JINGPYNPAW 21:21 - Khasi CL Bible (BSI)

²¹ Ki khat-ar tylli ki khyrdop ki la long ki khat-ar tylli ki mawlynnai; ïa kawei kawei ka khyrdop la shna na uwei u mawlynnai. Ka lynti bah jong ka nongbah ka la long da ka ksiar nylla, kaba lah ban ïohi lyngba kum ka ïit.

KA BAIBL

²¹ Bad kita ki khat-ar ki khyrdop ki la long khat-ar ki paila; kawei kawei keiñ na kita ki khyrdop ka la long na u paila tylli: bad ka lynti bah jong kata ka nongbah ka la long ka ksiar banylla, kum ka ïit bashai lyngba.

JINGPYNPAW 21:21 ပူးပေါင်းရင်းမြစ်များ

1 SYIEM 6:20

Kane ka kamra kaba shapoh ka long khyndai mitar ka lynter, khyndai mitar ka pyngkiang, bad khyndai mitar ka jingjrong, baroh la suit ïa ka da ka ksiar kaba nylla. Ïa ka duwan la sop da ki dieng Kedar.

JINGPYNPAW 17:4

Kata ka briew ka la riam ha ki jaiñ ba sawbthuh bad basaw hain hain, bad ba la tap da ki jingdeng ksiar, ki mawkordor, bad ki paila. Ha ka kti jong ka, ka la bat ïa ka khuri ksiar kaba dap da kiei kiei kiba isaitmet bad ijakhlia, kiba mih na ka jingawria jong ka.

JINGPYNPAW 18:16

“Katno kaba ishyrkhei! Katno kaba itriem ïa ka nongbah kaba khraw! Ka la ju riam ïa lade da ki jaiñ linen, kiba sawbthuh, bad kiba saw hain hain, bad ka kup ïa lade da ki jingdeng ksiar, ki mawkordor, bad ki paila!

JINGPYNPAW 21:15

U angel uba la kren ha nga u la don u diengthew uba da ka ksiar ban thew ïa ka nongbah, ïa ki khyrdop jong ka, bad ïa ki kynroh jong ka.

JINGPYNPAW 21:18

Ïa ka kynroh la thaw da u maw Jasper, bad ïa ka nongbah hi la thaw da ka ksiar nylla, kaba sngur kum ka ïit.

JINGPYNPAW 22:2

bad ka tuid sha ka pdeng jong ka lynti bah jong ka nongbah. Ha kawei kawei ka liang jong ka wah la don u dieng ka jingim, uba pynmih soh khat-ar sien shisnem, shisien ha uwei uwei u bnai, bad ki sla jong u ki long na ka bynta ban ai jingkhiah ïa ki jaitbynriew.

JINGPYNPAW 4:6

Ha khmat ka khet ruh la don kaei kaba i kum ka ïit bakhraw, kaba shai sngur bha. La ker ha baroh sawdong ka khet da saw tylli ki jingthaw ba-im kiba don ki khmat sha khmat bad shadien.