JINGPYNPAW 19:18 - Khasi CL Bible (BSI)

¹⁸ Ale bad bam ïa ka doh jong ki syiem, ki nongïalam shipai, bad jong ki shipai, ka doh jong ki kulai bad ki nongshong jong ki, ka doh jong ki briew baroh, ki mraw bad kiba laitluid, kiba rit bad kiba khraw!”

KA BAIBL

¹⁸ khnang ba phin ïoh bam ïa ka doh ki syiem, bad ïa ka doh ki rangbah shihajar, bad ïa ka doh ki bakhlaiñ, bad ïa ka doh ki kulai bad ïa ka jong kita kiba shong halor jong ki, bad ïa ka doh ki bynriew baroh, kiba laitluid ruh bad ki mraw, ki barit ruh bad ki bakhraw.”

JINGPYNPAW 19:18 ပူးပေါင်းရင်းမြစ်များ

JEREMAÏAH 16:4

Kin ïap na ki jingpang bashyrkhei, bad ym don mano mano ba ïambriew na ka bynta jong ki lane tep ïa ki. Ki met jong ki kin long kum ki kynton sboh halor ka khyndew. Kin shah pynïap ha ka thma lane ïap na ka jingïapthngan, bad ki met jong ki kin long ki jingbam ïa ki sim bad ïa ki mradkhlaw.

JEREMAÏAH 19:7

Ha kane ka jaka ngan pynpulom ïa baroh ki jingthmu jong ki briew ka Judah bad ka Jerusalem. Ngan shah ïa ki nongshun jong ki ban risa halor jong ki bad pynïap ïa ki ha ka thma. Ngan ai ïa ki metïap jong ki ha ki sim bad ha ki mradkhlaw kum ka jingbam.

JEREMAÏAH 34:20

Ngan aiti noh ïa ki sha ki nongshun jong ki, kiba kwah ban pynïap ïa ki, bad ïa ki metïap jong ki yn bam da ki sim bad ki mradkhlaw.

JEREMAÏAH 7:33

Ki metïap kin long ka jingbam ïa ki sim bad ïa ki mradkhlaw, bad yn ym don mano mano ban beh pyntieng ïa ki.

ESEKIEL 29:5

Ngan bret ïa me bad ïa kito ki dohkha baroh sha ka ri shyiap. Ka met jong me kan hap ha khyndew bad kan sah khlem tep ïa ka. Ngan ai ïa ka ha ki sim bad ki mrad ban long jingbam ïa ki.

ESEKIEL 39:17

U Trai Nongsynshar u ong ha nga, “Ko khun u briew, to khot ïa ki sim bad ki mrad baroh kiba ha khlaw, ban ïawan na baroh sawdong ban ïabam ïa ka jingkñia kaba nga pynkhreh na ka bynta jong ki. Kan long ka jingkhawai kaba heh ha ki lumbah Israel, ba kin ïabam ïa ka doh bad dih ïa ka snam.

MATHAÏOS 24:28

“Hangno hangno ha kaba don ka metïap, ki pukni kin ïalumlang.

LOUKAS 17:37

Ki synran ki la kylli ïa u, “Hangno, ko Trai?” U Jisu u la jubab, “Hangno hangno ha kaba don ka metïap, ki pukni kin ïalum hangta.”

DEUTERONOMI 28:26

Ynda phi ïap, ki sim bad ki mrad kin bam ïa ki metïap jong phi, bad yn ym don ba leit beh ïa ki.

JINGPYNPAW 11:18

Kiba mane blei thala ki la dap da ka jingbitar shla, namar ka por jong ka jingbitar jong me ka la poi, ka por ban bishar ïa kiba ïap. Ka por ka la poi ban ainong ïa ki shakri jong me, ki nongïathuhlypa, bad ïa ki briew jong me baroh, kito baroh kiba tiengburom ïa me, kiba khraw bad kiba rit kumjuh. Ka por ka la poi ban pynjot ïa kito kiba pynjot ïa ka pyrthei!”

JINGPYNPAW 13:16

U mradkhlaw u la pynbor ïa ki briew baroh, kiba rit bad kiba khraw, kiba riewspah bad kiba duk, ki mraw bad kiba laitluid, ban don ka shab ïa kaba la buh ha ki kti kamon jong ki lane ha ki shyllangmat jong ki.

JINGPYNPAW 17:16

Ki shiphew tylli ki reng kiba me la ïohi, bad u mradkhlaw, kin isih ïa ka nuti; kin sa knieh noh ïa kaei kaei baroh kaba ka don bad kin iehnoh lyngkhuit ïa ka; kin bam ïa ka doh jong ka bad kin pynjot ïa ka da ka ding.

JINGPYNPAW 19:5

Nangta, ka jingsawa jong ka sur ka la wan na ka khet, ka da ong, “To ïaroh ïa U Blei jong ngi, phi baroh ki shakri bad ki briew jong u, kiba rit bad kiba khraw kumjuh, kiba ñiewburom ïa u!”

JINGPYNPAW 6:15

Te ki syiem jong ka pyrthei, ki nongsynshar bad ki rangbah shipai, kiba riewspah bad kiba donbor, bad kiwei pat ki briew baroh, ki mraw ne kiba laitluid, ki la buhrieh ïa lade ha ki krem bad ha ki synrang maw ba-don ha ki lum.

1 SAMUEL 17:44

“Wan shane,” u kob ïa u Dabid, “bad ngan ai ïa ka met jong me ha ki sim bad ha ki mrad ba kin bam.”

1 SAMUEL 17:46

Ha kane hi ka sngi U Trai un aiti ïa me hapoh ka bor jong nga; ngan pynkyllon ïa me bad ngan khrai ïa ka khlieh jong me. Bad ngan ai ïa ki metïap jong ki shipai Philistia ha ki sim bad ha ki mrad ba kin bam.