JINGPYNPAW 2:17 - Khasi CL Bible (BSI)

¹⁷ “Te lada pha don ki shkor, shahshkor ïa kaei kaba U Mynsiem u ong ïa ki balang! “Ha kito kiba ïoh ïa ka jingjop ngan ai katto katne ka manna ba la buhrieh. Ngan ai ruh ha uwei pa uwei na ki ïa u maw balieh ha uba la thoh ïa ka kyrteng bathymmai kaba ym don mano mano batip lait noh tang uta uba ïohpdiang ïa ka.

KA BAIBL

¹⁷ Jar uba don ka shkor, to un sngew ïa kaei ba U Mynsiem u ong ha kita ki balang. Ha uta uba jop, ngan ai ha u ban bam na kata ka manna ïa kaba la buhrieh noh, bad ngan ai ha u ïa u maw balieh, bad ha uta u maw ïa ka kyrteng bathymmai ïa kaba la thoh, ïa kaba uno uno ruh um ithuh, hynrei, tang uta uba pdiang ïa ka.’ ”

JINGPYNPAW 2:17 ပူးပေါင်းရင်းမြစ်များ

SALM 25:14

U Trai u long u paralok jong kito kiba kohnguh ïa u bad u pynskhem ïa la ka jutang bad ki.

SALM 36:8

Ngi khawai ha ka jingpahuh ka jingbam ba me ai; me ai ïa ngi ban dih na ka wah ka jingbha jong me.

EKSODOS 16:33

U Moses u la ong ha u Aaron, “Shim uwei u khiew, thep ar kilo ka manna ha u, nangta buh ïa u ha khmat U Trai, na ka bynta ki khun ki ksiew jong ngi.”

PROBERB 14:10

Ka jingkmen jong phi ka long ka jong phi hi; ka jingkthang jong phi ka long ka jong phi hi. Ym don uba lah ban ïasam ïa ki bad phi.

PROBERB 3:32

namar U Trai u isih ïa ki briew kiba leh bymman, hynrei ïa ki briew kiba hok u ïarap ïa ki.

ISAÏAH 56:4

U Trai un ong kum ha uta u briew, “Lada me pyndonburom ïa nga da kaba rakhe ïa ka sngi Sabbaton bad lada me leh ïa kaei kaba pynsngewbha ïa nga bad sumar khuid ïa ka jutang jong nga,

ISAÏAH 56:5

te ïa ka kyrteng jong me yn ïai kynmaw ha ka templ jong nga bad hapdeng ki briew jong nga kham slem ban ïa kaba me don ki khun shynrang bad ki khun kynthei. Yn ym klet ïa me lano lano ruh.”

ISAÏAH 62:2

Ko Jerusalem, ki jaitbynriew kin ïohi ba pha ïoh ka jingjop! bad ki syiem jong ki baroh kin ïohi ïa ka burom jong pha. Yn khot ïa pha da ka kyrteng kaba thymmai, ka kyrteng ba U Trai hi u ai.

ISAÏAH 65:13

Bad kumta ngan ïathuh ïa phi ba kito kiba mane bad kohnguh ïa nga kin ïoh kyrhai ban bam ban dih, hynrei phi phin thngan bad phin sliang. Ma ki kin shadkmen hynrei ma phi phin jahburom.

ISAÏAH 65:15

Ki briew ba la jied jong nga kin pyndonkam ïa ka kyrteng jong phi kum ka jingtim. Ma nga, U Trai nongsynshar ngan pynïap ïa phi. Hynrei ngan ai ka kyrteng bathymmai ha kito kiba kohnguh ïa nga.

MATHAÏOS 13:11

U Jisu u la jubab, “Ïa ka jingtip shaphang kiei kiei kiba rieh jong ka Hima ki Bneng la ai ha phi, hynrei ym ha ki.

MARKOS 7:16

Uno uno uba don ki shkor ban sngew, to un sngew.”

ÏOANNIS 4:32

Hynrei u la jubab, “Nga don ka jingbam ban bam ïa kaba phi phim tip ei ei.”

1 KORINTH 2:14

Uno uno u bym don U Mynsiem, um lah ban ïohpdiang ïa ki jingai kiba wan na U Mynsiem U Blei. Kum uta u briew da shisha um sngewthuh ïa ki; ki long ka jingbieit ha u, namar ïa ka dor jong ki lah ban bishar tang na ka nongrim kaba kynja mynsiem.

KOLOSSAI 3:3

Naba phi la ïap, bad ïa ka jingim jong phi la buhrieh lem bad U Khrist ha U Blei.

JINGPYNPAW 14:3

Ki shi lakh sawphew saw hajar ngut ki briew ki la ïeng ha khmat ka khet, ha khmat ki saw tylli ki jingthaw ba-im, bad ha khmat ki nongsharai balang; ki la ïarwai ïa ka jingrwai kaba thymmai, kaba tang ma ki hi ki lah ban nang. Na ki bynriew baroh, ki long tang ma ki, kiba la siewspah.

JINGPYNPAW 19:16

Ha ka jaiñkup jong u bad ha ka lbong jong u la thoh ïa ka kyrteng: “U Syiem jong ki syiem bad U Trai jong ki trai.”

JINGPYNPAW 2:11

“Te lada pha don ki shkor, shahshkor ïa kaei kaba U Mynsiem u ong ïa ki balang! “Ïa kito kiba ïoh ïa ka jingjop, yn ym pynsniew ïa ki da ka jingïap kaba ar.

JINGPYNPAW 2:7

“Te lada pha don ki shkor, shahshkor ïa kaei kaba U Mynsiem u ong ïa ki balang! Ha kito kiba ïoh ïa ka jingjop ngan ai ban bam ïa u soh na u dieng ka jingim uba mih ha ka Kper U Blei.

JINGPYNPAW 3:22

“Te lada pha don ki shkor, shahshkor ïa kaei kaba U Mynsiem u ong ha ki balang!”

JINGPYNPAW 3:6

“Te lada pha don ki shkor, shahshkor ïa kaei kaba U Mynsiem u ong ha ki balang!