JINGPYNPAW 20:9 - Khasi CL Bible (BSI)

⁹ Ki la saphriang kylleng ka pyrthei bad ki la kerkut ïa ka jaka sher dara jong ki briew jong U Blei bad ïa ka nongbah kaba u ieit. Hynrei ka ding ka la wan hiar na bneng bad ka la pynjot ïa ki.

KA BAIBL

⁹ Bad ki la ïaleit kiew halor ka pyngkiang ka khyndew, bad ki la ïaker tawiar ïa ka jaka shong dara kita ki riewkhuid, bad ïa kata ka nongbah ïa kaba la ieit: te ka ding ka la wan hiar na U Blei na bneng, bad ka la bam duh ïa ki.

JINGPYNPAW 20:9 ပူးပေါင်းရင်းမြစ်များ

JENESIS 19:24

Mar kumta hi, U Trai u pynhap ïa u kyndok ding ha ki nongbah Sodom bad Gomorrah,

2 SYIEM 6:15

Kum lashai dang step phyrngab, u shakri jong u Elisha u khie, u mih shabar ïing, bad u ïohi ba ki shipai Syria lem bad ki kulai bad ki kali ïapom jong ki ba ki la kerkut ïa kata ka shnong. U leit phai sha u Elisha bad u pyrta, “Ko kynrad, ngi la ïap! Ngin leh kumno?”

Ka Kitab U Job 38:18

Hato me don jingtip haduh katno ka heh ka pyrthei? To jubab ïa nga lada me tip.

SALM 106:18

ka ding ka la hap halor ki nongbud jong ki bad thang duh ïa kito ki briew kiba bymman.

SALM 87:2

u kham ieit ïa ka nongbah Jerusalem ban ïa kiwei pat ki jaka ha Israel.

SALM 97:3

Ka ding ka ïaid ha shuwa jong u bad ka thang ïa ki nongshun kiba don sawdong jong u.

ISAÏAH 30:33

Naduh mynshuwa eh ïa ka jaka la pynkhreh ha kaba ka ding bajur kan thang ïa u patsha ka Assyria. Ka long kaba jylliew bad kaba ïar, bad ba la kynton jrong da ki diengthang. U Trai un pyrsad da ka phylliah ding ban thang ïa ka.

ISAÏAH 37:36

U angel jong U Trai u leit sha ka jaka shong dara ki Assyria bad u pynïap shi lakh phraphew san hajar ngut ki shipai. Dang step phyrngab ka sngi kaba bud hangta ki thiah, baroh ki la ïap!

ESEKIEL 38:16

Men sa tur ïaleh ïa ki briew jong nga ki Israel kum ka 'erïong kaba beh halor ka ri. Haba ka por ka poi, ngan phah ïa me ban hiarthma ïa ka ri jong nga, khnang ban pyn-i ha ki jaitbynriew uei nga long, ban pyn-i ïa ka jinglongkhuid jong nga da kaei kaba nga leh lyngba jong me.

ESEKIEL 38:22

Ngan pynshitom ïa u da ka jingpang bad ka jingïa-umsnam. Ïa u 'lapbah 'lapsan bad u phria, ryngkat bad ka ding bad u kyndok, ngan theh noh ha u bad ha ka kynhun shipai jong u, bad halor kiba bun ki jaitbynriew kiba ïashah liang bad u.

ESEKIEL 38:9

Ma u bad ka kynhun shipai jong u bad bun ki jaitbynriew kiba don bad u kin tur ïaleh kum ka 'erïong bad tap ïa ka ri kum u lyoh.”

ESEKIEL 39:6

Ngan sdang ïa ka ding ha ka ri u Magog bad ha baroh shi lynter ki rud duriaw; ha kaba ki briew ki shong khlem jingpynwit bad uwei pa uwei un tip ba nga long U Trai.

MIKAH 2:13

U Blei un plie ïa ka lynti na ka bynta jong ki bad un ïalam noh ïa ki na ka jingshah ringmraw. Kin mih bran na ki khyrdop ka nongbah bad kin long kiba laitluid. U syiem jong ki, U Trai da lade hi, un ïalam ïa ki shabar.

HABAKKUK 1:6

Ngan wanrah ïa ki nong Babilonia ban don ha ka bor, kito kiba triem, ki briew bym lah ban shong khop. Ki leit kylleng ka pyrthei ban jop ïa kiwei ki ri.

JINGKHEIÑ 11:1

Ki paidbah ki la sdang ban ujor ha U Trai shaphang ki jingjynjar jong ki. Haba U Trai u la ïohsngew ïa ki, u la bitar lep bad u phah da ka ding ha kita ki paidbah. Kata ka ding ka klang hapdeng jong ki bad ka la pynjot ïa kawei ka dong jong ka jaka shong dara.

JINGKHEIÑ 16:35

Nangta U Trai u phah ïa ka ding kaba meh, bad ka bam duh khoit ïa kita ki arspah sanphew ngut ki briew kiba la wanrah ïa ki jingiwbih.

LOUKAS 17:29

Ha ka sngi ba u Lot u mih na Sodom, ka ding bad u kyndok ki la hap na bneng bad la pynïap ïa ki baroh.

LOUKAS 19:43

Ka por kan poi haba ki nongshun jong pha kin ker sawdong ïa pha da ki jingker, ki jingkhanglad ïa pha, bad ki nang tur jan sha pha na ki liang baroh.

LOUKAS 21:20

“Haba phi ïohi ba la kerkut ïa ka Jerusalem da ki kynhun shipai, te phin tip ba shen yn sa pynjot noh ïa ka.

LOUKAS 9:54

Haba U Jakob bad u Ïoannis kiba long ki synran ki la ïohi ïa kane, ki la ong, “Ko Trai, hato me kwah ïa ngi ban kyrpad ïa ka ding ban hiar na bneng ban pynjot ïa ki kumba u Elijah u la leh?”

DEUTERONOMI 23:14

Sumar khuid ïa ka jaka shong dara jong phi, namar U Trai U Blei jong phi u don ryngkat bad phi hangta ban ïada ïa phi bad ai ha phi ka jingjop ïa ki nongshun jong phi. Wat leh ïa kano kano kaba khlem akor kaba lah ban pynlong ïa U Trai ban phai noh na phi.

2 THESSALONI 1:8

lem bad ka ding baklang, ban pynshitom ïa kito kiba kyntait ïa U Blei bad ki bymkohnguh ïa ka Khubor Babha shaphang U Jisu uba U Trai jong ngi.

HEBRU 13:13

Te, to ngin leit sha u shabar ka jaka shong dara ban ïoh bynta lang ha ka jingshah lehrain jong u.

JINGPYNPAW 11:5

Lada uno uno u pyrshang ban pynmynsaw ïa ki, ka ding kan mih na ki shyntur jong ki bad kan bam duh ïa ki nongshun jong ki; bad ha kane ka rukom, uno uno uba pyrshang ban pynmynsaw ïa ki un shah pynïap.

JINGPYNPAW 13:13

Une u mradkhlaw uba ar, u la leh ki kambah kiba khraw; u la pynlong ïa ka ding ban wan hiar na bneng sha ka pyrthei ha ka jingïohi jong uwei pa uwei baroh.