JINGPYNPAW 21:10 - Khasi CL Bible (BSI)

¹⁰ U Mynsiem u la bat synshar ïa nga, bad u angel u la rah ïa nga sha kliar jong u lumbah uba jrong. U la pyn-i ha nga ïa ka Jerusalem, ka Nongbah Bakhuid, kaba da wan hiar na bneng na U Blei

KA BAIBL

¹⁰ Te u la rah noh ïa nga ha U Mynsiem shalor u lum bakhraw bad bajrong, bad u la kdew ha nga ïa kata ka nongbah ka bakhuid, ka Jerusalem keiñ, ba ka wan hiar na bneng na U Blei,

JINGPYNPAW 21:10 ပူးပေါင်းရင်းမြစ်များ

1 SYIEM 18:12

Kumno kan long lada U Mynsiem jong U Trai u rah noh ïa phi sha ka jaka bymtip tang mar ïamih ma nga? Nangta, haba ngan ïathuh ïa u Ahab ba phi don hangne, bad um lah ban shem ïa phi, un sa pynïap ïa nga. To kynmaw ba nga long uba mane hok ïa U Trai naduh ba nga dang khynnah.

2 SYIEM 2:16

bad ki ong, “Don sanphew ngut na ngi hangne, baroh ki rangbah bakhlaiñ. Ïa ngin leit bad wad ïa u kynrad jong phi. Lehse U Mynsiem jong U Trai u la rah noh ïa u bad iehnoh ïa u halor uno re uno u lumbah lane ha kano re kano ka them.” “Em, phim dei ban leit,” u Elisha u jubab.

ESEKIEL 11:1

U Mynsiem jong U Blei u la rah ïa nga shajrong bad u la ïalam ïa nga sha ka khyrdop mihngi jong ka Templ. Hangta hajan jong ka khyrdop nga la ïohi arphew san ngut ki rangbah kynthup ïa u Jaasanaïah u khun jong u Assur bad u Pelataïah u khun jong u Benaïah, ki ar ngut ki nongïalam jong ka jaitbynriew.

ESEKIEL 11:24

Ha ka jingïohipaw, U Mynsiem jong U Blei u la rah shajrong ïa nga bad wallam pat ïa nga sha kiba shah ringmraw ha Babilonia. Nangta ka jingïohipaw ka jah noh,

ESEKIEL 3:14

Ka bor jong U Trai ka la wan ha nga da ka borbah, bad katba U Mynsiem jong u, u rah noh ïa nga, nga la sngewkthang bad sngewbitar.

ESEKIEL 8:3

U la kner kaei kaei kaba i kum ka kti bad u shim trait ïa nga na u 'ñiuhkhlieh. Te ha kane ka jingïohipaw, U Mynsiem jong U Blei u la rah artet ïa nga ha ka lyer bad u ïalam ïa nga sha Jerusalem. U la rah ïa nga sha ka jaka rung kaba kham hapoh jong ka khyrdop kaba shaphang shatei jong ka Templ, ha kaba la don ka dur bleithaw kaba long ka jingpynbitar ïa U Blei.

KI KAM 8:39

Haba ki la wan kiew na kata ka um, U Mynsiem jong U Trai u la rah noh ïa u Philip. U rangbah synshar um shym la ïohi shuh ïa u, hynrei u la bteng ïa la ka jingleit, uba dap da ka jingkmen.

GALATIA 4:26

Hynrei ka Jerusalem ba kynja bneng ka long kaba laitluid, bad ka dei ka kmie jong ngi keiñ.

JINGPYNPAW 1:10

Ha ka sngi U Trai, U Mynsiem u la shim ïa nga, bad nga la ïohsngew ïa ka sur bajam, kaba sawa kum ka turoi, kaba kren na shadien jong nga.

JINGPYNPAW 11:2

Hynrei wat thew ïa ki phyllaw kiba shabar, namar la ai noh ïa ki ha kiba mane blei thala, ki ban sa ïuhroit ïa ka Nongbah Bakhuid haduh sawphew ar bnai.

JINGPYNPAW 17:3

U Mynsiem u la bat synshar ïa nga, bad u angel u la rah ïa nga sha ka ri shyiap. Hangta nga la ïohi ïa ka briew kaba shong halor u mradkhlaw rong saw uba la don ki kyrteng kiba ñiewbeiñ ïa U Blei ba la thoh baroh shi rynïeng jong u; u mradkhlaw u la don hynñiew tylli ki khlieh bad shiphew tylli ki reng.

JINGPYNPAW 21:2

Bad nga la ïohi ïa ka Nongbah Bakhuid, ka Jerusalem bathymmai, kaba da wan hiar na bneng na U Blei, kaba la pynkhreh bad kaba la kloi, kum ka nongleitkurim kaba la riam ban ïashem ïa u tnga jong ka.

JINGPYNPAW 3:12

Ngan pynlong ïa uta uba jop, u rijied ha ka Templ jong U Blei jong nga, bad un ïailong hangta. Ngan thoh halor jong u ïa ka kyrteng U Blei jong nga bad ka kyrteng jong ka nongbah jong U Blei jong nga, ka Jerusalem bathymmai, ka ban wan hiar na bneng na U Blei jong nga. Ngan thoh ruh halor jong u ïa ka kyrteng bathymmai jong nga.

JINGPYNPAW 4:2

Mar kumta hi, U Mynsiem u la shimti ïa nga. Hangta ha bneng la don ka khet bad la don uwei uba shong halor jong ka.