JINGPYNPAW 19:15 - Khasi CL Bible (BSI)

¹⁵ Na ka shyntur jong u la mih ka waitlam kaba nep, da kata un jop ïa ki jaitbynriew. Un synshar halor jong ki da u diengduh nar, bad ïuhroit ïa ka waiñ hapoh ka jaka khñiot waiñ jong ka jingbitar shla jong U Blei U Badonbor Baroh.

KA BAIBL

¹⁵ Bad na ka shyntur jong u ka mih noh ka waitlam banep, bad da kata un da shoh ïa ki kynja bynriew: te un synshar ïa ki da u dieng synshar nar: bad u ïuh roit ïa ka jingtylliat umsoh ka jingshla ka jong ka jingbitar U Blei U Badonbor Baroh.

JINGPYNPAW 19:15 ပူးပေါင်းရင်းမြစ်များ

SALM 2:9

Men pynkheiñ ïa ki da u diengduh nar; men pynpra ïa ki lyngkhot lyngkhai kum ïa u khiew khyndew.’”

ISAÏAH 11:4

un bishar hok ïa kiba duk bad un ïada ïa ki hok jong ki bymdonbor. Ha ka hukum jong u, yn pynshitom ïa ki briew, bad ki briew basniew kin ïap.

ISAÏAH 30:33

Naduh mynshuwa eh ïa ka jaka la pynkhreh ha kaba ka ding bajur kan thang ïa u patsha ka Assyria. Ka long kaba jylliew bad kaba ïar, bad ba la kynton jrong da ki diengthang. U Trai un pyrsad da ka phylliah ding ban thang ïa ka.

JOEL 3:13

Ki long kiba bymman haduh katta katta; ot ïa ki kum ïa u kew ha ka aïom ot; pynlwet ïa ki kum ïa ki sohwaiñ ha ka jaka pynmih umsoh haduh ba ka umsoh ka shlei.”

MALAKHI 4:6

Un wallam lang ïa ki kpa bad ki khun sa shisien; lym kumta ngan hap ban wan bad pynjot ïa ka ri jong phi.”

2 THESSALONI 2:8

Te ïa Uta u Basniew yn sa pynpaw, hynrei haba U Trai Jisu u wan, Un pynïap ïa u da ka jingpynhiar mynsiem na ka shyntur jong U bad pynjot ïa u da ka jingthaba ka jingdon ryngkat jong U.

JINGPYNPAW 1:16

U bat ïa ki hynñiew tylli ki khlur ha ka kti kamon jong u, bad ka waitlam arliang syrti ka mih na ka shyntur jong u. Ka durkhmat jong u ka la long phyrnai kum ka sngi kaba shai ha ka por shiteng sngi.

JINGPYNPAW 12:5

Te ka la kha khun shynrang, u ban synshar halor ki jaitbynriew baroh da u diengduh nar. Hynrei la knieh noh ïa u khunlung bad la leit rah sha U Blei bad sha ka khet jong u.

JINGPYNPAW 14:10

u hi da lade un dih ïa ka waiñ ka jong U Blei, ka waiñ ka jingbitar shla jong U, kaba u la theh noh ha ka bor jong ka baroh ha ka khuri ka jingbitar jong U! Baroh kiba leh ïa kane kin shah pynsaja ha ka ding bad ha u kyndok ha khmat ki angel bakhuid bad ha khmat U Khunlangbrot.

JINGPYNPAW 19:21

Ïa ki kynhun shipai jong ki la pynïap da ka waitlam kaba mihnoh na ka shyntur jong uta uba la shong halor u kulai; bad ki sim baroh ki la bam baroh kat kaba ki lah na ka doh jong ki.

JINGPYNPAW 2:12

“Thoh ha u angel jong ka balang ha Pergamum: “Kane ka long ka khubor na uta uba don ka waitlam arliang syrti kaba nep.

JINGPYNPAW 2:16

Mynta, phai noh na ki pop jong pha! Lada pham leh kumta, shen ngan wan sha pha bad ngan ïaleh pyrshah ïa kito ki briew da ka waitlam ka ban mih na ka shyntur jong nga.