JINGPYNPAW 2:22 - Khasi CL Bible (BSI)

²² Bad kumta ngan bret ïa ka halor ka jingthiah ha kaba ma ka bad kito kiba leh ïa ka jingklim bad ka kin ngat ha ka jingjynjar bashyrkhei. Ngan leh ïa kane mynta lymda ki kylla-kaba-mut na kiei kiei kiba bymman kiba ki la leh bad ka.

KA BAIBL

²² Ha khmih, ngan bred ïa ka ha ka jingthiah, bad ïa kita kiba ïaklim bad ka ha ka jingshitom bakhraw, lada kin ym kylla-ka-bamut na kita ki jingleh jong ki.

JINGPYNPAW 2:22 ပူးပေါင်းရင်းမြစ်များ

JEREMAÏAH 36:3

Lehse haba ki paid Judah kin ïohsngew shaphang baroh ka jingpynjot kaba nga thmu ban wallam halor jong ki, kin phai noh na ki lynti bymman jong ki. Te ngan map ïa ka jingbymman jong ki bad ïa ki pop jong ki.”

ESEKIEL 23:29

Bad namar ba ki isih ïa pha, kin shim noh ïa kiei kiei baroh kiba pha la trei na ka bynta kita bad kin ieh lyngkhuit bad thad ïa pha kum ka nuti. Ka jingkwah brai bad ka jingleh nuti jong pha ki la wanrah ïa kane ha pha.

ESEKIEL 33:11

Ïathuh ha ki, ba da shisha ma nga, U Trai Nongsynshar, Nga long U Blei uba im, ngam sngewbha ban ïohi ba u nongpop u ïap. Ngan jin da la ïohi ïa u ba u sangeh kaba leh pop bad u im. Ko Israel, sangeh noh ka bymman ba pha leh. Balei pha kwah ban ïap?

SEPHANAÏAH 3:7

Nga la pyrkhat ba kumta ki briew jong nga kin da la ñiewkor ïa nga bad pdiang ïa ka jingsneng pynbeit jong nga, ba kin ym da la klet ïa ka jinghikai kaba nga la hikai ïa ki. Hynrei shen shen ki la leh bymman kumba ki ju leh.

LOUKAS 13:3

Em, ym kumta! Bad nga ong ïa phi ba lada phim phai noh na ki pop jong phi, phi baroh phin ïap kum ma ki.

LOUKAS 13:5

Em, ym kumta! Bad nga ong ha phi ba lada phim phai noh na ki pop jong phi, phi baroh phin ïap kum ma ki.”

2 KORINTH 12:21

Nga sheptieng haba ha kawei ka por ba nga wan, U Blei jong nga un pynjahburom ïa nga ha khmat jong phi, bad ngan ïam na ka bynta kiba bun kiba la leh pop mynshuwa bad ki bym pat shym kylla-kaba-mut na ki kam awria ba ki la leh — ki jingkwah brai bad ki pop awria jong ki.

JINGPYNPAW 17:2

Ki syiem jong ka pyrthei ki la ïaleh awria bad ka, bad ki briew jong ka pyrthei ki la buaid na kaba dih ïa ka waiñ jong ka jingawria jong ka.”

JINGPYNPAW 18:3

Naba ki jaitbynriew baroh ki la dih ïa ka waiñ jong ka — ka waiñ bakhor jong ka jingkwah brai awria jong ka. Ki syiem jong ka pyrthei ki la ïaleh awria bad ka, bad ki nongkhaïi jong ka pyrthei ki la kiew spah bha na ka jingkwah brai bym lah teh lakam jong ka.”

JINGPYNPAW 18:9

Ki syiem jong ka pyrthei kiba la ïashim bynta ha ka jingawria bad ka jingkwah brai jong ka kin lynñiar bad ïam na ka bynta ka nongbah haba ki ïohi ïa ka tdem na ki thylliej ding kiba bam duh ïa ka.

JINGPYNPAW 2:5

Pyrkhat katno jngai pha la hap! Phai noh na ki pop jong pha bad leh ïa kaei kaba pha la leh ha kaba mynnyngkong. Lada pham phai noh na ki pop jong pha, ngan wan sha pha bad ngan shim noh ïa u diengpynïeng sharak na ka jaka jong u.