JINGPYNPAW 21:14 - Khasi CL Bible (BSI)

¹⁴ Ïa ka kynroh jong ka nongbah la tei halor ki khat-ar tylli ki maw nongrim, kiba halor jong ki la thoh ïa ki kyrteng jong ki khat-ar ngut ki apostol jong U Khunlangbrot.

KA BAIBL

¹⁴ Bad kata ka kynroh jong kata ka nongbah ka la don khat-ar ki nongrim, bad halor jong ki, ki kyrteng kita ki khat-ar ngut ki apostol jong uta U Khun langbrot.

JINGPYNPAW 21:14 ပူးပေါင်းရင်းမြစ်များ

ISAÏAH 54:11

U Trai u ong, “Ko ka Jerusalem, pha ka nongbah ba shah jynjar bad bymdonbor, bad ym don u ban pyntngen ïa pha, ngan tei pat ïa ki nongrim jong pha da ki mawkordor.

MATHAÏOS 16:18

Bad kumta nga ong ha me, ko Petros: me long u mawsiang, bad halor kane ka nongrim mawsiang ngan tei ïa ka balang jong nga, bad wat ka jingïap hi kan ym lah ban jop ïa ka.

KI KAM 1:26

Nangta ki la ïakynting sbai ban jied napdeng ki ar ngut ki rangbah, bad uta uba la jied u la long u Matthias, ïa uba la pynïasoh sha ka kynhun ki khatwei ngut ki apostol.

GALATIA 2:9

U Jakob, u Petros, bad u Ïoannis, kiba i ba ki long ki nongïalam, ki la tip ba U Blei u la ai ha nga ïa kane ka kam bakyrpang; kumta ki la ïakhublei kti ïa u Barnabas lem bad ïa nga de, kum ka dak ba ngi ïalong baroh ki nongïatrei lang. Ngi la ïamynjur ba u Barnabas bad nga, ngin ïatrei hapdeng ki Jentil, bad ki pat hapdeng ki Jiw.

EPHESOS 2:20

Ïa phi ruh, la tei ha ka nongrim ba la buh da ki apostol bad ki nongïathuhlypa, u mawdong uba long U Khrist Jisu hi.

EPHESOS 3:5

Ha ki por ba-mynshuwa ïa u khunbynriew ym shym la ïathuh ïa kane ka jingmaïan, hynrei, U Blei u la pynpaw ïa ka mynta da U Mynsiem ha ki apostol bad ki nongïathuhlypa bakhuid jong u.

EPHESOS 4:11

U la long ma u, uba “la ai ki jingai sngewbha ha u bynriew;” u la thung katto katne ngut ban long ki apostol; ïa kiwei, ki nongïathuhlypa; ïa kiwei, ki nongïalap; ïa kiwei pat, ki nongsharai balang bad ki nonghikai.

HEBRU 11:10

Naba u Abraham u la ap khmih ïa ka nongbah kaba U Blei u la pynwandur bad u la tei, ka nongbah kaba don ki nongrim baneh.

JUDAH 1:17

Hynrei to kynmaw, ko ki paralok jong nga, ïa kaei ba la ïathuh ha phi mynshuwa da ki apostol jong U Jisu Khrist uba U Trai jong ngi.

JINGPYNPAW 18:20

To shadkmen, ko ka bneng, namar ka jingpynjot ïa ka! to shadkmen, ko ki briew jong U Blei bad ki apostol bad ki nongïathuhlypa! Naba U Blei u la pynrem ïa ka na ka bynta kaei kaba ka la leh ïa phi!

JINGPYNPAW 21:13

La don lai tylli ki khyrdop ha kawei kawei ka liang: Lai tylli ha ka phang mihngi, lai tylli ha ka phang shathie, lai tylli ha ka phang shatei, bad lai tylli ha ka phang sepngi.