JINGPYNPAW 19:9 - Khasi CL Bible (BSI)

⁹ Nangta u angel u la ong ha nga, “To thoh ïa kane: Suk kito ïa kiba la khot sngewbha sha ka jingkhawai shongkurim jong U Khunlangbrot.” Bad u angel u la bynrap, “Kine ki long ki ktien kiba shisha jong U Blei.”

KA BAIBL

⁹ Bad u ong ha nga, “To thoh: Suk kita ïa kiba la khot sha kata ka jingïakhawai miet ka jingshongkurim uta U Khun langbrot.” U ong ruh ha nga, “Kine ki long ki ktien bashisha ki jong U Blei.”

JINGPYNPAW 19:9 ပူးပေါင်းရင်းမြစ်များ

ISAÏAH 8:1

U Trai u ong ha nga, “Shim ka lyngkhot tiar thoh jingthoh kaba heh bad thoh ha ka da ki dak kiba heh: ‘Maher-shalal-hash-bas.’

HABAKKUK 2:2

U Trai u la ai ïa kane ka jubab: “To thoh shai ha ki lyngkniap dewbyrtha ïa kaei ba ngan pynpaw ha me, khnang ban lah ban pule mar syn peit.

LOUKAS 22:16

Naba nga ong ha phi, ngan ym bam shuh na ka tad ynda la ai ïa ka jingmut bashisha jong ka ha ka Hima U Blei.”

1 TIMOTHI 1:15

Kane ka long ka jingong kaba shisha, ïa kaba dei ban pdiang pura bad ban ngeit: U Khrist Jisu u la wan sha ka pyrthei ïa ka ban pynim ïa ki nongpop, nga long uba sniew tam na ki,

1 TIMOTHI 4:9

Kane ka long ka jingong kaba shisha, ïa kaba dei ban pdiang pura bad ban ngeit.

2 TIMOTHI 2:11

Kane ka long ka jingong kaba shisha: “Lada ngi la ïap bad u, ngin sa ïoh im ruh lem bad u.

TITOS 3:8

Kane ka long ka jingong kaba shisha. Nga kwah ba men ïai ban kyrpang ïa kine kiei kiei, khnang ba kito kiba ngeit ha U Blei kin kitkhia ha kaba ai ïa ka por jong ki ban leh ïa ki kam babha, kiba long ki babha bad kiba myntoi ïa baroh.

JINGPYNPAW 1:1

Kane ka kitab ka long ka jingbuh jingthoh ïa ki jingjia kiba U Jisu Khrist u la pynpaw. U Blei u la ai ha u ïa kane ka jingpynpaw khnang ban pyn-i ha ki shakri jong u ïa kaei kaba dei ban jia shen. U Khrist u la pynlong ïa kine kiei kiei ban tip da u shakri jong u, u Ïoannis da kaba phah ïa la u angel sha u,

JINGPYNPAW 1:19

Thoh te, ïa kiei kiei kiba me ïohi; kita kiei kiei kiba long mynta bad kita kiei kiei ki ban sa jia hadien.

JINGPYNPAW 10:4

Hamar ba ki la kren, nga la sdang ban thoh. Hynrei nga la ïohsngew ïa ka sur kaba kren na bneng, “To buhrieh ïa kaei kaba ki hynñiew tylli ki pyrthat ki la ong; wat thoh ïa ka!”

JINGPYNPAW 14:13

Nangta nga la ïohsngew ïa ka sur na bneng kaba ong, “To thoh ïa kane: Suk kito kiba naduh mynta ki ïap ha kaba shakri ïa U Trai!” “Ho-oid shisha!” U Mynsiem u jubab. “Kin ïoh shongthait na ki jingtrei shitom jong ki, namar ki soh ka jingshakri jong ki, ki leit lem bad ki.”

JINGPYNPAW 17:1

Nangta uwei na kita ki hynñiew ngut ki angel kiba la don ïa ki hynñiew tylli ki pliang, u la wan sha nga bad u la ong, “Ale, ngan pyn-i ha me ba kumno yn pynshitom ïa ka nuti bapawnam, kata ka nongbah bakhraw ïa kaba la tei hajan ki wah babun.

JINGPYNPAW 17:17

Naba U Blei u la buh ha ki dohnud jong ki ïa ka mon ban pyndep ïa ka jingthmu jong u da kaba ïatreilang bad da kaba ai ha u mradkhlaw ïa ka bor jong ki ban synshar tad ynda ki ktien jong U Blei ki wan urlong shisha.

JINGPYNPAW 2:1

“Thoh sha u angel jong ka Balang ha Ephesos: “Kane ka long ka khubor na uta uba bat ïa ki hynñiew tylli ki khlur ha ka kti kamon jong u bad uba ïaid hapdeng ki hynñiew tylli ki diengpynïeng sharak ksiar.

JINGPYNPAW 2:12

“Thoh ha u angel jong ka balang ha Pergamum: “Kane ka long ka khubor na uta uba don ka waitlam arliang syrti kaba nep.

JINGPYNPAW 2:18

“Thoh ha u angel jong ka balang ha Thiatira: “Kane ka long ka khubor na U Khun U Blei, kiba ki khmat jong u ki klang kum ka ding, kiba ki kjat jong u ki phyrnai kum ka rnong ba la shut pynphyrnai.

JINGPYNPAW 2:8

“Thoh sha u angel jong ka balang ha Smyrna: “Kane ka long ka khubor na uta uba long, uba nyngkong bad uba khatduh, uba la ïap bad uba la im pat.

JINGPYNPAW 21:5

Nangta uta uba shong ha ka khet u la ong, “Bad mynta nga thaw thymmai ïa kiei kiei baroh!” U la ong ruh ïa nga, “Thoh ïa kane, namar kine ki ktien ki long kiba shisha bad kiba lah ban shaniah.”

JINGPYNPAW 22:6

Nangta u angel u la ong ha nga, “Kine ki ktien ki long kiba shisha bad kiba lah ban shaniah. Bad U Trai uba U Blei, uba ai ïa U Mynsiem jong u ha ki nongïathuhlypa, u la phah ïa u angel jong u ban pyn-i ha ki shakri jong u ïa kaei kaba dei ban jia shen.”

JINGPYNPAW 3:1

“Thoh ha u angel jong ka balang ha Sardis: “Kane ka long ka khubor na uta uba don ki hynñiew ki mynsiem jong U Blei bad ki hynñiew ki khlur. Nga tip ïa kaei kaba pha leh; nga tip ba pha don ka nam babha ba pha long kaba im, wat la pha la ïap!

JINGPYNPAW 3:14

“Thoh ha u angel jong ka balang ha Laodikaïa: “Kane ka long ka khubor na U Amen, uba ïaineh bad u sakhi bashisha, uba long u jingsdang jong baroh kaba U Blei u la thaw.

JINGPYNPAW 3:20

Shahshkor! Nga ïeng ha ka jingkhang bad nga tied; lada uno uno u sngew ïa ka sur jong nga bad plie ïa ka jingkhang, ngan wan rung shapoh ka ïing jong u bad ngan ïabam bad u, bad ma u ruh un ïabam lem bad nga.

JINGPYNPAW 3:7

“Thoh ha u angel jong ka balang ha Philadelphia: “Kane ka long ka khubor na uta uba khuid bad uba shisha. U don u shabi jong u Dabid, bad haba u plie ïa ka jingkhang, ym don uba lah ban khang ïa ka, bad haba u khang ïa ka, yn ym don uba lah ban plie ïa ka.