JINGPYNPAW 2:9 - Khasi CL Bible (BSI)

⁹ Nga tip ïa ki jingjynjar jong pha; nga tip ba pha long kaba duk — hynrei da shisha pha long kaba riewspah! Nga tip ïa kiei kiei kiba sniew ba la kren pyrshah ïa pha da kito kiba kam ba ki long ki Jiw hynrei kim dei; ki long ka kynhun kaba dei ka jong u Soitan!

KA BAIBL

⁹ “ ‘Nga ithuh ïa ka jingshahshitom jong pha, bad ïa ka jingduk jong pha (hynrei, pha long ka bariewspah), bad ïa ka jingkrenbeiñ jong kita kiba ong ba ki long ki Jiw, bad kim long, hynrei, ki long ka synagog jong u Soitan.

JINGPYNPAW 2:9 ပူးပေါင်းရင်းမြစ်များ

MATHAÏOS 4:10

Te U Jisu u la jubab, “Khie leit noh, ko Soitan! Ka Jingthoh Bakhuid ka ong, ‘To mane ïa U Trai U Blei jong me bad shakri tang ïa u hi!’ ”

LOUKAS 12:21

Bad U Jisu u la pynkut, “Kane ka long kumno kan jia ha kito kiba kynton ka spah na ka bynta ïa lade hynrei ki bym riewspah ha ka jingkhmih jong U Blei.”

LOUKAS 22:65

Bad ki la ong shibun kiwei pat ki jingkrenbeiñ ïa u.

LOUKAS 4:18

“U Mynsiem jong U Trai u long ha nga, namar ba u la jied ïa nga ban wallam ka khubor babha ha kiba duk. U la phah ïa nga ban pynbna ka jingpyllaitluid ïa ki koidi bad ka jingpynïoh ïa ka jingimat ha kiba matlah; ban pyllait ïa kiba la shah banbeiñ

LOUKAS 6:20

U Jisu u la khmih ha la ki synran bad u la ong, “Suk phi kiba duk; ka Hima U Blei ka long ka jong phi!

ÏOANNIS 16:33

Nga la ïathuh ha phi ïa kane khnang ba phin ïoh ïa ka jingsuk da kaba phi long lem bad nga. Ka pyrthei kan pynlong ïa phi ban shahshitom. Hynrei to long shlur! Nga, nga la jop ïa ka pyrthei!”

KI KAM 14:22

Ki la pynkhlaiñ ïa ki riewngeit bad pynshlur ïa ki ban ïaineh skhem ha ka jingngeit. “Ngi dei ban ïaid lyngba bun ki jingjynjar ban ïohrung sha ka Hima U Blei,” ki la hikai.

KI KAM 26:11

Bunsien nga la phah pynshitom ïa ki ha ki synagog baroh bad pyrshang ban pynlong ïa ki ban len ïa la ka jingngeit. Nga la bitar haduh katta katta ïa ki ba nga da leit sha ki nongbah nongwei ban pynshitom beiñ ïa ki.

Ka Shithi U Paul Sha Ki Nong Rom 12:12

To ai ba ka jingkyrmen jong phi kan pynkmen ïa phi, to long kiba ïaishah ha ki jingjynjar jong phi, bad to duwai ha ki por baroh.

Ka Shithi U Paul Sha Ki Nong Rom 2:17

Kumno shaphang jong phi? Phi khot ïa lade u Jiw; phi shaniah ha ka Hukum bad sngewsarong shaphang U Blei;

Ka Shithi U Paul Sha Ki Nong Rom 5:3

Ngi sngewsarong ruh ïa ki jingshah shitom jong ngi, namar ngi tip ba ka jingshah shitom ka pynmih ïa ka jingïaishah,

Ka Shithi U Paul Sha Ki Nong Rom 8:35

Uei te, uba lah ban pynïakhlad ïa ngi na ka jingieit U Khrist? Hato ka jingjynjar ka lah, lane ka jingshitom lane ka jingpynshitom beiñ lane ka jingthngan lane ka jingduk lane ka jingma lane ka jingïap?

Ka Shithi U Paul Sha Ki Nong Rom 9:6

Ngam ong ba ka kular jong U Blei kam shym la treikam; namar ym baroh ki paid Israel ki long ki briew jong U Blei.

2 KORINTH 6:10

Wat haba la pynshitom, ym shym la pynïap; wat haba la pynsngewsih, ngi long borabor kiba kmen; ngi paw kum kiba duk, hynrei ngi pynriewspah ïa ki briew kiba bun; ngi paw kum ki bym don ei ei, pynban ngi don lut ïa kiei kiei baroh.

2 KORINTH 8:2

Ki la shah tynjuh palat da ki jingjynjar kiba ki la ïaid lyngba; hynrei ka jingkmen jong ki ka la long kaba khraw haduh katta katta ba ki la long kiba sbun shikatdei eh ha ka jingai jong ki, wat la ki long kiba duk shisha.

2 KORINTH 8:9

Phi tip ïa ka jingaiei U Jisu Khrist uba U Trai jong ngi; la u la long uba riewspah, u la pynlong ïa lade uba duk na ka bynta jong phi, khnang ban ïoh pynriewspah ïa phi da kata ka jinglong duk jong u.

1 THESSALONI 3:4

Naba mynba ngi dang ïadon lem bad phi, ngi la ïathuh shuwa ba ngin sa shah pynshitom beiñ; bad kumba phi tip kham bha, dei kata hi keiñ ka long kaei kaba la jia thik.

1 TIMOTHI 1:13

Hynrei U Blei u la leh-isynei ïa nga namar ngam pat shym la don ka jingngeit bad kumta ngam shym tip ïa kaei kaba nga la leh.

1 TIMOTHI 6:18

To hukum ïa ki ba kin leh ïa kaba bha, ban man kyrhai ha ki kam babha, ban long kiba sbun bad kiba kloi ban ïasam bad kiwei.

JINGPYNPAW 1:9

Nga long u Ïoannis, u parabangeit jong phi, bad kum u nongbud jong U Jisu nga long uba ïadon bynta lem bad phi ban ïaishah ïa ka jingjynjar kaba wan ha kito kiba long na ka Hima jong u. Ïa nga la buh ha ka dewlynnong Patmos namar nga la pynbna ïa ka Ktien U Blei bad ka jingshisha kaba U Jisu u la pynpaw.

JINGPYNPAW 2:13

Nga tip hangno pha shong, hangta ha kaba u Soitan u don ka khet jong u. Pha long kaba shisha ha nga, bad pham shym la phai dien noh na ka jingngeit jong pha na nga wat ha ka por mynba u Antipas, u sakhi baïaineh jong nga, u la shah pynïap hangta ha ka jaka ba u Soitan u shong u sah.

JINGPYNPAW 2:2

Nga tip ïa kaei kaba pha la leh; nga tip katno pha la trei shitom bad katno pha la long kaba ïaishah. Nga tip ba pham lah ban shah ïa ki briew kiba sniew bad ba pha la tynjuh ïa kito kiba ong ba ki dei ki apostol hynrei kim dei, bad pha la shem ba ki long kiba lamler.

JINGPYNPAW 2:24

“Hynrei kiba sah na kiba don hapdeng jong pha ha Thiatira kim shym la bud ïa kane ka jinghikai basniew; pham shym la nang ïa kaei kaba kiwei ki khot ‘ki jingjylliew barieh u Soitan.’ Nga ong ïa pha ba ngan ym buh kano kano kawei pat ka jingkit halor jong pha.

JINGPYNPAW 3:9

Shahshkor! Na ka bynta kato ka kynhun kaba dei ka jong u Soitan, kito kiba lamler kiba kam ba ki dei ki Jiw hynrei kim dei, ngan pynlong ïa ki ban wan bad dem khrup ha ki kjat jong pha. Baroh kin tip ba nga ieit ïa pha.

JINGPYNPAW 7:14

Nga la jubab ïa u, “Ngam tip, ko kynrad. Phi te phi tip.” U la ong ha nga, “Kine ki long ki briew kiba la lait na kata ka jingpynshitom kaba triem. Ki la sait ïa la ki jaiñkup bad ki la pynlieh ïa ki da ka snam jong uta U Khunlangbrot.