JINGPYNPAW 19:20 - Khasi CL Bible (BSI)

²⁰ Ïa u mradkhlaw la ring koidi, lem bad ïa u nongïathuhlypa lamler uba la leh ki kambah ha ka jingdon ryngkat jong u. (Ka la long da kito ki kambah ba u la shukor ïa kito kiba la don ïa ka shab jong u mradkhlaw bad ïa kito kiba la mane ïa ka dur jong u mradkhlaw.) Ïa u mradkhlaw bad ïa u nongïathuhlypa lamler la bret im sha ka pung ding kaba klang da u kyndok.

KA BAIBL

²⁰ Te la kem ïa uta u mrad khlaw, bad lem bad u ruh ïa uta u nongïathuhlypa balamler uba la leh ïa kita ki dak khyllah ha khmat jong u, da kiba u la shukor ïa kita kiba la pdiang ïa kata ka dak uta u mrad khlaw, bad ïa kita kiba la ïamane dem ïa kata ka dur jong u. Ïa kine baroh ar, la bred im keiñ sha kata ka pung ka ding ïa kaba la thang da u kyndok.

JINGPYNPAW 19:20 ပူးပေါင်းရင်းမြစ်များ

JENESIS 19:24

Mar kumta hi, U Trai u pynhap ïa u kyndok ding ha ki nongbah Sodom bad Gomorrah,

Ka Kitab U Job 18:15

Mynta uno uno u lah ban shong ha ka ïingjaiñ jong u — hadien ba la ber da u kyndok ban pynïap ïa ki khñiang jingpang!

SALM 11:6

U pynhap ki rnga barhem bad ïa u kyndok bameh ding halor ki bymman; u pynshitom ïa ki da ki lyer khluit.

ISAÏAH 30:33

Naduh mynshuwa eh ïa ka jaka la pynkhreh ha kaba ka ding bajur kan thang ïa u patsha ka Assyria. Ka long kaba jylliew bad kaba ïar, bad ba la kynton jrong da ki diengthang. U Trai un pyrsad da ka phylliah ding ban thang ïa ka.

ISAÏAH 34:9

Ki wah ka Edom kin kylla um bsiang, bad ka khyndew kan kylla kyndok. Ka ri baroh kawei kan ing kum ka bsiang.

ESEKIEL 24:5

Pyndonkam ïa ka doh na ka langbrot bakynsai tam; kynton ïa ka dieng na tbian u khiew. To ai ba yn shet ïa ka um; shet ïa ki shyieng bad ïa ka doh.”

ESEKIEL 38:22

Ngan pynshitom ïa u da ka jingpang bad ka jingïa-umsnam. Ïa u 'lapbah 'lapsan bad u phria, ryngkat bad ka ding bad u kyndok, ngan theh noh ha u bad ha ka kynhun shipai jong u, bad halor kiba bun ki jaitbynriew kiba ïashah liang bad u.

DANIEL 11:45

Un pynïeng ruh ïa ki ïingjaiñ syiem kiba heh hapdeng ki duriaw bad ki lumbah ha kaba ka Templ ka ïeng. Hynrei un ïap, khlem don mano mano hangta ban ïarap ïa u.”

DANIEL 8:24

Un long uba khlaiñ — hynrei ym da ka bor jong u hi. Un pynlong ka jingpynjot bashyrkhei bad un jop ha kiei kiei baroh kiba u leh. Un wallam ka jingjot halor ki rangbah kiba donbor bad halor ki briew jong U Blei hi.

DANIEL 8:26

Kane ka jingïohipaw shaphang ki jingkñia ha ka por janmiet bad mynstep ïa kaba la batai ha me kan urlong shisha. Hynrei buhrieh ïa ka mynta, namar kan shim por shibun ha shuwa ban kan urlong shisha.”

MATHAÏOS 7:15

“To sumar ïa lade na ki nongïathuhlypa balamler; ki wan sha phi ki da i kum ki langbrot ha kaba shabar, hynrei ha kaba shapoh ki long shisha kum ki suri barunar.

DEUTERONOMI 29:23

Ki lyngkha kin long shrah bad kin ym seisoh shuh, naba kin dap da u kyndok bad ka mluh suda; yn ym thung ei ei hangta, bad wat u ñiut ruh, un ym mih hangta. Ka ri jong phi kan long kum ki shnong Sodom bad Gomorrah, kum ka Admah bad ka Seboiim, ïa kiba U Trai u la pynjot mynba u bitar shla.

JOSHUA 8:23

La kem ïa u bad la ïalam ïa u sha u Joshua.

JINGPYNPAW 14:10

u hi da lade un dih ïa ka waiñ ka jong U Blei, ka waiñ ka jingbitar shla jong U, kaba u la theh noh ha ka bor jong ka baroh ha ka khuri ka jingbitar jong U! Baroh kiba leh ïa kane kin shah pynsaja ha ka ding bad ha u kyndok ha khmat ki angel bakhuid bad ha khmat U Khunlangbrot.

JINGPYNPAW 17:12

“Ki shiphew tylli ki reng kiba me la ïohi ki long ki shiphew ngut ki syiem ki bym pat shym la sdang ban synshar, hynrei ki ban sa ïoh ka iktiar ban synshar kum ki syiem tang shi kynta bad u mradkhlaw.

JINGPYNPAW 19:19

Nangta nga la ïohi ïa u mradkhlaw bad ïa ki syiem jong ka pyrthei, bad ïa kita ki kynhun shipai jong ki, kiba la ïalumlang ban ïaleh pyrshah ïa uta uba la shong halor u kulai bad pyrshah ïa ka kynhun shipai jong u.

JINGPYNPAW 20:10

Nangta ïa u Ksuid, uba la shukor ïa ki, la bret sha ka pung ka ding bad u kyndok, ha kaba la lah bret ïa u mradkhlaw bad ïa u nongïathuhlypa lamler, bad kin shah pynkordit mynsngi bad mynmiet junom la junom.

JINGPYNPAW 21:8

Hynrei ki khawpud, ki nongshetkylla, ki riewkhyllah, ki nongpynïap briew, kiba leh awria, kito kiba leh byrtong, kito kiba mane bleithaw, bad kiba lamler baroh — ka jaka na ka bynta jong ki ka long ka pung kaba klang da ka ding bad u kyndok, kaba long ka jingïap kaba ar.”

JINGPYNPAW 22:15

Hynrei shabar ka nongbah ki don ki riewkhyllah bad kito kiba leh byrtong, kiba awria bad ki nongpynïap briew, kito kiba mane ïa ki bleithaw bad kito kiba lamler ha ki ktien bad ki kam.

JINGPYNPAW 9:17

Bad ha ka jingïohipaw jong nga, nga la ïohi ïa ki kulai bad ïa ki nongshong kulai jong ki: Ki don ki jingïada shadem kiba saw kum ka ding, kiba jngum kum u Sapphir, bad kiba stem kum u kyndok. Ki khlieh jong ki kulai ki la long kum ki khlieh sing, bad na ki shyntur jong ki la mih ka ding, ka tdem bad u kyndok.