JINGPYNPAW 21:1 - Khasi CL Bible (BSI)

¹ Nangta nga la ïohi ïa ka bneng bathymmai bad ïa ka pyrthei bathymmai. Ka bneng banyngkong bad ka pyrthei banyngkong ki la jah noh, bad ka duriaw kam don shuh.

KA BAIBL

¹ Bad nga la ïohi ïa ka bneng bathymmai bad ïa ka khyndew bathymmai; namar kata ka bneng banyngkong bad kata ka khyndew banyngkong ki la leit noh; bad ka duriaw kam don shuh.

JINGPYNPAW 21:1 ပူးပေါင်းရင်းမြစ်များ

ISAÏAH 27:1

Ha kata ka sngi U Trai un pyndonkam ïa ka waitlam badonbor bad bashyrkhei jong u ban pynshitom ïa u Lebiathan, uta u Ïakjakor uba khih bad uba khyrwait, bad ban pynïap ïa uta u mrad kynsha uba im ha ka duriaw.

ISAÏAH 51:11

Kito kiba me la pyllait im kin ïoh poi ha Jerusalem da ka jingkmen, da kaba rwai bad risa da ka jingkmen. Kin long kiba kmen junom, junom kiba laitluid na ka jingsngewsih bad jingkthang mynsiem.

ISAÏAH 57:20

Hynrei ki riewbymman ki long kum ka duriaw kaba khih phaloh, kiba ki jingat phyllung jong ka kim ju sangeh, ki wanrah ïa ka jakhlia bad ka ktieh.

ISAÏAH 66:22

“Kumba ka khyndew bathymmai bad ki bneng kiba thymmai, kin ïaisah da ka bor jong nga, kumta ruh ki khun ki ksiew jong phi bad ka kyrteng jong phi kin ïaisah.

DANIEL 7:3

Saw tylli ki mradkhlaw bakhraw eh ki la mih shajrong na ka duriaw-bah, uwei uwei u ïapher na kiwei pat.

Ka Shithi U Paul Sha Ki Nong Rom 8:21

ba ïa ki jingthaw hi ha kawei ka sngi yn pyllaitluid na ki jinglongmraw sha ka jingpyut bad ban ïadon bynta ha ka jinglaitluid badonburom jong ki khun jong U Blei.

2 PETROS 3:10

Hynrei ka Sngi jong U Trai kan wan kum u nongtuh. Ha kata ka Sngi, ki bneng kin jah noh lem bad ka jingsawa kaba jam, ki metbneng kin ing duh bad yn pynjot, bad ka pyrthei lem bad kiei kiei baroh kiba don ha ka kin jah rngai.

2 PETROS 3:13

Hynrei ngi ap ïa kaei kaba U Blei u la kular: Ïa ki bneng kiba thymmai bad ïa ka khyndew kaba thymmai, ha kaba ka hok kan don.

JINGPYNPAW 13:1

Nangta nga la ïohi ïa uwei u mradkhlaw uba wan mih na duriaw. U la don shiphew tylli ki reng bad hynñiew tylli ki khlieh; halor kawei pa kawei jong ki reng jong ka, la don ka pansngiat, bad halor kawei pa kawei jong ki khlieh jong ka la don ka kyrteng kaba krenbeiñ Blei.

JINGPYNPAW 20:11

Nangta nga la ïohi ïa ka khet balieh kaba khraw bad ïa uta uba shong ha ka. Ka pyrthei bad ka bneng ki la phet na khmat jong u bad ym shym la ïohi shuh ïa ki.

JINGPYNPAW 21:5

Nangta uta uba shong ha ka khet u la ong, “Bad mynta nga thaw thymmai ïa kiei kiei baroh!” U la ong ruh ïa nga, “Thoh ïa kane, namar kine ki ktien ki long kiba shisha bad kiba lah ban shaniah.”

JINGPYNPAW 6:14

Ka sahit bneng ka la jah noh kum ka kot kli ba la kli, bad ïa ki lum bad ki dewlynnong baroh la pynkynriah na ka jaka ba ki don.