JINGPYNPAW 20:14 - Khasi CL Bible (BSI)

¹⁴ Nangta ïa ka jingïap bad ïa ka Hades la bret ha ka pung ka ding. (Kane ka pung ka ding ka long ka jingïap kaba ar.)

KA BAIBL

¹⁴ Bad ïa ka Jingïap bad ka Hades la bred sha kata ka pung ka ding. Kane ka long kata ka jingïap ka ba-ar, kata ka pung ka ding keiñ.

JINGPYNPAW 20:14 ပူးပေါင်းရင်းမြစ်များ

HOSIA 13:14

Ngan ym pyllait ïa kine ki briew na ka ri kiba ïap lane pyllait im ïa ki na bor ka jingïap. Wanlam ïa ki khlam jong pha, ko jingïap! Wanlam ïa ka jingpynjot jong pha, ko ka pyrthei kiba ïap! Ngan ym don jingisynei shuh ïa kine ki briew.

1 KORINTH 15:26

Ka nongshun kaba khatduh ïa kaba dei ban pynjot ka long ka jingïap.

1 KORINTH 15:53

Naba kaei kaba dei ban ïap ka dei ban kylla sha kaei ka bym dei ban ïap shuh; kaei kaba dei ban ïap, ka dei ban kylla dur sha kaei ka ban ym ïap shuh.

JINGPYNPAW 1:18

Nga long uta uba im! Nga la ïap, hynrei mynta nga im junom la junom. Nga don ka bor halor ka jingïap bad ka pyrthei kiba ïap.

JINGPYNPAW 14:10

u hi da lade un dih ïa ka waiñ ka jong U Blei, ka waiñ ka jingbitar shla jong U, kaba u la theh noh ha ka bor jong ka baroh ha ka khuri ka jingbitar jong U! Baroh kiba leh ïa kane kin shah pynsaja ha ka ding bad ha u kyndok ha khmat ki angel bakhuid bad ha khmat U Khunlangbrot.

JINGPYNPAW 19:20

Ïa u mradkhlaw la ring koidi, lem bad ïa u nongïathuhlypa lamler uba la leh ki kambah ha ka jingdon ryngkat jong u. (Ka la long da kito ki kambah ba u la shukor ïa kito kiba la don ïa ka shab jong u mradkhlaw bad ïa kito kiba la mane ïa ka dur jong u mradkhlaw.) Ïa u mradkhlaw bad ïa u nongïathuhlypa lamler la bret im sha ka pung ding kaba klang da u kyndok.

JINGPYNPAW 2:11

“Te lada pha don ki shkor, shahshkor ïa kaei kaba U Mynsiem u ong ïa ki balang! “Ïa kito kiba ïoh ïa ka jingjop, yn ym pynsniew ïa ki da ka jingïap kaba ar.

JINGPYNPAW 20:10

Nangta ïa u Ksuid, uba la shukor ïa ki, la bret sha ka pung ka ding bad u kyndok, ha kaba la lah bret ïa u mradkhlaw bad ïa u nongïathuhlypa lamler, bad kin shah pynkordit mynsngi bad mynmiet junom la junom.

JINGPYNPAW 20:13

Nangta ka duriaw ka la aiti ïa kiba ïap jong ka. Ka jingïap bad kumjuh ka pyrthei kiba ïap, ki la aiti ïa kiba ïap kiba ki la bat. Bad ïa baroh la bishar kat kum kaei kaba ki la leh.

JINGPYNPAW 20:15

Ïa uno uno uba ïa ka kyrteng jong u ym shym la thoh ha ka kitab kiba im la bret sha ka pung ka ding.

JINGPYNPAW 20:6

Katno kiba suk bad kiba la ïoh jingkyrkhu shikatdei eh ki long kito kiba la kynthup ha kane ka jingpynmihpat banyngkong ïa kiba ïap. Ka jingïap kaba ar kam donbor halor jong ki; kin long ki lyngdoh jong U Blei bad jong U Khrist, bad kin synshar bad u shihajar snem.

JINGPYNPAW 21:4

Un ñiad noh ïa ki ummat baroh na ki khmat jong ki. Yn ym don shuh ka jingïap, ym don shuh ka jingsngewsih lane ka jingïam lane ka jingpang. Kiei kiei kiba rim ki la jah noh.”

JINGPYNPAW 21:8

Hynrei ki khawpud, ki nongshetkylla, ki riewkhyllah, ki nongpynïap briew, kiba leh awria, kito kiba leh byrtong, kito kiba mane bleithaw, bad kiba lamler baroh — ka jaka na ka bynta jong ki ka long ka pung kaba klang da ka ding bad u kyndok, kaba long ka jingïap kaba ar.”

JINGPYNPAW 6:8

Nga la khmih, bad hangta la don u kulai uba lieh bthuh. Ïa u nongshong kulai la ai kyrteng “ka Jingïap”, bad ka Hades ka bud syndah nadien. La ai ha ki ka bor halor shipawa na ka pyrthei, ban pynïap da ka thma, ka 'nemsniew, ka khlam, bad da ki mradkhlaw.