JINGPYNPAW 19:2 - Khasi CL Bible (BSI)

² Ki jingbishar jong u ki long kiba shisha bad kiba hok! U la pynrem ïa ka nuti kaba pynpyut ïa ka khyndew da ki jingawria jong ka. U Blei u la pynshitom ïa ka namar ba ka la pynïap ïa ki shakri jong u.”

KA BAIBL

² Naba kiba shisha bad ki bahok long kita ki jingbishar jong u; naba u la bishar ïa kata ka nuti ka bakhraw, kaba la ju pynpyut ïa kata ka khyndew da ka jingleh nuti jong ka, bad u pynhiar kput ïa ka na ka bynta ka snam kita ki shakri jong u.”

JINGPYNPAW 19:2 ပူးပေါင်းရင်းမြစ်များ

2 SYIEM 9:7

Me dei ban pynïap ïa u syiem uba long u kynrad jong me, uto keiñ u khun jong u Ahab khnang ba ngan ïoh pynshitom ïa ka Jesebel namar ba ka la pynïap ïa ki nongïathuhlypa jong nga bad ïa kiwei pat ki shakri jong nga.

SALM 19:9

Ka jingñiewburom ïa U Trai ka long kaba bha; kan ïai bteng junom. Ki jingbishar jong U Trai ki long kiba hok; ki long borabor kiba beit.

ISAÏAH 25:1

A Trai, me long U Blei jong nga; ngan pyndonburom ïa me bad ïaroh ïa ka kyrteng jong me. Me la leh kiei kiei kiba phylla; me la long uba ïaineh ha kaba pyntreikam ïa ki jingthmu jong me kiba me la thmu naduh mynbarim.

DANIEL 7:26

Nangta ka ïingbishar ba kynja bneng kan shong bishar, kan knieh noh ïa ka bor jong u bad pynjot thiaw ïa u.

DEUTERONOMI 32:35

U Trai un pynhiarkput bad pynshitom ïa ki; ka por kan poi haba kin kyllon; ka sngi ka jingjot jong ki ka la jan.

DEUTERONOMI 32:4

“U Trai u long u nongïada bakhlaiñbor jong phi, ki lynti jong u ki long kiba janai, bad bahok; U Blei jong phi u long uba ïaineh bad uba shisha; u leh ïa kaba hok bad kaba beit.

DEUTERONOMI 32:43

“Phi ki jaitbynriew, ïaroh ïa ki briew U Trai; naba u pynshitom ïa kito baroh kiba pynïap ïa ki. U pynhiarkput ïa ki nongshun jong u, bad u map ïa ki pop jong ki briew jong u.”

JINGPYNPAW 15:3

bad ki da rwai ïa ka jingrwai u Moses, u shakri jong U Blei, bad ïa ka jingrwai U Khunlangbrot: “U Trai uba U Blei Badonbor Baroh, katno kiba khraw bad kiba phylla long ki kam jong me! U Syiem jong ki jaitbynriew, katno kiba dei bad kiba shisha ki long lynti jong me!

JINGPYNPAW 18:20

To shadkmen, ko ka bneng, namar ka jingpynjot ïa ka! to shadkmen, ko ki briew jong U Blei bad ki apostol bad ki nongïathuhlypa! Naba U Blei u la pynrem ïa ka na ka bynta kaei kaba ka la leh ïa phi!

JINGPYNPAW 18:3

Naba ki jaitbynriew baroh ki la dih ïa ka waiñ jong ka — ka waiñ bakhor jong ka jingkwah brai awria jong ka. Ki syiem jong ka pyrthei ki la ïaleh awria bad ka, bad ki nongkhaïi jong ka pyrthei ki la kiew spah bha na ka jingkwah brai bym lah teh lakam jong ka.”

JINGPYNPAW 6:10

Ki la pyrta da ka sur kaba jam, “Ko Trai Badonbor Baroh, u bakhuid bad uba shisha! Sa katno kan long haduh ba men da bishar ïa ki briew ha ka pyrthei bad pynshitom ïa ki namar ba ki pynïap ïa ngi?”