JINGPYNPAW 2:26 - Khasi CL Bible (BSI)

^26-28 Ha kito kiba ïoh ïa ka jingjop, kiba ïaineh haduh kaba kut ban leh ïa kaei kaba nga kwah, ngan ai ïa kajuh ka bor kaba nga la ïohpdiang na U Kpa jong nga: Ngan ai ha ki ïa ka bor halor ki jaitbynriew, ban synshar ïa ki da u diengsynshar nar bad ban pynkheiñ ïa ki lyngkhot lyngkhai kum ïa ki khiew dewbyrtha. Ngan ai ha ki ruh ïa u khlur step.

KA BAIBL

²⁶ Bad uta uba jop, bad uba sumar haduh ka bakut ïa ki jingleh jong nga, ngan ai ha u ka bor halor kita ki kynja bynriew;

JINGPYNPAW 2:26 ပူးပေါင်းရင်းမြစ်များ

SALM 2:8

To pan, bad ngan ai ha me ïa ki jaitbynriew baroh; ka pyrthei baroh kawei kan long ka jong me.

SALM 2:9

Men pynkheiñ ïa ki da u diengduh nar; men pynpra ïa ki lyngkhot lyngkhai kum ïa u khiew khyndew.’”

SALM 49:14

kin kut ha kaba ïap kum ki langbrot, bad ka Jingïap kan long u nongaplangbrot jong ki. Kiba hok kin jop halor jong ki, katba ki met jong ki kin pyut kloi ha ka pyrthei kiba ïap, jngai na ki ïing jong ki.

DANIEL 7:18

Bad ki briew jong U Blei Bahakhlieh Tam Eh kin ïohpdiang ïa ka bor ba kynja syiem bad ban bat ïa ka junom la junom.”

DANIEL 7:22

Nangta uta uba la im junom u la wan bad u la pynbna ïa ka jingbishar ha ka liang jong ki briew jong U Blei Bahakhlieh Tam Eh. Ka por ka la poi na ka bynta ki briew jong U Blei ban pdiang ïa ka bor kaba kynja syiem.

DANIEL 7:27

Ïa ka bor bad ka jingkhraw jong baroh ki hima ha ka pyrthei yn ai ha ki briew jong U Blei Bahakhlieh Tam Eh. Ka bor ba kynja syiem jong ki kan ym kut shuh bad ki nongsynshar baroh ha ka pyrthei kin shakri bad kohnguh ïa ki.”

MATHAÏOS 10:22

Baroh kin isih ïa phi namar jong nga. Hynrei uno uno uba ïeng skhem haduh kaba kut un lait im.

MATHAÏOS 19:28

U Jisu u la ong ha ki, “Phi lah ban thikna ba haba U Khun U Briew u shong ha ka khet badonburom jong u ha ka Ïa kaba thymmai, te ma phi ki khat-ar ngut ki nongbud jong nga phin ïashong ruh ha ki khet, ban synshar ïa ki khat-ar ki jait Israel.

MATHAÏOS 24:13

Hynrei uno uno uba ïeng skhem haduh kaba kut un lait im.

ÏOANNIS 6:29

U Jisu u la jubab, “Kaei kaba U Blei u kwah ïa phi ban leh ka long ban ngeit ha uta ïa uba u la phah.”

Ka Shithi U Paul Sha Ki Nong Rom 2:7

Katto katne ki briew ki ïai leh ïa kaba bha, bad wad burom, ka nam babha, bad ka jingim bymïap shuh; ïa ki U Blei un ai ka jingim bymjukut.

Ka Shithi U Paul Sha Ki Nong Rom 8:37

Em, ha kine baroh ngi ïoh ïa ka jingjop baroh lyngba jong uta uba la ieit ïa ngi!

1 THESSALONI 3:5

Dei kata keiñ balei ba nga la phah ïa u Timothi. Ngam lah shah shuh, kumta nga la phah ïa u ban tip shaphang ka jingngeit jong phi. Da shisha kam lah ban long ba u Ksuid u la pynshoi ïa phi bad ba ka kam jong ngi baroh ka la long kaba lehnoh-ei!

HEBRU 3:6

Hynrei, U Khrist u long uba lah ban shaniah kum U Khun uba dei peit ïa ka ïing U Blei. Ngi long ka ïing jong u lada ngi ïaineh ha ka jingshlur bad ngi long skhem ha kaei kaba ngi kyrmen.

JAKOB 2:20

Phi kiba bieit! Hato phi kwah ban da pyn-i ba ka jingngeit khlem ki kam ka long ka bymmyntoi?

1 ÏOANNIS 2:19

Kine ki briew da shisha kim don ha ka jingïasyllok jong ngi, bad kata ka long balei ba ki la iehnoh ïa ngi; lada ki la don ha ka jingïasyllok bad ngi, kin jin da la sah bad ngi. Hynrei ki mihnoh, ba kan paw shai ba ym don napdeng jong ki kiba dei shisha ki jong ngi.

1 ÏOANNIS 3:23

Kaei kaba u hukum ka long ba ngi ngeit ha U Jisu Khrist, U Khun jong u bad ngi ïa-ieit iwei ïa iwei, kumba U Khrist u la hukum ïa ngi.

1 ÏOANNIS 5:5

Uei uba lah ban jop ïa ka pyrthei? Tang u briew uba ngeit ba U Jisu u long U Khun U Blei.

JINGPYNPAW 2:11

“Te lada pha don ki shkor, shahshkor ïa kaei kaba U Mynsiem u ong ïa ki balang! “Ïa kito kiba ïoh ïa ka jingjop, yn ym pynsniew ïa ki da ka jingïap kaba ar.

JINGPYNPAW 2:17

“Te lada pha don ki shkor, shahshkor ïa kaei kaba U Mynsiem u ong ïa ki balang! “Ha kito kiba ïoh ïa ka jingjop ngan ai katto katne ka manna ba la buhrieh. Ngan ai ruh ha uwei pa uwei na ki ïa u maw balieh ha uba la thoh ïa ka kyrteng bathymmai kaba ym don mano mano batip lait noh tang uta uba ïohpdiang ïa ka.

JINGPYNPAW 2:7

“Te lada pha don ki shkor, shahshkor ïa kaei kaba U Mynsiem u ong ïa ki balang! Ha kito kiba ïoh ïa ka jingjop ngan ai ban bam ïa u soh na u dieng ka jingim uba mih ha ka Kper U Blei.

JINGPYNPAW 20:4

Nangta nga la ïohi ïa ki khet bad ha kito kiba shong ha ki la ai ïa ka bor ban bishar. Nga la ïohi ruh ïa ki mynsiem jong kito kiba la shah pynïap namar ba ki la pynbna ïa ka jingshisha ïa kaba U Jisu u la pynpaw bad ïa ka ktien U Blei. Kim shym la mane ïa u mradkhlaw lane ïa ka dur jong u, lymne ba ki la pdiang ïa ka shab jong u mradkhlaw ha ki shyllangmat jong ki lane ha ki kti jong ki. Ki la im pat bad ki la synshar kum ki syiem bad U Khrist shihajar snem.

JINGPYNPAW 21:7

Uno uno uba ïoh ïa ka jingjop un ïohpdiang ïa kane na nga: Ngan long U Blei jong u, bad un long u khun jong nga.

JINGPYNPAW 22:5

Yn ym don shuh kano kano ka miet, bad kin ym donkam ïa ki sharak lane ïa ka jingshai ka sngi, namar U Trai uba U Blei un long ka jingshai jong ki bad kin synshar kum ki syiem junom la junom.

JINGPYNPAW 3:12

Ngan pynlong ïa uta uba jop, u rijied ha ka Templ jong U Blei jong nga, bad un ïailong hangta. Ngan thoh halor jong u ïa ka kyrteng U Blei jong nga bad ka kyrteng jong ka nongbah jong U Blei jong nga, ka Jerusalem bathymmai, ka ban wan hiar na bneng na U Blei jong nga. Ngan thoh ruh halor jong u ïa ka kyrteng bathymmai jong nga.

JINGPYNPAW 3:21

Ha kito kiba ïoh ïa ka jingjop ngan ai ïa ka hok ban shong ha syndah jong nga ha ka khet jong nga, kumba nga ruh nga la jop bad mynta nga shong ha syndah U Kpa jong nga ha ka khet jong u.

JINGPYNPAW 3:5

Ïa kito kiba ïoh ka jingjop yn pynkup ïa ki kumne ha ki jaiñkup balieh, bad ngan ym weng noh ïa ki kyrteng jong ki na ka kitab jong kiba im. Ha ka jingdon ryngkat jong U Kpa jong nga bad ki angel jong u, ngan pynbna paidbah ba ki long ki jong nga.