JINGPYNPAW 2:3 - Khasi CL Bible (BSI)

³ Pha long kaba ïaishah, pha la shahshitom na ka bynta jong nga, bad pham shym la kynran dien.

KA BAIBL

³ bad pha don ka jingïaishah bad pha la shah na ka bynta ka kyrteng jong nga, bad pham shym la sngewthait ïan.

JINGPYNPAW 2:3 ပူးပေါင်းရင်းမြစ်များ

SALM 37:7

To ïaishah bad ap ïa U Trai ba un trei; wat pynkhuslai namar kito kiba manbha, lane ïa kito kiba jop ha ki buit sniew jong ki!

SALM 69:7

Dei na ka bynta jong me ba nga la shah rkhiebeiñ bad ba la tap ïa nga da ka jinglehrain.

MIKAH 7:9

Ngi la leh pop pyrshah ïa U Trai, te mynta ngi dei ban ïaishah ïa ka jingbitar jong u shipor. Hynrei ha kaba kut un ïada ïa ngi bad un pynbeit ïa ka bymdei kaba la leh ha ngi. Un wallam ïa ngi shabar sha ka jingshai; ngin im ban ïohi ba u pyllait im ïa ngi.

MARKOS 15:21

Ha lynti ki la ïakynduh ïa u briew uba kyrteng u Simon, uba dang wan sha ka nongbah na rudnong, bad ki shipai ki la pynbor ïa u ban bah ïa ka diengphna U Jisu. (U Simon u dei na Kyrini bad u la long u kpa jong u Aleksandar bad u Ruphos.)

LOUKAS 14:27

Uno uno u bym bah ïa la ka diengphna bad wan nadien jong nga, um lah ban long u synran jong nga.

LOUKAS 18:1

Nangta U Jisu u la ïathuh ha la ki synran ïa ka pharshi ban hikai ïa ki ba ki dei ban duwai borabor ban ym noh mynsiem da lei lei ruh.

LOUKAS 21:19

To ïeng skhem, bad phin ri pynim ïa lade hi.

LOUKAS 5:5

“Ko Kynrad,” u Simon u la jubab, “ngi la trei shitom baroh shi miet bad ngim shym ngat ei ei. Hynrei lada me ong kumta, ngan pynhiar ïa ki jar.”

LOUKAS 8:15

Ki symbai kiba la hap ha ka khyndew babha ki ïeng na ka bynta kito kiba ïohsngew ïa ka khubor bad kiba bat ïa ka ha ka dohnud kaba bha bad kaba kohnguh, bad ki ïaineh tad haduh ba kin da seisoh.

ÏOANNIS 15:21

Hynrei kin leh ïa kane baroh ïa phi namar ba phi long ki jong nga; naba kim ithuh ïa uta uba la phah ïa nga.

Ka Shithi U Paul Sha Ki Nong Rom 12:12

To ai ba ka jingkyrmen jong phi kan pynkmen ïa phi, to long kiba ïaishah ha ki jingjynjar jong phi, bad to duwai ha ki por baroh.

Ka Shithi U Paul Sha Ki Nong Rom 16:12

Ki jingkhublei jong nga ïa ka Truphina bad ka Truphosa, kiba trei ha ka kam U Trai bad ïa ka paralok ba-ieit jong nga, ka Persis, kaba la trei shibun ka kam na ka bynta U Trai.

Ka Shithi U Paul Sha Ki Nong Rom 2:7

Katto katne ki briew ki ïai leh ïa kaba bha, bad wad burom, ka nam babha, bad ka jingim bymïap shuh; ïa ki U Blei un ai ka jingim bymjukut.

Ka Shithi U Paul Sha Ki Nong Rom 8:25

Hynrei lada ngi kyrmen ïa kaei kaba ngim ïohi, ngi ap ïa kata da ka jingïaishah.

1 KORINTH 13:7

Ka jingieit kam sangeh noh shiteng; bad ka jingngeit, ka jingkyrmen bad ka jingïaishah jong ka kim duh noh.

1 KORINTH 16:16

Nga kyrpad ïa phi, ko ki parabangeit jong nga, ban bud ïa ka jingïalam jong kiba kum kita ki briew, bad uno uno de uba trei bad shakri lang bad ki.

2 KORINTH 10:15

Kumta ngim leh sarong shaphang ka kam kaba kiwei ki la leh palat shabar u pud ïa uba U Blei u la buh na ka bynta jong ngi. Pynban, ngi kyrmen ba ka jingngeit jong phi ka nang san bad ba ngi lah ban leh ïa ka kam kaba kham khraw hapdeng jong phi, borabor hapoh ki pud ba U Blei u la buh na ka bynta jong ngi.

2 KORINTH 11:23

Hato ki long ki shakri U Khrist? Ki sngew ïa nga kum uba lamwir — hynrei nga long u shakri uba kham bha ban ïa kaba ki long! Nga la trei kham shitom palat, nga la don bunsien ha byndi, nga la shah sympat kham bun, bad nga la jan sha ka jingïap kham bunsien.

2 KORINTH 4:1

U Blei ha ka jingisynei jong u, u la ai ha ngi ïa kane ka kam ban trei, bad kumta ngim shym la noh mynsiem.

2 KORINTH 4:16

Na kane ka daw ngim ju duh jingkyrmen. Wat la ki met ba kynja doh jong ngi ki la nang pyut noh, pynban, ïa ki met ba kynja mynsiem jong ngi la nang pynthymmai na kawei ka sngi sha kawei ka sngi.

2 KORINTH 5:9

Pynban, palat ban ïa kaei kaei baroh, ngi kwah ban pynsngewbha ïa u, la ngi don ha kane ka ïing hangne lane hangtei.

2 KORINTH 6:5

La sympat ïa ngi, la set byndi, bad la shah ktah kti ha u paidbhur; ngi la trei palat bad ngi la duh thiah ne duh bam.

GALATIA 6:2

Ïakit markylliang ïa ki jingkit, bad ha kane ka rukom phin kohnguh ïa ka hukum U Khrist.

GALATIA 6:9

Kumta to ai ba ngin ym man thait ha kaba lehbha; namar lada ngim duh bor noh, ka por kan poi ha kaba ngin lum ïa ka jingot.

PHILIPPI 2:16

Lada phi leh kumta, ngan don ka daw ban sngewsarong ïa phi ha ka Sngi jong U Khrist, namar kan pyn-i ba baroh ka jingpyrshang bad ka jingtrei jong nga kam shym la long kaba lehnoh-ei.

PHILIPPI 4:3

Bad ïa phi ruh, ko paralok baïaineh jong nga, nga kwah ïa phi ban ïarap ïa kine ki kynthei; naba ki la trei shitom lem bad nga ban pynsaphriang ïa ka gospel, ryngkat bad u Klemen, bad baroh kiwei pat ki para nongïatrei lem jong nga, kiba ki kyrteng jong ki, ki don ha ka kitab jong kiba im jong U Blei.

KOLOSSAI 1:11

Ai ba yn pynkhlaiñ ïa phi da ka jingkhlaiñ baroh kaba wan na ka bor badonburom jong u, khnang ba phi lah ban shah ïa kiei kiei baroh da ka jingïaishah. Bad da ka jingkmen to ainguh ïa U Kpa, uba la pynlong ïa phi kiba bit ban ïoh ïa la ka bynta na kaei kaba U Blei u la tyngkai na ka bynta ki briew jong u ha ka hima ka jingshai.

1 THESSALONI 1:3

Naba ngi kynmaw ha khmat U Blei bad U Kpa jong ngi ba kumno phi pyntreikam ïa ka jingngeit, kumta ba ka jingieit jong phi ka pynlah ïa phi ban trei shitom, bad kumno ka jingkyrmen jong phi ha U Jisu Khrist uba U Trai jong ngi ka long kaba skhem.

1 THESSALONI 2:9

Da shisha phi kynmaw, ko parabangeit jong ngi, kumno ba ngi la minot bad trei shitom! Ngi la trei mynsngi bad mynmiet khnang ba ngin ym bankhia ïa phi haba ngi la ïalap ha phi ïa ka Khubor Babha na U Blei.

1 THESSALONI 5:12

Ngi kyrpad ïa phi, ko parabangeit jong ngi, ban ai ka burom kaba dei biang ïa kito kiba la trei hapdeng jong phi, kiba la ïalam bad hikai ïa phi ha ka jingim kum kiba ngeit.

2 THESSALONI 3:13

Hynrei ma phi, ko ki parabangeit, to wat man thait ha kaba leh ïa kaba bha.

2 THESSALONI 3:5

Ai ba U Trai un ïalam ïa phi sha ka jingshemphang ba kham khraw jong ka jingieit U Blei bad sha ka jingïaishah kaba la ai da U Khrist.

2 THESSALONI 3:8

Ngim shym la pdiang ïa ka jingkyrshan jongno jongno khlem da siewdor ïa ka. Pynban, ngi la trei bad minot thop; ngi ïai trei mynsngi bad mynmiet khnang ban ym long ka jingbankhia ïano ïano na phi.

1 TIMOTHI 4:10

Ngi ïaleh tyngeh bad trei shitom, namar ngi la buh ïa ka jingkyrmen jong ngi ha U Blei uba im, uba long U Nongpynim ïa baroh bad khamtam ïa kito kiba ngeit.

1 TIMOTHI 5:17

Ki nongsharai balang kiba trei bha kum ki nongïalam ki dei hok ban ïohpdiang ar shah ïa ka jingsiew, khamtam kito kiba trei jur ha ka jingïalap bad jinghikai.

HEBRU 10:36

Phi donkam ban long kiba ïaishah, khnang ba phi lah ban leh ïa ka mon U Blei bad ïohpdiang ïa kata kaba u kular.

HEBRU 12:1

Na ka bynta jong ngi, ngi don katne u paid sakhi babun byllien sawdong jong ngi. Kumta te, to ngin ïabret noh na lade ïa kiei kiei baroh kiba wan pynwit ha lynti, bad ïa kata ka pop kaba shait snoh skhem ha ngi, bad to ngin ïaphet da ka jingkut jingmut ïa ka jingïaphet thong kaba don ha khmat jong ngi.

HEBRU 13:13

Te, to ngin leit sha u shabar ka jaka shong dara ban ïoh bynta lang ha ka jingshah lehrain jong u.

HEBRU 6:10

U Blei um dei uba bishar bymhok. Un ym klet ïa ka kam kaba phi la leh lane ïa ka jingieit kaba phi la pynpaw na ka bynta jong u da ka jingïarap kaba phi la ai bad dang ïai ïarap ïa ki parabangeit.

HEBRU 6:12

Ngim kwah ïa phi ba phin long kiba alhia, hynrei ban long kum kita kiba ngeit bad ban long kiba ïaishah, bad kumta ban ïohpdiang ïa kaei kaba U Blei u la kular.

HEBRU 6:15

U Abraham u la ïaishah slem, bad kumta u la ïohpdiang ïa kaei kaba U Blei u la kular.

2 PETROS 1:6

ha ka jingtip jong phi pynlang ïa ka jingsynshar ïa lade; ha ka jingsynshar ïa lade pynlang ïa ka jingïaishah; ha ka jingïaishah pynlang ïa ka jinglong riewblei;

JINGPYNPAW 1:9

Nga long u Ïoannis, u parabangeit jong phi, bad kum u nongbud jong U Jisu nga long uba ïadon bynta lem bad phi ban ïaishah ïa ka jingjynjar kaba wan ha kito kiba long na ka Hima jong u. Ïa nga la buh ha ka dewlynnong Patmos namar nga la pynbna ïa ka Ktien U Blei bad ka jingshisha kaba U Jisu u la pynpaw.

JINGPYNPAW 3:10

Namar ba pha la kohnguh ïa ka hukum jong nga ban shahshitom, nga ruh ngan ri sumar ïa pha ha ka por jong ka jingjynjar ka ban wan ha ka pyrthei ban tynjuh ïa ki briew baroh ha ka pyrthei.