JINGPYNPAW 19:13 - Khasi CL Bible (BSI)

¹³ Ïa ka jaiñkup kaba u phong la tap da ka snam. Ka kyrteng jong u ka long “U Ktien jong U Blei.”

KA BAIBL

¹³ Bad la pynkup ïa u da ka jaiñkup ïa kaba la wieh ha ka snam: bad la khot ïa ka kyrteng jong u, “U Ktien jong U Blei”.

JINGPYNPAW 19:13 ပူးပေါင်းရင်းမြစ်များ

SALM 58:10

Kiba hok kin shadkmen haba ki ïohi ba pynshitom ïa ki nongpop; kin ïaid lyngba ka snam jong ki bymman.

ISAÏAH 9:5

Ïa ki juti jong ka kynhun shipai kaba hiarthma bad ïa ki jaiñ baroh kiba khah snam yn pynjot thiaw da ka ding.

ÏOANNIS 1:1

Ha shuwa ban thaw ïa ka pyrthei, u Ktien u la lah don lypa; u la don bad U Blei, bad u long kumjuh kum U Blei.

ÏOANNIS 1:14

U Ktien la kylla long u briew bad, uba dap da ka jingaiei bad ka jingshisha, u la im hapdeng jong ngi. Ngi la ïohi ïa ka burom jong u, ka burom kaba u la ïohpdiang kum U Khun marwei jong U Kpa.

1 ÏOANNIS 1:1

Ngi thoh sha phi shaphang U Ktien ka jingim, uba la don naduh kaba mynnyngkong eh. Ngi la ïohsngew ïa u, bad ngi la ïohi ïa u da la ki khmat; ho-oid, ngi la ïohi ïa u, bad ki kti jong ngi ki la ïohktah ïa u.

1 ÏOANNIS 5:7

Ki don lai ki sakhi: U Mynsiem, ka um bad ka snam; bad kine baroh lai ki ai ïa kajuh ka jingphla.

JINGPYNPAW 14:20

Ïa ki sohwaiñ la khñiot ha ka jaka khñiot waiñ shabar ka nongbah, bad ka snam ka la mihnoh na ka jaka khñiot waiñ ha ka jingshlei kumba laispah kilomitar ka jingjrong bad la jan ar mitar ka jingjylliew.