JINGPYNPAW 21:12 - Khasi CL Bible (BSI)

¹² Ka la don ka kynroh kaba khraw, kaba jrong bad khat-ar tylli ki khyrdop lem bad ki khat-ar ngut ki angel kiba khmih ïa ki khyrdop. Ha ki khyrdop la thoh ïa ki kyrteng jong ki khat-ar jait ki paid Israel.

KA BAIBL

¹² ka da don ruh ka kynroh bakhraw bad bajrong; ka da don khat-ar ki khyrdop, bad ha kita ki khyrdop, khat-ar ki angel; bad ki kyrteng ïa kiba la thoh halor jong ki, kiba long ki kyrteng jong kita ki khat-ar jaid ki khun Israel:

JINGPYNPAW 21:12 ပူးပေါင်းရင်းမြစ်များ

2 KHRONIKL 9:19

Khat-ar tylli ki dur sing ki don ha ki mawkyrdon, uwei uwei ha ka tduh jong kawei pa kawei ka kyrdon. Ym pat ju don ka khet kaba kum kane ha kawei pat ka hima.

ESRA 9:9

Ngi la long ki mraw, hynrei mem shym la iehnoh ïa ngi ha ka jinglongmraw. Me la pynlong ïa ki patsha ka Persia ban lehsbun ïa ngi bad ban shah ïa ngi ban dang ïoh ban im bad ban tei pat ka Templ jong me, kaba la long ha ka jingjot jingpra, bad ban ïoh ïa ka jingshongshngain hangne ha Judah bad Jerusalem.

NEHEMAÏAH 12:27

Haba ïa ka kynroh ka nongbah la pynkyntang, ïa ki Lebi la wallam shapoh na ki jaka ba ki ïashong ïasah, khnang ba ki lah ban ïadon bynta ha ka jinglehkmen jong ka jingpynkyntang ryngkat bad ki jingrwai jong ka jingainguh bad ki jingtem jong ki shakuriaw bad ki duitara.

SALM 122:7

Ai ba ka jingsuk kan don hapoh ki kynroh jong pha, bad ka jingshngain ha ki ïingsyiem jong pha.”

SALM 51:18

A Blei, to lehbha ïa ka Seïon bad to ïarap ïa ka; to tei pat ïa ki kynroh ka Jerusalem.

EKSODOS 28:21

Ha uwei uwei na ki, thoh ïa ka kyrteng jong uwei na ki khun shynrang jong u Jakob, ba kin ïeng na ka bynta ki khat-ar jait Israel.

ISAÏAH 54:12

Ngan tei ïa ki kut jong pha da ki maw Rubi, ïa ki khyrdop jong pha da ki maw kiba rhem kum ka ding, bad ki kynroh sawdong jong pha da ki mawlynnai.

ISAÏAH 60:18

Ïa ki jingleh thombor yn ym ïohsngew shuh, ka jingjot kan ym don shuh hapoh ki pud jong pha; ngan ïada bad kyrshan ïa pha kum ka kynroh: Phan ïaroh ïa nga namar nga la pyllait ïa pha.

MATHAÏOS 18:10

“To sumar ba phin ym ibeiñ ïano ïano na kine kiba rit. Ki angel jong ki ha bneng, nga ong ha phi, ki ïai don ha ka jingdon ryngkat jong U Kpa jong nga uba ha bneng.

LOUKAS 15:10

Ha kajuh ka rukom, nga ong ha phi, ki angel jong U Blei ki risa halor uwei u nongpop uba kylla-kaba-mut.”

LOUKAS 16:22

“U briew uba duk u la ïap bad la bah da ki angel ban shong hajan u Abraham ha ka jingkhawai ha bneng. U riewspah u la ïap bad la tep,

KI KAM 26:7

ïa kata hi kaba ki khat-ar jait jong ki briew jong ngi ki kyrmen ban ïohpdiang, haba ki mane ïa U Blei mynsngi bad mynmiet. Bad ka dei namar jong kane ka jingkyrmen, ko Syiem Kynrad, ba nga la shah mudui da ki Jiw!

HEBRU 1:14

Ki angel ki dei kiei, te? Ki dei ki mynsiem kiba shakri ïa U Blei bad ïa ki la phah da u ban ïarap ïa kito kiba dei ban ïohpdiang ïa ka jingpynim.

JINGPYNPAW 21:13

La don lai tylli ki khyrdop ha kawei kawei ka liang: Lai tylli ha ka phang mihngi, lai tylli ha ka phang shathie, lai tylli ha ka phang shatei, bad lai tylli ha ka phang sepngi.

JINGPYNPAW 21:15

U angel uba la kren ha nga u la don u diengthew uba da ka ksiar ban thew ïa ka nongbah, ïa ki khyrdop jong ka, bad ïa ki kynroh jong ka.

JINGPYNPAW 21:25

Ki khyrdop jong ka nongbah kin plie baroh shi sngi; yn ym khang ïa ki da lei lei, namar yn ym don ka miet hangta.

JINGPYNPAW 22:14

Suk kito kiba sait pynkhuid ïa la ki jaiñkup bad kumta ki don ka hok ban bam ïa u soh na u dieng ka jingim bad ban leit lyngba ki khyrdop shapoh ka nongbah.