JINGPYNPAW 19:14 - Khasi CL Bible (BSI)

¹⁴ Ki kynhun shipai ka bneng ki la bud ïa u, ki da shong halor ki kulai balieh bad ki la riam da ki jaiñ linen balieh bad bakhuid.

KA BAIBL

¹⁴ Bad kita ki paidïapom kiba ha bneng ki la ïabud ïa u halor ki kulai balieh, kiba la kup da ka jaiñ linen bani, ka balieh bad bakhuid.

JINGPYNPAW 19:14 ပူးပေါင်းရင်းမြစ်များ

SALM 68:17

Lem bad ki phew hajar ki kali ïapom bakhlaiñ jong u, U Trai u wan na Sinai sha ka jaka bakhuid.

PROBERB 31:22

Ka thain ïa ki jaiñ siang thiah bad ka phong da ki jaiñ linen bani bad basawbthuh.

ISAÏAH 3:23

ïa ki jaiñ bastang jong ki, ki rumal linen jong ki, bad ïa ki jaiñ teh ryndang bad ki jaiñtapkhmat kiba jrong kiba ki tap ha ki khlieh jong ki.

SEKHARAÏAH 14:5

Phin lait phet lyngba kane ka them kaba pynkhlad arliang ïa une u lumbah. Phin phet kumba ki kpa tymmen jong phi ki la leh mynba u jumai u khynñiuh ha ka por jong u Ussaïah u syiem ka Judah. U Trai U Blei jong nga un wan, un wallam ïa ki angel baroh lem bad u.

MATHAÏOS 21:5

“To ïathuh ïa ka nongbah Seïon, ha khmih, u Syiem jong pha u wan sha pha! U long uba sngewrit bad u shong halor ka kada bad halor u khun kada.”

MATHAÏOS 26:53

Hato phim tip ba nga lah ban kyrpad jingïarap na U Kpa jong nga, bad shisyndon un da la phah palat khat-ar kynhun ki angel?

MATHAÏOS 28:3

Ka durkhmat jong u ka la long kum ka leilieh, bad ki jaiñ jong u ki lieh kum ka ïor.

2 THESSALONI 1:7

bad un ai ka jingpyllait ha phi kiba shahshitom bad ha ngi ruh kumjuh. Un leh ïa kane haba U Trai Jisu u mihpaw na bneng lem bad ki angel bakhlaiñbor jong u,

JUDAH 1:14

Dei u Enokh, uba hynñiew na kiba hiarpateng beit na u Adam, uba la ïathuhlypa la slem bah ïa kane shaphang jong ki: “U Trai un wan lem bad ki hajar ki angel bakhuid jong u

JINGPYNPAW 14:1

Te nga la peit, bad la don U Khunlangbrot uba ïeng halor u lum Seïon; lem bad u la don shi lakh sawphew saw hajar ngut ki briew kiba la don ïa ka kyrteng jong u, bad ïa ka kyrteng jong U Kpa jong u ïa kaba la thoh ha ki shyllangmat jong ki.

JINGPYNPAW 14:20

Ïa ki sohwaiñ la khñiot ha ka jaka khñiot waiñ shabar ka nongbah, bad ka snam ka la mihnoh na ka jaka khñiot waiñ ha ka jingshlei kumba laispah kilomitar ka jingjrong bad la jan ar mitar ka jingjylliew.

JINGPYNPAW 17:14

Kin ïaleh pyrshah ïa U Khunlangbrot; hynrei U Khunlangbrot, lem bad ki nongbud jong u ïa kiba u la khot, u la jied, bad kiba ïaineh skhem, un jop ïa ki, namar ba u dei U Trai jong ki trai bad U Syiem jong ki syiem.”

JINGPYNPAW 19:11

Nangta nga la ïohi ïa ka bneng ba plie, bad la don u kulai uba lieh. Ïa u nongshong ha u la khot Uba Ïaineh bad Uba Shisha; ka long da ka jinglehhok ba u bishar bad u ïaleh ïa ki jingïaleh thma jong u.

JINGPYNPAW 19:8

La ai ha ka ïa ka jaiñ linen baphyrnai kaba khuid ban phong.” (Ka jaiñ linen ka long ki kam babha jong ki briew jong U Blei.)

JINGPYNPAW 3:4

Hynrei katto katne ngut na pha hangto ha Sardis kim shym la pyntngit ïa ki jaiñkup jong ki. Phan ïaid ryngkat bad nga, da kaba phong da ki jaiñkup balieh, namar pha long kaba dei hok ban leh kumta.

JINGPYNPAW 4:4

Sawdong ïa ka khet, la don arphew saw tylli kiwei pat ki khet, ha kaba la shong arphew saw ngut ki nongsharai balang kiba la riam da kaba lieh bad phong ki pansngiat ksiar.

JINGPYNPAW 7:9

Hadien kane nga la khmih, bad la don u paidbah byllien — ym don mano mano ba lah ban ñiew ïa kita ki briew baroh! Ki la long na man ki kynja bynriew, ki jaitbynriew, ki hima, bad ki jait ktien, bad ki la ïeng ha khmat ka khet bad ha khmat uta U Khunlangbrot, kiba la riam ha ki jaiñ balieh bad ki bat ïa ki tnat dieng Tlai ha la ki kti.