JINGPYNPAW 2:14 - Khasi CL Bible (BSI)

¹⁴ Hynrei don katto katne kiei kiei kiba nga don pyrshah ïa pha: Don katto katne ngut hapdeng jong pha kiba bud ïa ka jinghikai u Balaam, uba la hikai ïa u Balak kumno ban ïalam ïa ki paid Israel sha ka pop da kaba pynngeit ïa ki ban bam ïa ka jingbam kaba la lah ai ha ki bleithaw bad ban leh ki kam awria.

KA BAIBL

¹⁴ Hynrei, nga don khyndiat kiei kiei ruh pyrshah ïa pha, naba pha don hangta kiba bat ïa kata ka jinghikai u Balaam, uba la hikai ïa u Balak ban buh ïa ka jingjynthut ha khmat kita ki khun Israel, ban bam ïa kiei kiei ruh ba la kñia ïa ki bleithaw, bad ban klim sih.

JINGPYNPAW 2:14 ပူးပေါင်းရင်းမြစ်များ

ISAÏAH 57:14

U Trai u ong, “To shah ïa ki briew jong nga ban wan phai sha nga. Bret noh ïa ki jingpynwit baroh na ki lynti ïaid jong ki! Shna ïa ka surok bad pynkhreh ïa ka!

JEREMAÏAH 6:21

Bad kumta ngan pynlong ïa kine ki briew ban jynthut bad kyllon. Ki kpa bad ki khun kin ïap, bad kumta kin long ki paralok bad ki paramarjan.”

ESEKIEL 3:20

“Lada u briew uba da bha shisha u sdang leh ïa ka kam sniew bad nga buh ïa u ha kaba shong syier, un sa ïap, lada mem shym maham ïa u. Un sa ïap namar ki pop jong u — ngan ym kynmaw ïa ki kam babha ba u la leh — bad ngan pynkitkhlieh ha me namar ka jingïap jong u.

ESEKIEL 44:12

Hynrei namar ba ki la leh ïa ka jingmane ïa ki bleithaw na ka bynta ki paid Israel bad ba ha kane ka rukom ki la ïalam ïa ki paidbah sha ka pop, ma nga, U Trai Nongsynshar, nga smai kyntang ba dei ban pynshitom ïa ki.

JINGKHEIÑ 24:14

U Balaam u ong ha u Balak, “Mynta ngan leit phai pat sha la ki briew, hynrei shuwa ba ngan mih, nga maham lypa ïa phi aïu ki Israel kin leh ïa ki briew jong phi hadien habud.”

JINGKHEIÑ 31:16

Kynmaw ba ki dei ki kynthei kiba la kohnguh ïa ki jingbthah jong u Balaam bad ha Peor ki la ïalam ïa ki briew ban klet ïa U Trai. Dei kata kaba la wallam ïa ka khlam ha ki briew jong U Trai.

JINGKHEIÑ 31:8

kiba kynthup ïa ki san ngut ki syiem Midian: u Ebi, u Rekem, u Sur, u Hur, bad u Reba. Ki la pynïap ruh ïa u Balaam u khun jong u Beor.

MATHAÏOS 18:7

A katno kaba shyrkhei kan long ïa ka pyrthei ha kaba don kiei kiei kiba pynlong ïa ki briew ban duh noh ïa ka jingngeit jong ki! Kiba kum kine kiei kiei kin ïai jia — hynrei katno kaba shyrkhei ïa uta u briew uba pynjia ïa ki!

KI KAM 15:29

Wat bam kano kano ka jingbam kaba la kñia ha ki bleithaw; wat bam kano kano ka snam; wat bam kano kano ka mrad kaba la khyrwait; bad sumar ïa lade na ka jingawria. Phin manbha lada phi sumar ban ym leh ïa kine kiei kiei. Da ka jingkhublei babha tam jong ngi.”

KI KAM 21:25

Hynrei shaphang ki Jentil kiba la long kiba ngeit, ngi la phah ka shithi sha ki da kaba ïathuh ïa ki ba ngi la rai ba kim dei ban bam ïa kano kano ka jingbam ïa kaba la kñia ha ki bleithaw, lane bam ïa kano kano ka snam, lane ïa kano kano ka mrad kaba la khyrwait, bad ba ki dei ban sumar ïa lade na ka jingawria.”

Ka Shithi U Paul Sha Ki Nong Rom 11:9

Bad u Dabid u ong, “Ai ba kin ngat bad sahkut ha ki jingkhawai jong ki; ai ba kin kyllon, ai ba kin shah pynshitom!

Ka Shithi U Paul Sha Ki Nong Rom 14:13

Te kumta, to ngin sangeh noh na kaba ïabishar uwei ïa uwei pat. Hynrei phi dei ban kut jingmut ban ym leh ïa kaei kaei lano lano ruh ka ban pynlong ïa u parabangeit jong phi ban jynthut lane hap ha ka pop.

Ka Shithi U Paul Sha Ki Nong Rom 14:21

Ka long kaba dei ban ym bam doh, dih waiñ, lane ban leh kano kano ka ban pynlong ïa la u parabangeit ban kyllon noh.

Ka Shithi U Paul Sha Ki Nong Rom 9:32

Bad balei kam shym la long kumta? Namar kim shym la shaniah ha ka jingngeit hynrei ha kaei kaba ki la leh. Bad kumta ki la jynthut ha “U maw jong ka jingjynthut”

1 KORINTH 1:23

Katba ma ngi, ngi pynbna ïa U Khrist ba la sahnarphna, ka khubor kaba long ka jingpynwit ha ki Jiw bad kaba ibieit ha ki Jentil; hynrei ha kito ïa kiba U Blei u la khot, ki Jiw bad ki Grik ruh, kane ka khubor ka long U Khrist, uba long ka bor U Blei bad ka jingstad U Blei.

1 KORINTH 7:2

Hynrei namar ba kynrei than ka jingleh awria, uwei pa uwei u briew u dei ban don la ka jong ka tnga, bad kawei pa kawei ka briew ka dei ban don la u jong u tnga.

HEBRU 13:4

Ïa ka jingshongkurim dei ban ri burom da baroh, bad kiba long shi tnga ki dei ban shaniah iwei ïa iwei pat. U Blei un sa bishar ïa kito kiba awria bad ïa kito kiba klim.

JOSHUA 24:9

Nangta u syiem Moab, u Balak u khun jong u Sippor, u la ïaleh pyrshah ïa phi. U la phah ktien ïa u Balaam u khun jong u Beor bad u la ong ïa u ban buh ka jingtim halor jong phi.

1 PETROS 2:8

Bad kawei pat ka Jingthoh Bakhuid ka ong, “Une u long u maw u ban pynlong ïa ki briew ban jynthut, u mawsiang u ban pynlong ïa ki ba kin kyllon.” Ki la jynthut namar ba kim shym la kohnguh ïa ka ktien, katta ka la long ka mon U Blei ïa ki.

2 PETROS 2:15

Ki la iehnoh ïa ka lynti kaba beit bad ki la jah lynti; ki la bud ïa ka lynti jong u Balaam, u khun jong u Beor, uba ieit ïa ka pisa kaba u ïoh da ka kam bymhok

JUDAH 1:11

Katno ka long kaba kordit ïa ki! Ki la bud ha ka lynti kaba u Kain u la ïaid. Na ka bynta ka tyngka, ki la aiti ïa lade sha ka jingbakla kaba u Balaam u la leh. Ki la ïaleh pyrshah kumba u Korah u la ïaleh pyrshah, bad kum ma u, la pynjot ïa ki.

JINGPYNPAW 2:20

Hynrei kane ka long kaei kaba nga don pyrshah ïa pha: Pha ïaishah ïa kato ka briew, ka Jesebel, kaba khot ïa lade ka nonglamktien jong U Blei. Da ka jinghikai jong ka, ka ïalam bakla ïa ki shakri jong nga sha kaba leh ïa ka kam awria bad ban bam ïa ka jingbam ba la ai ha ki bleithaw.

JINGPYNPAW 2:4

Hynrei kane ka long kaei kaba nga don pyrshah ïa pha: Pham ieit ïa nga mynta kumba pha la leh ha kaba nyngkong.

JINGPYNPAW 21:8

Hynrei ki khawpud, ki nongshetkylla, ki riewkhyllah, ki nongpynïap briew, kiba leh awria, kito kiba leh byrtong, kito kiba mane bleithaw, bad kiba lamler baroh — ka jaka na ka bynta jong ki ka long ka pung kaba klang da ka ding bad u kyndok, kaba long ka jingïap kaba ar.”

JINGPYNPAW 22:15

Hynrei shabar ka nongbah ki don ki riewkhyllah bad kito kiba leh byrtong, kiba awria bad ki nongpynïap briew, kito kiba mane ïa ki bleithaw bad kito kiba lamler ha ki ktien bad ki kam.