JINGPYNPAW 20:10 - Khasi CL Bible (BSI)

¹⁰ Nangta ïa u Ksuid, uba la shukor ïa ki, la bret sha ka pung ka ding bad u kyndok, ha kaba la lah bret ïa u mradkhlaw bad ïa u nongïathuhlypa lamler, bad kin shah pynkordit mynsngi bad mynmiet junom la junom.

KA BAIBL

¹⁰ Te ïa uta u Soitan uba shukor ïa ki la bred keiñ sha kata ka pung ka ding bad u kyndok, ha kaba ki don ruh uta u mrad khlaw bad uta u nongïathuhlypa balamler; bad yn pynkordit ïa ki, mynsngi bad mynmiet, sha ki bymjukut ki bymjukut.

JINGPYNPAW 20:10 ပူးပေါင်းရင်းမြစ်များ

DANIEL 7:11

Mynba nga dang khmih, nga dang lah ban ïohsngew ïa ka reng barit ba ka kren sarong eh bad kob. Katba nga dang ap khmih, la pynïap ïa u mradkhlaw uba saw, bad ïa ka met jong u la bret sha ki thylliej ding bad ka pynjot.

MATHAÏOS 25:41

“Nangta un ong ha kito kiba ha ka liang kadiang jong u, ‘Khie leit noh na nga, phi kiba hapoh ka jingtim jong U Blei! Khie leit noh sha ka ding bymjukut ïa kaba la pynkhreh na ka bynta u Ksuid bad ki angel jong u!

MATHAÏOS 25:46

Te, ïa kine, yn phah noh sha ka jingpynshitom bymjukut, hynrei kiba hok kin leit sha ka jingim bymjukut.”

MATHAÏOS 7:15

“To sumar ïa lade na ki nongïathuhlypa balamler; ki wan sha phi ki da i kum ki langbrot ha kaba shabar, hynrei ha kaba shapoh ki long shisha kum ki suri barunar.

MARKOS 9:44

Hangta ‘ki ksaiñ kiba bam ïa ki, kim ju ïap, bad ka ding kaba thang ïa ki, kam ju lip.’

JINGPYNPAW 16:13

Nangta nga la ïohi lai tylli ki mynsiem bymkhuid kiba i kum ki jakoid. Ki la ïamih na ka shyntur jong u Ïakjakor, na ka shyntur jong u mradkhlaw, bad na ka shyntur jong u nongïathuhlypa balamler.

JINGPYNPAW 19:20

Ïa u mradkhlaw la ring koidi, lem bad ïa u nongïathuhlypa lamler uba la leh ki kambah ha ka jingdon ryngkat jong u. (Ka la long da kito ki kambah ba u la shukor ïa kito kiba la don ïa ka shab jong u mradkhlaw bad ïa kito kiba la mane ïa ka dur jong u mradkhlaw.) Ïa u mradkhlaw bad ïa u nongïathuhlypa lamler la bret im sha ka pung ding kaba klang da u kyndok.

JINGPYNPAW 20:8

bad un mih shabar ban shukor ïa ki jaitbynriew ïa kiba la pynsakma kylleng ka pyrthei, kata ka Gog bad ka Magog. U Soitan un wallam lang ïa ki na ka bynta ka jingïaleh thma, kiba bun kat ki symboh shyiap harud ka duriaw.

JINGPYNPAW 9:17

Bad ha ka jingïohipaw jong nga, nga la ïohi ïa ki kulai bad ïa ki nongshong kulai jong ki: Ki don ki jingïada shadem kiba saw kum ka ding, kiba jngum kum u Sapphir, bad kiba stem kum u kyndok. Ki khlieh jong ki kulai ki la long kum ki khlieh sing, bad na ki shyntur jong ki la mih ka ding, ka tdem bad u kyndok.