JINGPYNPAW 19:7 - Khasi CL Bible (BSI)

⁷ To ngin ïarisa bad shadkmen; to ngin ïaroh ïa ka jingkhraw jong u! Naba ka por ka la poi na ka bynta ka jingshongkurim jong U Khunlangbrot, bad ka nongleitkurim jong u ka la pynkhreh ïa lade na ka bynta kata.

KA BAIBL

⁷ To ngin ïakmen bad ngin ïashadkmen, bad to ngin ïa-ai ka burom ha u: naba ka jingshongkurim U Khun langbrot ka la jia, bad ka tnga jong u ka la pynkhreh ïa lade.

JINGPYNPAW 19:7 ပူးပေါင်းရင်းမြစ်များ

SALM 107:42

Kiba hok ki ïohi ïa kane bad ki kmen, hynrei ïa baroh kiba bymman la pynsngap jar.

SALM 48:11

ai ba ki briew ka Seïon kin kmen! Me ai ki jingbishar ki bym bakla; ai ban don ka jingkmen ha ki nongbah ka Judah!

SALM 9:14

ba nga lah ban ïeng ha khmat ki briew ka Jerusalem bad ïathuh ha ki ïa kiei kiei baroh kaba na ka bynta jong ki nga ïaroh ïa me. Ngan shadkmen namar me la pynim ïa nga.

PROBERB 29:2

To pyn-i ha nga ïa u nongsynshar uba hok bad ngan pyn-i ha phi ïa ki briew kiba suk. To pyn-i ha nga ïa u nongsynshar basniew bad ngan pyn-i ha phi ïa ki briew kiba shah lanot.

JINGRWAI SOLOMON 3:11

Ko ki kynthei ka Seïon, to wan bad khmih ïa u syiem Solomon. U da phong ïa ka pansngiat kaba ka kmie jong u ka la buh halor ka khlieh jong u ha ka sngi kyntiew kurim jong u, ha ka sngi ka jingsngewbha bad ka jingkmen jong u.

ISAÏAH 52:1

Ko Jerusalem, to long khlaiñ bad long khraw biang! Ko nongbah Bakhuid jong U Blei, to kup ïa lade da ka burom! Kiba mane blei thala kin ym ïohrung shuh da lei lei lyngba ki khyrdop jong pha.

ISAÏAH 62:5

Kum u samla uba shim ïa ka theisotti kum ka nongleitkurim jong u, uta uba pynlong ïa pha un shongkurim ïa pha, kumba u nongleitkurim u shem sngewbha bad ka nongleitkurim jong u, kumta U Blei jong pha un shem sngewbha ïa pha.

ISAÏAH 66:10

To shadkmen bad ka Jerusalem; to lehkmen na ka bynta jong ka, phi baroh kiba ieit ïa kane ka nongbah! To shadkmen bad ka, mynta phi baroh kiba la ïam pangnud na ka bynta jong ka!

ISAÏAH 66:14

Haba phi ïohi ïa kane ba ka jia, phin sa shadkmen; kan pynlong ïa phi ban long khlaiñ bad khiah krat. Te phin sa tip ba ma nga, U Trai, nga ïarap ïa kito kiba kohnguh ïa nga, bad nga pyn-i ïa la ka jingbitar pyrshah ïa ki nongshun jong nga.”

SEKHARAÏAH 9:9

To kmen to shadkmen ko ki briew ka Seïon! Pyrta da ka jingkmen phi ki briew jong ka Jerusalem! Ha khmih u syiem jong phi u wan sha phi! U wan ha ka jingrisa bad ha ka jingjop, hynrei ha ka jingsngewrit bad u da shong halor ka kada — halor u khun kada.

MATHAÏOS 1:20

Katba u dang puson halor kane, u angel jong U Trai u la mihpaw ha u ha ka jingphohsniew bad u ong, “Ko Joseph, uba hiarpateng na u Dabid, wat sheptieng ban shim ïa ka Mari ban long ka tnga jong me. Namar dei da U Mynsiem Bakhuid ba ka la punkhun.

MATHAÏOS 22:2

“Ka Hima ki bneng ka long kumne. Shisien la don u syiem uba la pynkhreh ka jingkhawai shongkurim na ka bynta u khun jong u.

LOUKAS 12:36

kum ki shakri kiba ap khmih ïa u kynrad jong ki ban wan phai pat na ka jingkhawai shongkurim. Haba u wan bad u tied jingkhang, mar kumta hi, kin plie ïa ka jingkhang na ka bynta jong u.

ÏOANNIS 3:29

Ka nongleitkurim ka dei ka jong u nongleitkurim; hynrei u paralok jong u nongleitkurim, uba ïeng marsyndah bad shahshkor, u kmen haba u ïohsngew ïa ka sur jong u nongleitkurim. Kane ka long kumno ba ïa ka jingkmen jong nga la pyndap pura.

2 KORINTH 11:2

Nga don ka jingsngewkhia na ka bynta jong phi, kumba U Blei u sngew; phi long kum ka theisotti basngur ïa kaba nga la kular ha ka jingshongkurim bad tang ïa uwei u briew, U Khrist hi.

EPHESOS 5:23

Naba u tnga u don ka iktiar halor la ka tnga kumba U Khrist u don ka iktiar halor ka balang; bad U Khrist hi u long U Nongpynim jong ka balang, ka met jong u.

EPHESOS 5:32

Ka don ka jingmaïan kaba la pynpaw ha ka Jingthoh Bakhuid, kaba nga sngewthuh kaba thew ïa U Khrist bad ïa ka balang.

DEUTERONOMI 32:43

“Phi ki jaitbynriew, ïaroh ïa ki briew U Trai; naba u pynshitom ïa kito baroh kiba pynïap ïa ki. U pynhiarkput ïa ki nongshun jong u, bad u map ïa ki pop jong ki briew jong u.”

PHILIPPI 3:3

Dei ma ngi, ym ma ki, kiba la ïohpdiang ïa ka jingotsher kaba shisha, naba ngi mane ïa U Blei da U Mynsiem jong u bad ngi lehkmen ha ka jingim jong ngi ha U Khrist Jisu. Ngim buh ïa kano kano ka jingshaniah ha ki jinglehniam kiba shabar.

JINGPYNPAW 11:13

Ha kata ka khyllipmat hi la jia ka jingkhih jumai kaba jur; shi bynta na ka shiphew bynta jong ka nongbah la pynjot, bad hynñiew hajar ngut ki briew ki la ïap. Kita kiwei pat ki briew ki la sngewtriem bad ki la ïaroh ïa ka jingkhraw U Blei jong ka bneng.

JINGPYNPAW 19:9

Nangta u angel u la ong ha nga, “To thoh ïa kane: Suk kito ïa kiba la khot sngewbha sha ka jingkhawai shongkurim jong U Khunlangbrot.” Bad u angel u la bynrap, “Kine ki long ki ktien kiba shisha jong U Blei.”

JINGPYNPAW 21:2

Bad nga la ïohi ïa ka Nongbah Bakhuid, ka Jerusalem bathymmai, kaba da wan hiar na bneng na U Blei, kaba la pynkhreh bad kaba la kloi, kum ka nongleitkurim kaba la riam ban ïashem ïa u tnga jong ka.

JINGPYNPAW 21:9

Uwei na ki hynñiew ngut ki angel uba la don ïa ki hynñiew tylli ki pliang kiba dap da ki hynñiew tylli ki khlam kiba khatduh u la wan sha nga bad u la ong, “To wan, bad ngan pyn-i ha me ïa ka Nongleitkurim, ka tnga jong U Khunlangbrot.”

1 SAMUEL 2:1

Ka Hannah ka la duwai: “U Trai u la pyndap ïa ka dohnud jong nga da ka jingkmen; katno nga sngewtynnat namar kaei kaba u la leh! Nga rkhie ïa ki nongshun jong nga; katno nga shadkmen namar ba U Blei u la ïarap ïa nga.