JINGPYNPAW 2:20 - Khasi CL Bible (BSI)

²⁰ Hynrei kane ka long kaei kaba nga don pyrshah ïa pha: Pha ïaishah ïa kato ka briew, ka Jesebel, kaba khot ïa lade ka nonglamktien jong U Blei. Da ka jinghikai jong ka, ka ïalam bakla ïa ki shakri jong nga sha kaba leh ïa ka kam awria bad ban bam ïa ka jingbam ba la ai ha ki bleithaw.

KA BAIBL

²⁰ Hynrei, nga don kane kaba pyrshah ïa pha, naba pha shah ïa kata ka briew ka Jesabel, kaba khot ïa lade “ka nongïathuhlypa”, bad ka hikai bad ka shukor ïa kita ki shakri jong nga ban klim sih, bad ban bam ïa kiei kiei ruh ba la kñia ïa ki bleithaw.

JINGPYNPAW 2:20 ပူးပေါင်းရင်းမြစ်များ

1 SYIEM 16:31

Kam shym pat biang ïa u ban leh pop kum u syiem Jeroboam; u leit kham jngai shuh shuh bad u shongkurim ïa ka Jesebel, ka khun jong u Ethbaal u syiem ka Sidon, bad u la mane ïa u Baal.

1 SYIEM 17:13

“Wat khuslai” u Elijah u la ong ha ka. “Khie leit bad pynkhreh ïa ka jingbam jong phi. Hynrei nyngkong shet ïa u kpu uba rit na kaei kaba pha don bad wanrah ïa u sha nga, bad nangta sa shet ïa kaba sah na ka bynta jong pha bad ïa u khun jong pha.

1 SYIEM 17:4

Ka wahduid kan pynbiang um ïa me ban dih, bad nga la hukum ïa ki tyngab ban wanrah jingbam ïa me hangta.”

2 SYIEM 9:22

“Hato me wan ha ka jingsuk?” u Joram u kylli ïa u. U Jehu u jubab, “Kumno kan don ka jingsuk haba ngi dang don baroh ki jingleh byrtong bad ki jingmane bleithaw kiba ka Jesebel ka kmie jong me ka la sdang?”

2 SYIEM 9:7

Me dei ban pynïap ïa u syiem uba long u kynrad jong me, uto keiñ u khun jong u Ahab khnang ba ngan ïoh pynshitom ïa ka Jesebel namar ba ka la pynïap ïa ki nongïathuhlypa jong nga bad ïa kiwei pat ki shakri jong nga.

EKSODOS 34:15

Wat ïateh kano kano ka jutang bad ki briew jong kata ka ri, namar haba ki mane ïa ki blei thala jong ki, bad kñia ha ki, kin sa khot sngewbha ïa phi ban ïasoh bad ki, bad phin shah pynshoi ban bam ïa ka jingbam ba ki ai ïa ki blei jong ki.

ESEKIEL 13:17

U Trai u la ong, “Mynta, ko khun u briew, khmih ïa ki kynthei hapdeng ki briew jong me kiba pynlong ki jingïathuh lypa. To kren pyrshah ïa ki

KI KAM 15:20

Pynban, ngi dei ban thoh ka shithi da kaba ong ïa ki ban ym bam ïa kano kano ka jingbam ka bymkhuid kat kum ka jinglehniam namar ba la kñia ïa ka ha ki bleithaw; ban kyndiah na ka jingawria; bad ban ym bam ïa kano kano ka mrad kaba la khyrwait, lane bam ïa kano kano ka snam.

KI KAM 15:29

Wat bam kano kano ka jingbam kaba la kñia ha ki bleithaw; wat bam kano kano ka snam; wat bam kano kano ka mrad kaba la khyrwait; bad sumar ïa lade na ka jingawria. Phin manbha lada phi sumar ban ym leh ïa kine kiei kiei. Da ka jingkhublei babha tam jong ngi.”

1 KORINTH 10:28

Hynrei lada uno uno u ong ïa phi, “Kane ka dei ka jingbam ba la kñia ha ki bleithaw,” te wat nym bam phi ïa kata ka jingbam, na ka bynta uta uba la ïathuh ïa phi bad na ka bynta ka jingïatiplem —

JINGPYNPAW 2:14

Hynrei don katto katne kiei kiei kiba nga don pyrshah ïa pha: Don katto katne ngut hapdeng jong pha kiba bud ïa ka jinghikai u Balaam, uba la hikai ïa u Balak kumno ban ïalam ïa ki paid Israel sha ka pop da kaba pynngeit ïa ki ban bam ïa ka jingbam kaba la lah ai ha ki bleithaw bad ban leh ki kam awria.

JINGPYNPAW 2:4

Hynrei kane ka long kaei kaba nga don pyrshah ïa pha: Pham ieit ïa nga mynta kumba pha la leh ha kaba nyngkong.