JINGPYNPAW 21:23 - Khasi CL Bible (BSI)

²³ Ka nongbah kam donkam ïa ka sngi lane ïa u bnai ban tyngshaiñ halor jong ka, namar ba ka burom jong U Trai ka tyngshaiñ halor jong ka, bad U Khunlangbrot u long ka sharak jong ka.

KA BAIBL

²³ Bad kata ka nongbah kam donkam ïa ka sngi, lymne ïa u bnai ban pynshai ha ka: namar ka burom U Blei ka la pynshai ïa ka, bad ka jingshai jong ka long uta U Khun langbrot.

JINGPYNPAW 21:23 ပူးပေါင်းရင်းမြစ်များ

SALM 84:11

U Trai u long u nongïada jong ngi bad u syiem uba donburom; u kyrkhu ïa ngi da ka jingbhasbun bad ka burom. Um kyntait ïa kaei kaei kaba bha na kito kiba leh ïa kaei kaei kaba dei.

ISAÏAH 2:10

Kin rieh ha ki krem ha ki mawsiang lum lane tih ki thliew ha khyndew ban pyrshang ban lait na ka jingbitar U Trai bad ban rieh na ka bor bad ka burom jong u!

ISAÏAH 2:19

Ki briew kin rieh ha ki krem ha mawsiang lum lane tih thliew ha khyndew ban pyrshang ban lait na ka jingbitar jong U Trai bad ban rieh na ka bor bad ka burom jong u, haba u wan ban pynkhynñiuh ïa ka pyrthei.

ISAÏAH 2:21

Haba U Trai u wan ban pynkhynñiuh ïa ka pyrthei, ki briew kin rieh ha ki thliew bad ki krem ha ki mawsiang lum ban pyrshang ban lait na ka jingbitar jong u bad ban rieh na ka bor bad ka burom jong u.

ISAÏAH 24:23

U bnai un kylla dum, bad ka sngi kan ym tyngshaiñ shuh, namar U Trai Badonbor Baroh un long u syiem. Un synshar ha Jerusalem halor u Lum Seïon, bad ki nongïalam jong ki briew kin ïohi ïa ka burom jong u.

ISAÏAH 30:26

U bnai un sa shai phyrnai kat ka sngi, bad ka sngi kan shai phyrnai hynñiew shah ban ïa kaba ju long, kum ka jingshai jong ki hynñiew sngi ha kawei ka sngi. Kane baroh kan jia haba U Trai un sop spaiñ bad pynkhiah ïa ki jingmong kiba u la ai ha ki briew jong u.

HABAKKUK 3:3

U Blei u wan biang na Edom; U Blei bakhuid u wan na ki lumrit ka Paran. Ka burom jong u ka dap ïa ki bneng, bad ka pyrthei ka dap da ka jingïaroh ïa u.

MATHAÏOS 16:27

Naba U Khun U Briew u la jan wan ha ka burom jong U Kpa jong u lem bad la ki angel, bad nangta un ainong ïa uwei pa uwei kat kum ki kam jong u.

MARKOS 8:38

Lada u briew u lehrain ïa nga bad ïa ka jinghikai jong nga ha kane ka sngi jong ka jingbymriewblei bad ka jingbymman, te U Khun U Briew un lehrain ïa u haba un wan ha ka burom jong U Kpa jong u ryngkat bad ki angel bakhuid.”

LOUKAS 2:32

Ka jingshai ban pynpaw ïa ka mon jong me ha ki Jentil bad ban wallam ka burom ha ki briew jong me, ki Israel.”

ÏOANNIS 1:14

U Ktien la kylla long u briew bad, uba dap da ka jingaiei bad ka jingshisha, u la im hapdeng jong ngi. Ngi la ïohi ïa ka burom jong u, ka burom kaba u la ïohpdiang kum U Khun marwei jong U Kpa.

ÏOANNIS 1:18

Ym don mano mano ruh uba la ïohi ïa U Blei. U Khun ba marwei jong u, uba long kumjuh kum U Blei bad uba don ha syndah jong U Kpa, u la pynpaw shynna ïa u.

ÏOANNIS 1:4

U Ktien u la long u tyllong jong ka jingim; bad kane ka jingim ka la wanrah ka jingshai ïa u bynriew.

ÏOANNIS 1:9

Kane ka la long ka jingshai kaba shisha — ka jingshai kaba wan sha ka pyrthei bad pynshai ha u bynriew baroh.

ÏOANNIS 17:24

“Ko Pa! Me la ai ïa ki ha nga, bad nga kwah ïa ki ba kin don bad nga ha kaba nga don, khnang ba ki lah ban ïohi ïa ka burom jong nga, ka burom ïa kaba me la ai ha nga; naba me la ieit ïa nga ha shuwa ban pynlong ïa ka pyrthei.

ÏOANNIS 5:23

Uno uno u bym burom ïa U Khun um burom ïa U Kpa uba la phah ïa u.

KI KAM 22:11

Nga la matlah namar ka jingshai baphyrnai, bad kumta ki paralok jong nga ki la btin ïa nga da ka kti bad ki la ïalam ïa nga sha Damaskos.

JINGPYNPAW 14:4

Ki long ki rangbah kiba la ri khuid ïa lade khlem ïathiah shongkha bad ki kynthei; ki long ki rangsotti. Ki bud ïa U Khunlangbrot kat shaba u leit. La siewspah ïa ki napdeng u khunbynriew bad ki long kiba nyngkong ïa kiba la ainguh ha U Blei bad ha u Khunlangbrot.

JINGPYNPAW 18:1

Hadien kane nga la ïohi ïa uwei pat u angel uba wan hiar na bneng. U la don ka bor bakhraw, bad ka jingphyrnai jong u ka la pynthaba ïa ka pyrthei baroh kawei.

JINGPYNPAW 21:11

bad ka da phyrnai da ka burom jong U Blei. Ka nongbah ka la phyrnai kum u mawkordor, kum u maw Jasper, kaba shai sngur bha.

JINGPYNPAW 21:25

Ki khyrdop jong ka nongbah kin plie baroh shi sngi; yn ym khang ïa ki da lei lei, namar yn ym don ka miet hangta.

JINGPYNPAW 22:5

Yn ym don shuh kano kano ka miet, bad kin ym donkam ïa ki sharak lane ïa ka jingshai ka sngi, namar U Trai uba U Blei un long ka jingshai jong ki bad kin synshar kum ki syiem junom la junom.

JINGPYNPAW 5:6

Nangta nga la ïohi ïa U Khunlangbrot uba ïeng hapdeng ka khet, ïa kaba la ker sawdong da ki saw tylli ki jingthaw ba-im bad ki nongsharai balang. U Khunlangbrot u la paw ba u la shah pynïap. U don hynñiew tylli ki reng bad hynñiew tylli ki khmat, kiba long ki hynñiew ki mynsiem U Blei ïa kiba la phah sha kylleng ka pyrthei.