JINGPYNPAW 2:12 - Khasi CL Bible (BSI)

¹² “Thoh ha u angel jong ka balang ha Pergamum: “Kane ka long ka khubor na uta uba don ka waitlam arliang syrti kaba nep.

KA BAIBL

¹² “Bad ha uta u angel jong ka balang kaba ha Pergamos to thoh: Ïa kine kiei kiei ruh u ong uta uba don kata ka waitlam kaba ar liang syrti banep:

JINGPYNPAW 2:12 ပူးပေါင်းရင်းမြစ်များ

ISAÏAH 11:4

un bishar hok ïa kiba duk bad un ïada ïa ki hok jong ki bymdonbor. Ha ka hukum jong u, yn pynshitom ïa ki briew, bad ki briew basniew kin ïap.

ISAÏAH 49:2

U la pynlong ïa ki ktien jong nga kiba nep kum ka waitlam. Da la ka kti u ïada ïa nga. U la pynlong ïa nga kum u khnam, uba nep bad ba la biang ban pyndonkam.

HEBRU 4:12

Ka ktien U Blei ka long kaba im bad kaba donbor, kaba kham nep ban ïa kano kano ka waitlam arliang syrti. Ka pei lyngba shaduh kaba ka jingim bad ka mynsiem ki ïakynduh, shaduh kaba ki mat bad ki khleiñ shyieng ki ïakynduh lang. Ka bishar ïa ki jingkwah bad ïa ki jingpyrkhat jong ka dohnud u briew.

JINGPYNPAW 1:11

Ka la ong, “Thoh ïa kaei kaba me ïohi, bad phah ïa ka kitab sha ki balang ha kine ki hynñiew tylli ki nongbah: ka Ephesos, ka Smyrna, ka Pergamum, ka Thiatira, ka Sardis, ka Philadelphia, bad ka Laodikaïa.”

JINGPYNPAW 1:16

U bat ïa ki hynñiew tylli ki khlur ha ka kti kamon jong u, bad ka waitlam arliang syrti ka mih na ka shyntur jong u. Ka durkhmat jong u ka la long phyrnai kum ka sngi kaba shai ha ka por shiteng sngi.

JINGPYNPAW 19:15

Na ka shyntur jong u la mih ka waitlam kaba nep, da kata un jop ïa ki jaitbynriew. Un synshar halor jong ki da u diengduh nar, bad ïuhroit ïa ka waiñ hapoh ka jaka khñiot waiñ jong ka jingbitar shla jong U Blei U Badonbor Baroh.

JINGPYNPAW 19:21

Ïa ki kynhun shipai jong ki la pynïap da ka waitlam kaba mihnoh na ka shyntur jong uta uba la shong halor u kulai; bad ki sim baroh ki la bam baroh kat kaba ki lah na ka doh jong ki.

JINGPYNPAW 2:1

“Thoh sha u angel jong ka Balang ha Ephesos: “Kane ka long ka khubor na uta uba bat ïa ki hynñiew tylli ki khlur ha ka kti kamon jong u bad uba ïaid hapdeng ki hynñiew tylli ki diengpynïeng sharak ksiar.

JINGPYNPAW 2:16

Mynta, phai noh na ki pop jong pha! Lada pham leh kumta, shen ngan wan sha pha bad ngan ïaleh pyrshah ïa kito ki briew da ka waitlam ka ban mih na ka shyntur jong nga.

NONGBISHAR 3:16

U Ehud u shna da lade hi kawei ka waitlam arliang syrti kaba shi phut shiteng ka jingjrong. U teh ïa ka ha ka liang kamon jong u hapoh la ki jaiñkup.