JINGPYNPAW 2:19 - Khasi CL Bible (BSI)

¹⁹ Nga tip ïa kaei kaba pha leh. Nga tip ïa ka jingieit jong pha, ïa ka jingïaineh jong pha, ïa ka jingshakri jong pha, bad ka jingïaishah jong pha. Nga tip ba pha leh kham bha mynta ban ïa kaba pha la leh ha kaba mynnyngkong.

KA BAIBL

¹⁹ “ ‘Nga ithuh ïa ki jingleh jong pha, bad ïa ka jingieit bad ïa ka jingngeit bad ïa ka jingshakri bad ïa ka jingïaishah jong pha; bad ba kita ki jingleh ki bakhatduh jong pha ki long kiba kham bun ïa kita ki banyngkong.

JINGPYNPAW 2:19 ပူးပေါင်းရင်းမြစ်များ

Ka Kitab U Job 17:9

Kito kiba dawa ba ki long kiba donburom ki la nang sngewdei shuh shuh ba kim shym la bakla.

SALM 92:14

kiba dang seisoh haba ki la tymmen ruh bad ki ïai jyrngam bad khlaiñ.

PROBERB 4:18

Ka lynti kaba kiba hok ki ïaid ka long kum ka jingmih ka sngi; ka nang phyrnai nang phyrnai haduh ba kan da shai bha kum mynsngi.

LOUKAS 1:23

Haba ka por jingshakri jong u ha ka Templ ka la kut, u Sekharaïah u la leit phai sha ïing.

ÏOANNIS 15:2

U ngor noh ïa kano kano ka tnat kaba don ha nga ka bymseisoh, bad u khyllad ïa kano kano ka tnat kaba seisoh, khnang ba kan long khuid bad kan kham seisoh.

KOLOSSAI 3:14

Bad nalor kine ki jinglong baroh, to bynrap ïa ka jingieit, kaba tehsong lang ïa kiei kiei baroh lang ha ka jingïatylli kaba janai.

1 THESSALONI 3:6

Mynta u Timothi u la wan phai pat bad u la wanrah sha ngi ïa ka khubor kaba sngewkmen shaphang ka jingngeit bad ka jingieit jong phi. U la ïathuh ïa ngi ba phi ïai pyrkhat bha ïa ngi borabor bad ba phi kwah hir hir ban ïohi ïa ngi kumba ma ngi ruh, ngi kwah ban ïohi ïa phi.

2 THESSALONI 1:3

Ko parabangeit jong ngi, ngi dei ban ainguh ïa U Blei ha ki por baroh na ka bynta jong phi. Ka long kaba dei ïa ngi ban leh kumta, namar ba ka jingngeit jong phi ka la san shikatdei eh bad ba ka jingieit kaba iwei pa iwei na phi, phi don na ka bynta kiwei pat ka la nang kham khraw.

1 TIMOTHI 1:5

Ka jingthmu jong kane ka hukum ka long ban pynkhih ïa kata ka jingieit kaba wan na ka dohnud kaba sngur, ka jingïatiplem bakhuid, bad ka jingngeit bashisha.

1 PETROS 4:8

Nalor kiei kiei baroh, to ïa-ieit shitrhem iwei ïa iwei pat, namar ka jingieit ka tap noh lin ïa ki pop babun.

2 PETROS 1:7

ha ka jinglong riewblei pynlang ïa ka jingïadei parabangeit; bad ha ka jingïadei parabangeit pynlang ïa ka jingieit.

2 PETROS 3:18

Hynrei to phin nang roi ha ka jingaiei bad ka jingtip ïa U Jisu Khrist uba U Trai bad U Nongpynim jong ngi. Ha u, to long ka burom, mynta bad shaduh bymjukut! Amen.

JINGPYNPAW 2:13

Nga tip hangno pha shong, hangta ha kaba u Soitan u don ka khet jong u. Pha long kaba shisha ha nga, bad pham shym la phai dien noh na ka jingngeit jong pha na nga wat ha ka por mynba u Antipas, u sakhi baïaineh jong nga, u la shah pynïap hangta ha ka jaka ba u Soitan u shong u sah.

JINGPYNPAW 2:9

Nga tip ïa ki jingjynjar jong pha; nga tip ba pha long kaba duk — hynrei da shisha pha long kaba riewspah! Nga tip ïa kiei kiei kiba sniew ba la kren pyrshah ïa pha da kito kiba kam ba ki long ki Jiw hynrei kim dei; ki long ka kynhun kaba dei ka jong u Soitan!