kiba im jong U Blei.

HEBRU 12:14

Ïaleh ban ïashongsuk bad ki briew baroh, bad pyrshang ban im ka jingim kaba khuid, namar khlem kata uno uno un ym lah ban ïohi ïa U Trai.

2 PETROS 3:13

Hynrei ngi ap ïa kaei kaba U Blei u la kular: Ïa ki bneng kiba thymmai bad ïa ka khyndew kaba thymmai, ha kaba ka hok kan don.

JINGPYNPAW 13:8

Baroh ki briew kiba shong ha ka pyrthei kin mane ïa u, lait noh ïa kito kiba ïa ki kyrteng jong ki la thoh ha shuwa ka jingpynlong ïa ka pyrthei ha ka kitab jong kiba im kiba dei ki jong uta U Khunlangbrot ïa uba la shah pynïap.

JINGPYNPAW 20:12

Bad nga la ïohi ïa kiba ïap, kiba rit bad kiba khraw kumjuh, kiba ïeng ha khmat jong ka khet. Ïa ki kitab la plied, bad nangta la plied sa kawei pat ka kitab, ka kitab jong kiba im. Ïa kiba ïap la bishar kat kum kaei kaba ki la leh, kumba la buh jingthoh ha ki kitab.

JINGPYNPAW 20:15

Ïa uno uno uba ïa ka kyrteng jong u ym shym la thoh ha ka kitab kiba im la bret sha ka pung ka ding.

JINGPYNPAW 21:8

Hynrei ki khawpud, ki nongshetkylla, ki riewkhyllah, ki nongpynïap briew, kiba leh awria, kito kiba leh byrtong, kito kiba mane bleithaw, bad kiba lamler baroh — ka jaka na ka bynta jong ki ka long ka pung kaba klang da ka ding bad u kyndok, kaba long ka jingïap kaba ar.”

JINGPYNPAW 3:5

Ïa kito kiba ïoh ka jingjop yn pynkup ïa ki kumne ha ki jaiñkup balieh, bad ngan ym weng noh ïa ki kyrteng jong ki na ka kitab jong kiba im. Ha ka jingdon ryngkat jong U Kpa jong nga bad ki angel jong u, ngan pynbna paidbah ba ki long ki jong nga.