JINGPYNPAW 19:12 - Khasi CL Bible (BSI)

¹² Ki khmat jong u ki la long kum ka thylliej ding, bad u la phong shibun ki pansngiat ha ka khlieh jong u. U la don ka kyrteng ïa kaba la thoh halor jong u ïa kaba ym don batip hynrei lait tang ma u hi.

KA BAIBL

¹² Te ki khmat jong u ki kum ka thylliej ka ding, bad halor ka khlieh jong u don ki pansngiat shibun: u don ruh ka kyrteng ba la thoh, ïa kaba uno uno ruh um ithuh, hynrei, tang ma u hi.

JINGPYNPAW 19:12 ပူးပေါင်းရင်းမြစ်များ

JENESIS 32:29

U Jakob u la ong, “Mynta ïathuh ïa nga ïa ka kyrteng jong me.” Hynrei u la jubab, “Balei me kwah tip ïa ka kyrteng jong nga?” Nangta u la kyrkhu ïa u Jakob.

SALM 8:5

Pynban me la pynlong ïa u, uba kham hapoh tang ïa me hi; me la pynphong pansngiat ïa u da ka burom bad jingpyndonburom.

EKSODOS 23:21

Shahshkor bad kohnguh ïa u. Wat ïaleh pyrshah ïa u, naba nga la phah ïa u, bad un ym map ïa ka jingïaleh pyrshah kaba kum kata.

PROBERB 30:4

Uei uba la ju long kynrad ïa ka jingtip ba kynja bneng? Uei uba la ju kham ïa ka lyer ha la ka kti? Lane uba la tehsong ïa ka um ha ka jaiñ lyngkhot? Lane uba la pynskhem ïa ki pud jong ka pyrthei? U dei uei lada phi tip? Uei u khun jong u?

JINGRWAI SOLOMON 3:11

Ko ki kynthei ka Seïon, to wan bad khmih ïa u syiem Solomon. U da phong ïa ka pansngiat kaba ka kmie jong u ka la buh halor ka khlieh jong u ha ka sngi kyntiew kurim jong u, ha ka sngi ka jingsngewbha bad ka jingkmen jong u.

ISAÏAH 62:3

Phan long kum ka pansngiat kaba itynnat ïa U Trai.

ISAÏAH 9:6

Ïa i khunlung la kha ha ngi! Ïa u khun la ai ha ngi! Bad un long u nongsynshar jong ngi. Yn khot ïa u, “U Nongsyllok Baphylla,” “U Blei Bakhrawbor,” “U Kpa Bymjukut,” “U Syiem ka Jingsuk.”

DANIEL 10:6

Ka met jong u ka tyngshaiñ kum u mawlynnai. Ka durkhmat jong u ka thaba kum ka jingthaba ka leilieh, bad ki khmat jong u ki la meh kum ka ding. Ki kti bad ki kjat jong u ki tyngshaiñ kum ka rnong ba la shut phyrnai, bad ka sur jong u ka sawa kum ka jingkyrhuh u paidbah bakhraw.

SEKHARAÏAH 9:16

Haba kata ka sngi ka poi, U Trai un pyllait im ïa ki briew jong u, kumba u nongaplangbrot u pyllait im ïa ka kynhun langbrot jong u na ka jingma. Kin tyngshaiñ ha ka ri jong u kum ki mawlynnai ha ka pansngiat.

MATHAÏOS 11:27

“U Kpa jong nga u la ai ha nga ïa kiei kiei baroh. Ym don mano mano ba ithuh ïa U Khun lait tang U Kpa, bad ym don mano mano ba ithuh ïa U Kpa lait tang U Khun bad kito ha kiba U Khun u jied ban pynpaw ïa u.

MATHAÏOS 21:5

“To ïathuh ïa ka nongbah Seïon, ha khmih, u Syiem jong pha u wan sha pha! U long uba sngewrit bad u shong halor ka kada bad halor u khun kada.”

MATHAÏOS 28:18

U Jisu u la wan hajan bad u la ong ha ki, “La ai ha nga baroh ka bor ha bneng bad ha khyndew.

LOUKAS 10:22

“U Kpa jong nga u la ai ha nga ïa kiei kiei baroh. Ym don batip U Khun u long uei lait tang U Kpa, bad ym don batip U Kpa u long uei lait tang U Khun bad kito ha kiba U Khun u jied ban pynpaw ïa U.”

ÏOANNIS 17:11

Bad mynta nga wan noh sha me; ngam don shuh ha kane ka pyrthei, hynrei ma ki, ki don ha ka pyrthei. Ko Pa Bakhuid! To ri kyndong ïa ki da ka bor ka kyrteng jong me, ka kyrteng kaba me la ai ha nga, ba kin ïoh long kawei kumba ma me bad nga ngi ïalong kawei.

ÏOANNIS 17:12

Mynba nga la don lem bad ki, nga la ri kyndong ïa ki da ka bor ka kyrteng jong me, ka kyrteng kaba me la ai ha nga. Nga la ïada ïa ki, bad ym don uwei ruh na ki uba la jah noh, lait tang u briew uba la dei ban jah — khnang ba ka Jingthoh Bakhuid kan urlong shisha.

EPHESOS 1:21

U Khrist u synshar hangta halor baroh ki nongsynshar ba kynja bneng, ki bor synshar, ki bor, bad ki kynrad; u don ka kyrteng kaba kham hajrong ban ïa kiwei pat ki kyrteng kiba don ka bor ha kane ka pyrthei mynta bad ka ban sa wan.

HEBRU 2:9

Hynrei ngi da ïohi ïa U Jisu, ïa uba la pynlong shipor kham hapoh ban ïa ki angel, kumta ba lyngba ka jingaiei ka jong U Blei, u dei ban shahïap na ka bynta uwei pa uwei baroh. Mynta ngi ïohi ïa u, ba la pynphong pansngiat da ka burom bad da ka jingpyndonburom namar ka jingïap kaba u la shah.

JINGPYNPAW 1:14

U shñiuh jong u, u la long uba lieh kum u 'saiwul lane kum ka ïor, bad ki khmat jong u kiba klang kum ka ding;

JINGPYNPAW 12:3

Sa kawei pat ka dak bamaïan ka la paw ha ka sahit bneng. La don u Ïakjakor uba heh bad uba rong saw uba don hynñiew tylli ki khlieh bad shiphew tylli ki reng, bad kawei ka pansngiat ha kawei pa kawei jong ki khlieh jong u.

JINGPYNPAW 13:1

Nangta nga la ïohi ïa uwei u mradkhlaw uba wan mih na duriaw. U la don shiphew tylli ki reng bad hynñiew tylli ki khlieh; halor kawei pa kawei jong ki reng jong ka, la don ka pansngiat, bad halor kawei pa kawei jong ki khlieh jong ka la don ka kyrteng kaba krenbeiñ Blei.

JINGPYNPAW 19:16

Ha ka jaiñkup jong u bad ha ka lbong jong u la thoh ïa ka kyrteng: “U Syiem jong ki syiem bad U Trai jong ki trai.”

JINGPYNPAW 3:12

Ngan pynlong ïa uta uba jop, u rijied ha ka Templ jong U Blei jong nga, bad un ïailong hangta. Ngan thoh halor jong u ïa ka kyrteng U Blei jong nga bad ka kyrteng jong ka nongbah jong U Blei jong nga, ka Jerusalem bathymmai, ka ban wan hiar na bneng na U Blei jong nga. Ngan thoh ruh halor jong u ïa ka kyrteng bathymmai jong nga.

JINGPYNPAW 6:2

Nga la khmih, bad hangta la don u kulai balieh. Halor jong u, u nongshong kulai u la bat ïa ka ryntieh, bad ha u la ai ïa ka pansngiat. U la shong halor jong u kum u nongjop ban jop.

NONGBISHAR 13:18

U angel u kylli, “Balei ba phi da kwah ban tip ïa ka kyrteng jong nga? Ka long ka kyrteng kaba phylla.”