JINGPYNPAW 19:17 - Khasi CL Bible (BSI)

¹⁷ Nangta nga la ïohi ïa u angel uba ïeng ha ka sngi. U la pyrta da ka sur kaba jam ïa ki sim baroh kiba her ha shiteng suiñ: “Ale bad ïalumlang na ka bynta ka jingkhawai kaba khraw jong U Blei!

KA BAIBL

¹⁷ Bad nga la ïohi ïa uwei u angel uba ïeng ha ka sngi; bad u la pyrta da ka ktien bajam, u da ong ha kita ki sim baroh ki baher hapdeng ka suiñ, “To ale, bad to phin ïalang sha ka jingïakhawai miet kaba khraw jong U Blei;

JINGPYNPAW 19:17 ပူးပေါင်းရင်းမြစ်များ

ISAÏAH 29:2

bad nangta U Blei un wallam ka jingjot ïa ka nongbah ïa kaba la khot “ka duwan U Blei.” Kan don ka jingïam bad ka jingïambriew, bad ka nongbah baroh kawei kan long kum ka duwan ba la tap da ka snam.

ISAÏAH 56:9

U Trai u la ong ïa ki ri nongwei ban wan kum ki mradkhlaw bad bam duh ïa ki briew jong u.

JEREMAÏAH 12:9

Ki briew ba la jied jong nga ki long kum ka sim kaba la shah tur ïaleh ha ki kbeit na baroh ki liang. To khot ïa ki mradkhlaw ban wan bad ïashim bynta ha ka jingkhawai!

ESEKIEL 31:13

Ki sim kin wan bad dem ha u dieng uba la khyllem, bad ki mradkhlaw kin ïaid halor ki tnat jong u.

JINGPYNPAW 14:6

Nangta nga la ïohi ïa uwei pat u angel uba her shajrong eh ha suiñ, lem bad ka khubor bymjukut jong ka Khubor Babha ban pynbna ha ki briew ka pyrthei, ha kawei pa kawei ka jaitbynriew, ka jait, ka ktien bad ka kynja bynriew.

JINGPYNPAW 19:21

Ïa ki kynhun shipai jong ki la pynïap da ka waitlam kaba mihnoh na ka shyntur jong uta uba la shong halor u kulai; bad ki sim baroh ki la bam baroh kat kaba ki lah na ka doh jong ki.

JINGPYNPAW 8:13

Nangta nga la khmih, nga la ïohsngew ïa u pukni uba her shajrong eh jong ka suiñ ba u pyrta ha ka sur kaba jam, “Kaba kordit! Kaba kordit! Katno kaba kordit kan long ïa baroh kiba shong ha ka pyrthei haba ka jingsawa ka mih na ki turoi ïa kaba kita kiwei pat ki lai ngut ki angel kin put.”

1 SAMUEL 17:44

“Wan shane,” u kob ïa u Dabid, “bad ngan ai ïa ka met jong me ha ki sim bad ha ki mrad ba kin bam.”