JINGPYNPAW 20:12 - Khasi CL Bible (BSI)

¹² Bad nga la ïohi ïa kiba ïap, kiba rit bad kiba khraw kumjuh, kiba ïeng ha khmat jong ka khet. Ïa ki kitab la plied, bad nangta la plied sa kawei pat ka kitab, ka kitab jong kiba im. Ïa kiba ïap la bishar kat kum kaei kaba ki la leh, kumba la buh jingthoh ha ki kitab.

KA BAIBL

¹² Bad nga la ïohi ïa ki baïap, ki barit bad ki bakhraw, ba ki da ïeng ha khmat kata ka khet; bad la plied ïa ki kitab: bad la plied ïa kawei pat ka kitab, kaba long ka kitab ka jingim: te la bishar ïa kita ki baïap na kita kiei kiei ruh ïa kiba la thoh ha kita ki kitab, katba kum ki jingleh jong ki.

JINGPYNPAW 20:12 ပူးပေါင်းရင်းမြစ်များ

SALM 28:4

Pynshitom ïa ki na ka bynta kaei ba ki la leh, ïa ka pop kaba ki la leh. Pynshitom ïa ki na ka bynta ki jingleh jong ki baroh; ai ha ki ïa kaei ba ki dei ban ïoh!

SALM 62:12

bad ba ka jingieit jong u ka long kaba neh. Ma me hi, A Trai, me ainong ha uwei pa uwei kat kum ki jingleh jong u.

SALM 69:28

Ai ba yn pyndam noh ïa ki kyrteng jong ki na ka kitab jong kiba im; Ai ba yn ym kynthup ïa ki ha ka thup kyrteng jong ki briew jong me.

PROBERB 24:12

Phi lah ban ong ba kam dei ka kam jong phi, hynrei U Blei u tip bad u bishar ïa ki jingthmu jong phi. U ïai ap khmih ïa phi; u tip. Un ainong ïa phi kat kum kaei kaba phi leh.

PROBERB 24:29

Wat ong, “Ngan leh ïa u kumba u la leh ïa nga! Ngan leh kylliang kumba u la leh!”

EKLESIASTIS 12:14

U Blei un bishar ïa kaei kaei baroh kaba ngi leh, la kaba bha ne kaba sniew, wat ïa kiei kiei kiba la leh ha kaba rieh.

JEREMAÏAH 17:10

Ma nga, U Trai, nga wad ïa ki jingmut bad nga tynjuh ïa ki dohnud jong ki briew. Nga leh ïa uwei pa uwei kat kum ka lynti ba u im, kat kum kaei kaba u leh.”

JEREMAÏAH 32:19

Me thaw ïa ki jingthmu bastad bad me leh ïa kiei kiei kiba khrawbor; me ïohi ïa kiei kiei baroh kiba ki briew ki leh, bad me ainong ïa ki kat kum ki jingleh jong ki.

DANIEL 7:10

bad ïa ka wahduid da ka ding la theh noh na ka. La don bun hajar ngut ki briew hangta kiba shakri ïa u, bad da ki million ngut ki briew ki la ïeng ha khmat jong u. Ka ïingbishar ka la sdang ïa ka jingïalang jong ka, bad ïa ki kitab la plied.

MATHAÏOS 11:22

Nga pynthikna ïa phi ba ha ka Sngi ka Jingbishar, U Blei un pyn-i kham bun ka jingisynei ïa ki briew ka Tyros bad Sidon ban ïa phi!

MATHAÏOS 16:27

Naba U Khun U Briew u la jan wan ha ka burom jong U Kpa jong u lem bad la ki angel, bad nangta un ainong ïa uwei pa uwei kat kum ki kam jong u.

LOUKAS 10:20

Hynrei wat kmen namar ba ki mynsiem bymman ki kohnguh ïa phi; pynban, to kmen namar ba ïa ki kyrteng jong phi la thoh ha bneng.”

KI KAM 24:15

Nga don kajuh ka jingkyrmen ha U Blei kaba kine hi ki don, kata, ba ki briew baroh, kiba bha bad kiba sniew, kin mihpat na ka jingïap.

Ka Shithi U Paul Sha Ki Nong Rom 2:6

Naba U Blei un ainong ïa uwei pa uwei kat kum kaei kaba u la leh.

1 KORINTH 4:5

Kumta phim dei ban bishar ïano ïano shuwa ba ka por kaba dei kan poi. Ka jingbishar bakhatduh ka dei ban ap tad ynda U Trai un wan; un wallam ha ka jingshai ïa ki jingbuhrieh ba-dum bad pynpaw ïa ki jingthmu barieh jong ki jingmut ki briew. Bad nangta uwei pa uwei un ïohpdiang na U Blei ïa ka jingïaroh kaba u dei hok ban ïoh.

2 KORINTH 5:10

Naba baroh na ngi ngin paw ha khmat U Khrist, ba yn bishar ïa ngi da u. Ngin ïohpdiang ïa kaei kaba ngi dei hok, kat kum kiei kiei baroh kiba ngi la leh, la bha ne la sniew, ha kane ka jingim ha ka met jong ngi.

PHILIPPI 4:3

Bad ïa phi ruh, ko paralok baïaineh jong nga, nga kwah ïa phi ban ïarap ïa kine ki kynthei; naba ki la trei shitom lem bad nga ban pynsaphriang ïa ka gospel, ryngkat bad u Klemen, bad baroh kiwei pat ki para nongïatrei lem jong nga, kiba ki kyrteng jong ki, ki don ha ka kitab jong kiba im jong U Blei.

JINGPYNPAW 11:18

Kiba mane blei thala ki la dap da ka jingbitar shla, namar ka por jong ka jingbitar jong me ka la poi, ka por ban bishar ïa kiba ïap. Ka por ka la poi ban ainong ïa ki shakri jong me, ki nongïathuhlypa, bad ïa ki briew jong me baroh, kito baroh kiba tiengburom ïa me, kiba khraw bad kiba rit kumjuh. Ka por ka la poi ban pynjot ïa kito kiba pynjot ïa ka pyrthei!”

JINGPYNPAW 13:8

Baroh ki briew kiba shong ha ka pyrthei kin mane ïa u, lait noh ïa kito kiba ïa ki kyrteng jong ki la thoh ha shuwa ka jingpynlong ïa ka pyrthei ha ka kitab jong kiba im kiba dei ki jong uta U Khunlangbrot ïa uba la shah pynïap.

JINGPYNPAW 17:8

Uta u mradkhlaw u la ju im shisien, hynrei um shym im shuh; u la jan wan kiew na ka liewlong khlem trai bad un mih ban shah pynjot. Ki briew kiba shong ha ka pyrthei kiba ïa ki kyrteng jong ki ym shym la thoh ha ka kitab jong kiba im ha shuwa ban pynlong ïa ka pyrthei, kin ïasngew kyndit lut katba ki dang khmih ïa u mradkhlaw. U la ju im shisien; mynta um shym im shuh, hynrei un wan mih biang.

JINGPYNPAW 19:5

Nangta, ka jingsawa jong ka sur ka la wan na ka khet, ka da ong, “To ïaroh ïa U Blei jong ngi, phi baroh ki shakri bad ki briew jong u, kiba rit bad kiba khraw kumjuh, kiba ñiewburom ïa u!”

JINGPYNPAW 2:23

Ngan pynïap ruh ïa ki nongbud jong ka, bad nangta ki balang baroh kin tip ba nga long uta uba tip ïa ki jingmut bad ki jingkwah jong uwei pa uwei. Ngan siew kylliang ïa uwei pa uwei na pha kat kum kaei kaba u la leh.

JINGPYNPAW 20:11

Nangta nga la ïohi ïa ka khet balieh kaba khraw bad ïa uta uba shong ha ka. Ka pyrthei bad ka bneng ki la phet na khmat jong u bad ym shym la ïohi shuh ïa ki.

JINGPYNPAW 20:13

Nangta ka duriaw ka la aiti ïa kiba ïap jong ka. Ka jingïap bad kumjuh ka pyrthei kiba ïap, ki la aiti ïa kiba ïap kiba ki la bat. Bad ïa baroh la bishar kat kum kaei kaba ki la leh.

JINGPYNPAW 20:15

Ïa uno uno uba ïa ka kyrteng jong u ym shym la thoh ha ka kitab kiba im la bret sha ka pung ka ding.

JINGPYNPAW 21:27

Hynrei ym don kano kano ka bymkhuid ka ban ïohrung sha ka nongbah, lymne uno uno uba leh ïa kino kino kiba sngewlehrain lane uba ïathuh lamler. Tang kito ïa kiba ki kyrteng jong ki la thoh ha ka kitab kiba im jong U Khunlangbrot kin ïohrung sha kata ka nongbah.

JINGPYNPAW 22:12

“Shahshkor!” ong U Jisu. “Nga wan kloi! Ngan wallam ïa ki bainong jong nga, ban ai ha uwei pa uwei kat kum kaei kaba u la leh.

JINGPYNPAW 3:5

Ïa kito kiba ïoh ka jingjop yn pynkup ïa ki kumne ha ki jaiñkup balieh, bad ngan ym weng noh ïa ki kyrteng jong ki na ka kitab jong kiba im. Ha ka jingdon ryngkat jong U Kpa jong nga bad ki angel jong u, ngan pynbna paidbah ba ki long ki jong nga.