JINGPYNPAW 21:24 - Khasi CL Bible (BSI)

²⁴ Ki briew ka pyrthei kin ïaid ha ka jingshai jong ka, bad ki syiem jong ka pyrthei kin wallam ïa ka spah jong ki shapoh jong ka.

KA BAIBL

²⁴ Bad kita ki kynja bynriew kin ïa-ïaid ha kata ka jingshai jong ka: bad ki syiem ka khyndew ki wallam ïa ka burom jong ki sha ka.

JINGPYNPAW 21:24 ပူးပေါင်းရင်းမြစ်များ

SALM 22:27

Baroh ki jaitbynriew kin kynmaw ïa U Trai. Na ki bynta baroh jong ka pyrthei kin phai sha u; baroh ki kynja bynriew kin mane ïa u.

ISAÏAH 2:2

Ha ki sngi ban wan u lumbah ha kaba ka Templ ka ïeng un long uba jrong tam na baroh, uba da jrong eh halor ki lumrit baroh. Kiba bun ki jaitbynriew kin tuid sha u,

ISAÏAH 2:5

Mynta, ko ki khun ki ksiew jong u Jakob, to ngin ïaid ha ka jingshai kaba U Trai u ai ha ngi!

ISAÏAH 49:23

Ki syiem kin long kum ki kpa ïa pha; ki mahadei kum ki kmie. Kin dem khrup ha khmat jong pha bad kin burom ïa pha; da kaba pynrit kin pyn-i burom ïa pha. Te phan tip ba nga long U Trai; uba ap ïa ka jingïarap jong nga un ym duh jingkyrmen.”

ISAÏAH 52:15

Hynrei mynta bun ki hima kin sngewphylla ïa u, bad ki syiem kin ym lait kren namar ka jingsngew lyngngoh. Kin ïohi bad kin sngewthuh katto katne kaba kim pat ju tip mynno mynno.”

ISAÏAH 55:10

“Ka ktien jong nga ka long kum ka ïor bad u slap kiba wan hap na suiñbneng ban ai um ïa ka pyrthei. Ki pynlong ïa ki jingthung ban san bad pynmih ïa u symbai ban ïoh bet bad ka jingbam ban bam.

ISAÏAH 55:5

Mynta phin phah khot ïa ki hima ri nongwei; mynshuwa kim shym la tip ïa phi, hynrei mynta kin wan mareh ban ïasoh bad phi! Nga, U Trai U Blei jong phi, U Blei bakhuid jong ki Israel, ngan pynjia ïa kane baroh; ngan ai ha phi ïa ka burom bad jingpyndonburom.”

ISAÏAH 60:13

“Ïa ki dieng jong u dieng Kseh, u dieng Kseh-Juniper, bad u dieng Kseh-Sypress, ki dieng kiba kynsai tam jong ka khlaw Lebanon yn wallam ban tei biang ïa pha, ko Jerusalem, ban pynitynnat ïa ka Templ jong nga, ban pyndonburom ïa ka nongbah jong nga.

ISAÏAH 60:16

Ki jaitbynriew bad ki syiem kin sumar ïa pha, kumba ka kmie ka sumar ïa la ki khun jong ka. Phan sa tip ba nga U Trai, nga la pyllait ïa pha, ba U Blei Bakhrawbor ki Israel u pyllaitluid ïa pha.

ISAÏAH 66:18

Nga tip ïa ki jingpyrkhat bad ki kam jong ki, ngan wan ban lumlang ïa ki briew jong ki hima baroh. Haba kin ïawanlang, kin sa ïohi kaei ba ka bor jong nga ka lah ban leh bad kin sa tip ba nga dei uta uba pynshitom ïa ki.

JEREMAÏAH 4:2

kan long kaba dei ïa phi ban smai da ka kyrteng jong nga. Nangta baroh ki jaitbynriew kin kyrpad ïa nga ban kyrkhu ïa ki, bad kin ïaroh ïa nga.”

SEKHARAÏAH 2:11

Ha kata ka por shibun ki jaitbynriew kin wan sha U Trai bad long ki briew jong u. Un shong un sah hapdeng jong phi, bad phin tip ba u la lah phah ïa nga sha phi.

Ka Shithi U Paul Sha Ki Nong Rom 15:16

Nga shakri kum u lyngdoh ha kaba ïalap ïa ka Khubor Babha na U Blei, khnang ba ki Jentil ki lah ban long ka jingkñia ba la pdiang sha U Blei, ba la pynkyntang sha u da U Mynsiem Bakhuid.

Ka Shithi U Paul Sha Ki Nong Rom 15:26

Namar ki balang ha Makedonia bad Akhaïa da ka jingsngewlaitluid ki la ïakut ban ai ka jingai ban ïarap ïa kiba duk napdeng ki briew jong U Blei ha Jerusalem.

DEUTERONOMI 32:43

“Phi ki jaitbynriew, ïaroh ïa ki briew U Trai; naba u pynshitom ïa kito baroh kiba pynïap ïa ki. U pynhiarkput ïa ki nongshun jong u, bad u map ïa ki pop jong ki briew jong u.”

JINGPYNPAW 21:26

Ïa ka jingkhraw bad ïa ka spah jong ki jaitbynriew yn wallam shapoh ka nongbah.

JINGPYNPAW 22:2

bad ka tuid sha ka pdeng jong ka lynti bah jong ka nongbah. Ha kawei kawei ka liang jong ka wah la don u dieng ka jingim, uba pynmih soh khat-ar sien shisnem, shisien ha uwei uwei u bnai, bad ki sla jong u ki long na ka bynta ban ai jingkhiah ïa ki jaitbynriew.