JINGPYNPAW 19:6 - Khasi CL Bible (BSI)

⁶ Nangta nga la ïohsngew ïa kaei kaba sawa kum u paid uba bun, kum ka jingsawa jong ka jingkyrhuh jong ka kshaid, kum ki jingtied jam jong u pyrthat. Nga la ïohsngew ïa ki ba ki ong, “To ïaroh ïa U Blei! Naba U Trai, U Blei Badonbor Baroh jong ngi, u long U Syiem!

KA BAIBL

⁶ Bad nga la ïohsngew kum ka jingsawa u paidbah byllien, bad kum ka jingsawa shibun ki um, bad kum ka jingsawa ki pyrthat bajam, ki da ong, “Halleluïa! naba U Trai uba U Blei jong ngi, U Badonbor Baroh, u la synshar.

JINGPYNPAW 19:6 ပူးပေါင်းရင်းမြစ်များ

Ka Kitab U Job 40:9

Hato me long uba khlaiñ kum ma nga? Hato ka sur jong me ka kyrhuh jam kum ka jong nga?

SALM 47:2

U Trai, u Bahakhlieh Tam Eh, u long uba dei ban sheptieng; U long u syiem bakhraw, uba synshar halor ka pyrthei baroh.

SALM 47:7

U Blei u dei u syiem halor ka pyrthei baroh; to ïaroh ïa u da ki jingrwai!

SALM 77:18

Ka jingtied u pyrthat ka mih shabar, bad ki jingthaba jong ka leilieh ki pynshai ïa ka pyrthei; ka khyndew ka khynñiuh bad ka khih.

SALM 93:1

U Trai u long u syiem. U kup da ka main longsyiem bad ka bor. Ïa ka pyrthei la pynskhem ha la ka jaka bad ym lah ban pynkhih ïa ka.

SALM 97:1

U Trai u long u syiem! Ko pyrthei, to lehkmen! To shadkmen, ko ki dewlynnong ha ki duriaw!

SALM 97:12

Ko phi kiba hok baroh to lehkmen namar kaei kaba U Trai u la leh! To kynmaw ïa kaei kaba U Blei uba khuid u la leh, bad to ainguh ïa u.

SALM 99:1

U Trai u long u syiem, bad ki briew kin khynñiuh. U shong ha ka khet halor ki kherub, bad ka pyrthei kan khynñiuh.

ISAÏAH 52:7

Katno ka long kaba phylla ban ïohi ïa u nonglamktien ba u wan na ki lumbah, u wanrah ïa ka khubor babha, ka khubor jong ka jingsuk! U pynbna ïa ka jingjop bad u ong ïa ka Seïon, “U Blei jong phi u long u syiem!”

JEREMAÏAH 51:48

Baroh kiei kiei ha ka pyrthei bad ha suiñbneng kin risa da ka jingkmen ynda ka Babilonia kan kyllon ha ki briew kiba wan na shatei ban pynjot ïa ka.

ESEKIEL 1:24

Nga la ïohsngew ïa ka jingriew ki thapniang haba ki her; ka sawa kum ka jingkyrhuh ka duriaw, kumba khynwin ka kynhun shipai kaba heh; kum ka sur jong U Blei Badonbor Baroh. Haba ki sangeh na kaba her, ki khylliap ïa la ki thapniang,

ESEKIEL 43:2

bad hangta nga la ïohi ba wan na shaphang mihngi ka jingshai ba-thaba jong ka jingdon U Blei ki Israel. Ka sur jong U Blei ka sawa kum ka jingkyrhuh ka duriaw, bad ka pyrthei ka phyrnai da ka jingshai ba-thaba.

MATHAÏOS 6:13

Wat ïalam ïa ngi sha ka jingtynjuh kaba eh, hynrei sumar ïada ïa ngi na Uba Sniew. Naba ka jong me long ka hima, bad ka bor, bad ka burom junom. Amen.’

JINGPYNPAW 1:15

ki kjat jong u ki phyrnai kum ka rnong ba la phrang bad ba la pynphyrnai, bad ka sur jong u ka sawa kum ka kshaid bakyrhuh.

JINGPYNPAW 1:8

“Nga long u Alpha bad u Omega,” ong U Trai U Blei Badonbor Baroh, uba long, uba la long bad u ban sa wan.

JINGPYNPAW 12:10

Nangta nga la ïohsngew ïa ka sur bajam ha bneng kaba ong, “Mynta ka jingpynim jong U Blei ka la wan! Mynta U Blei u la pyn-i ïa ka bor jong u kum u Syiem! Mynta U Messaïah jong u, u la pyn-i ïa la ka bor! Naba ïa uta uba la ïeng ha khmat jong U Blei jong ngi bad uba la mudui ïa ki hynmen ki para jong ngi mynsngi bad mynmiet la bret shabar jong ka bneng.

JINGPYNPAW 14:2

Bad nga la ïohsngew ïa ka sur na bneng kaba sawa kum ka jingkyrhuh jong ka kshaid, bad kum ka jingtied jam jong u pyrthat. Ka sawa kum ka sur jingtem ba la tem da ki nongtem kiba tem ïa la ki duitara.

JINGPYNPAW 19:1

Hadien kane, nga la ïohsngew ïa kaei kaba sawa kum ka jingkyrhuh jong ki paidbah babun ha bneng, da kaba ong, “To ïaroh ïa U Blei! Ka Jingpynim, ka burom, bad ka bor ki long ki jong U Blei jong ngi!

JINGPYNPAW 19:4

Ki arphew saw ngut ki nongsharai balang bad ki saw tylli ki kherub ki la dem khrup bad ki la mane ïa U Blei, uba la shong ha ka khet. Ki la ong, “Amen! To ïaroh ïa U Blei!”

JINGPYNPAW 21:22

Ngam shym ïohi ïa ka templ ha ka nongbah, namar ka templ jong ka, u long U Trai U Blei Badonbor Baroh bad U Khunlangbrot.

JINGPYNPAW 4:5

Na ka khet la mih ki jingthaba leilieh, ki jingkyrhuh, ki jingsawa u pyrthat. Ha khmat jong ka khet, la don hynñiew tylli ki dongmusa bameh, kiba long ki hynñiew ki mynsiem jong U Blei.

JINGPYNPAW 6:1

Nangta nga la ïohi ïa U Khunlangbrot ba u pynpait noh ïa kawei na ki hynñiew tylli ki jingpyndait, bad nga la ïohsngew ïa uwei na ki saw tylli ki jingthaw ba-im ba u ong ha ka sur kaba sawa kum u pyrthat, “To wan!”

JINGPYNPAW 8:5

Nangta uta u angel u la shim ïa kata ka pliang thang jingiwbih, u la pyndap ïa ka da ki rnga ding barhem na ka duwan, bad u la bret ïa ka halor ka khyndew. La don ki jingkyrhuh bad ki jingsawa u pyrthat, ki jingthaba leilieh, bad u jumai.