JINGPYNPAW 20:2 - Khasi CL Bible (BSI)

² U la kem ïa u Ïakjakor, ïa uta u 'seiñ hyndai — kata, u Ksuid lane u Soitan — bad u la teh kynjri ïa u haduh shihajar snem.

KA BAIBL

² Bad u la kem ïa uta u ïakjakor, ïa uta u bseiñ batymmen, uba long u Ksuid bad u Soitan, bad u la khum ïa u, shi hajar snem;

JINGPYNPAW 20:2 ပူးပေါင်းရင်းမြစ်များ

JENESIS 3:1

Te u bseiñ u long uba sianti tam na ki mrad baroh kiba U Trai U Blei u la lah thaw. Uta u bseiñ u ong ha kata ka briew, “Hato ka dei shisha ba U Blei u ong ba phim bit ban bam ïa u soh na uno uno u dieng ha kper?”

JENESIS 3:15

Ngan pynlong ïa me bad ka briew ban ïa-isih iwei ïa iwei pat, u symbai jong ka bad u symbai jong me kin ïailong ki nongshun. U symbai jong ka un pynlwet ïa ka khlieh jong me, bad me pat men puh ïa ka khongdong'jat jong u symbai jong ka.”

Ka Kitab U Job 1:7

U Trai u kylli ïa u, “Kaei kaba me la lah leh?” U Soitan u jubab, “Nga la leit ïaid shane bad shatai, da kaba shang kylleng sawdong ka pyrthei.”

ISAÏAH 24:22

U Blei un buh khapngiah ïa ki syiem kum ki koidi ha ka thliew. Un set ïa ki ha ka ïingbyndi haduh ka por jong ka jingpynshitom ïa ki.

ISAÏAH 27:1

Ha kata ka sngi U Trai un pyndonkam ïa ka waitlam badonbor bad bashyrkhei jong u ban pynshitom ïa u Lebiathan, uta u Ïakjakor uba khih bad uba khyrwait, bad ban pynïap ïa uta u mrad kynsha uba im ha ka duriaw.

ESEKIEL 47:5

U la thew shuh shuh sanspah mitar, bad hangta ka wahduid ka la jylliew haduh katta katta ba ngam lah ban ïaid ha ka. Ka la jylliew haduh katta katta ba ym lah ban jam sha shiliang lait noh tang da kaba shu jngi.

MATHAÏOS 19:29

Bad uno uno uba la iehnoh ïa ki ïing ki sem lane ïa ki hynmen ki para lane ïa u kpa lane ïa ka kmie lane ïa ki khun ki kti lane ïa ki lyngkha na ka bynta jong nga, un ïohpdiang shispah shah tam ïa kata, bad yn ai ha u ïa ka jingim bymjukut.

MATHAÏOS 8:29

Shisyndon ki la lynñiar, “Me kwah aïu bad ngi, me U Khun jong U Blei? Hato me la wan ban pynshitom ïa ngi ha shuwa ka por kaba dei?”

MARKOS 4:15

Katto katne ngut ki briew ki long kum ki symbai kiba hap ha ka lynti ïaid; ki tang shu ïohsngew ïa ka khubor, u Soitan u wan bad u shim noh ïa ka.

MARKOS 5:7

“Ko Jisu, U Khun jong U Blei Bahakhlieh Tam Eh! Me kwah aïu bad nga? Nga kyrpad ïa me ban ym pynshitom ïa nga!”

ÏOANNIS 12:31

Mynta ka dei ka por ba ïa kane ka pyrthei yn bishar; mynta ïa u nongsynshar jong kane ka pyrthei yn pynhiar khet.

ÏOANNIS 16:11

bad ki bakla shaphang ka jingbishar, namar ba ïa u nongsynshar jong kane ka pyrthei la lah bishar.

Ka Shithi U Paul Sha Ki Nong Rom 16:20

Bad U Blei, uba long ka tyllong jong ka jingsuk jong ngi, shen un pynlwet ïa u Soitan hapoh ki kjat jong phi. To ka jingaiei jong U Jisu uba U Trai jong ngi kan long lem bad phi.

HEBRU 2:14

Namar ba kita ki khun, kumba u khot ïa ki, ki long ki briew na ka doh bad ka snam, U Jisu u la long u briew kum ma ki hi bad ïoh bynta lang na ka jinglongbriew jong ki. U la leh ïa kane, khnang ba da ka jingïap jong u, u lah ban pynduh ïa u Bymman, uba don ka bor halor ka jingïap,

1 PETROS 5:8

To leh adkar, to sharai! U nongshun jong phi, u Ksuid, u shang kylleng kum u sing bakyrhuh, da kaba wad ïa uno uno ba un nguid tylli.

2 PETROS 2:4

U Blei um shym la shah jem ïa ki angel kiba la leh pop, hynrei u la bret ïa ki sha dujok, ha kaba la khum kynjri ïa ki ha ka jingdum, da kaba ap ïa ka Sngi ka Jingbishar.

JUDAH 1:6

To kynmaw ïa ki angel ki bym shym la ri ïa ka burom hapoh ki pud ka bor synshar jong ki, hynrei ki la iehnoh ïa ki jaka shong jong ki hi: Ki shah khum da ki kynjri bymjukut hapoh kaba dum tliw tliw, ha kaba U Blei u buh ïa ki na ka bynta kata ka Sngi kaba khraw ha kaba yn pynrem ïa ki.

JINGPYNPAW 12:13

Haba u Ïakjakor u la sngewthuh ba u la shah bret noh arsut sha ka khyndew, u la sdang ban thwet ïa kata ka briew kaba la kha khun shynrang.

JINGPYNPAW 12:15

Bad nangta na ka shyntur jong u, u Ïakjakor u la theh noh ïa jingshlei um nadien jong kata ka briew, khnang ba yn kit noh ïa ka.

JINGPYNPAW 12:17

U Ïakjakor u la bitar shla ïa kata ka briew bad u la leit noh ban ïaleh pyrshah ïa ki khun ki ksiew jong ka kiba dang sah, ïa baroh kito kiba kohnguh ïa ki hukum jong U Blei bad kiba ïaineh ha ka jingshisha ïa kaba U Jisu u la pynpaw.

JINGPYNPAW 12:3

Sa kawei pat ka dak bamaïan ka la paw ha ka sahit bneng. La don u Ïakjakor uba heh bad uba rong saw uba don hynñiew tylli ki khlieh bad shiphew tylli ki reng, bad kawei ka pansngiat ha kawei pa kawei jong ki khlieh jong u.

JINGPYNPAW 12:4

Da u tdong jong u, u la patan na ka sahit bneng ïa shi bynta na ki lai bynta ki khlur bad u la bret arsut ïa ki sha ka khyndew. U la ïeng ha khmat jong kata ka briew, khnang ban bam ïa u khunlung jong ka tang mar ïa kha ïa u.

JINGPYNPAW 12:9

Ïa u Ïakjakor uba heh la bret shabar — ïa uta u bseiñ na mynbarim, ïa uba la khot u Ksuid, lane u Soitan, uta uba la shukor ïa ka pyrthei baroh kawei. La bret arsut ïa u sha ka khyndew, bad ïa ki angel baroh jong u lem bad u.

JINGPYNPAW 13:2

Uta u mradkhlaw u ïasyriem ïa u 'labasa, bad ki kjat kum ki kjat dngiem bad ka shyntur u kum ka shyntur sing. U Ïakjakor u la ai ha u mradkhlaw ïa ka bor jong u hi, ïa ka khet jong u, bad ïa ka bor synshar baïar jong u.

JINGPYNPAW 13:4

Uwei pa uwei u la mane ïa u Ïakjakor namar ba u la ai ïa la ka bor synshar ha uta u mradkhlaw. Ki la mane ruh ïa uta u mradkhlaw, bad ki la ong, “Uei uba kum u mradkhlaw? Uei uba lah ban ïaleh pyrshah ïa u?”

JINGPYNPAW 20:10

Nangta ïa u Ksuid, uba la shukor ïa ki, la bret sha ka pung ka ding bad u kyndok, ha kaba la lah bret ïa u mradkhlaw bad ïa u nongïathuhlypa lamler, bad kin shah pynkordit mynsngi bad mynmiet junom la junom.

JINGPYNPAW 20:7

Hadien ba ki shihajar snem ki la kut, yn pyllait ïa u Soitan na ka byndi jong u,

JINGPYNPAW 9:11

Ki don u syiem uba synshar halor jong ki, uba long u angel uba khmih ïa ka liewlong ba khlem trai. Ka kyrteng jong u ha ka ktien Hebru ka long u Abaddon; bad ha ka ktien Grik ka long u Apollyon (kaba mut u “Nongpynjot”).