JINGPYNPAW 19:1 - Khasi CL Bible (BSI)

¹ Hadien kane, nga la ïohsngew ïa kaei kaba sawa kum ka jingkyrhuh jong ki paidbah babun ha bneng, da kaba ong, “To ïaroh ïa U Blei! Ka Jingpynim, ka burom, bad ka bor ki long ki jong U Blei jong ngi!

KA BAIBL

¹ Te hadien kine kiei kiei ruh, nga la ïohsngew kum ka ktien bajam u paidbah byllien ha bneng, ka da ong, “Halleluïa! Ka Jingpynim, bad ka burom, bad ka bor, ki long ki jong U Blei jong ngi!

JINGPYNPAW 19:1 ပူးပေါင်းရင်းမြစ်များ

1 KHRONIKL 29:11

Me long uba khraw bad uba donbor, uba donburom, uba itynnat bad uba iphieng. Kiei kiei baroh ha bneng bad ha khyndew ki dei ki jong me; me dei u syiem, u nongsynshar bahakhlieh duh halor baroh.

SALM 104:35

Ai ba yn pynjot ïa ki nongpop na ka pyrthei; ai ba ki bymman kin duh shuh. Ïaroh ïa U Trai, ko mynsiem jong nga! Ïaroh ïa U Trai!

SALM 106:1

Ïaroh ïa U Trai! To ai ki jingïaroh ïa U Trai, namar u long uba bha; ka jingieit jong ka long bymjukut.

SALM 111:1

A to ïaroh ïa U Trai! Da ka dohnud jong nga baroh ngan ainguh ïa U Trai ha ka jingïalang ki briew jong u.

SALM 115:18

Hynrei ma ngi, kiba im, ngin ainguh ïa u mynta bad sha bymjukut. A to ïaroh ïa U Trai!

SALM 146:1

To ïaroh ïa U Trai! To ïaroh ïa U Trai, ko mynsiem jong nga!

SALM 148:1

To ïaroh ïa U Trai! To ïaroh ïa U Trai na bneng, phi kiba im ha ki jaka bakynjang shajrong.

SALM 149:1

To ïaroh ïa U Trai! To rwai ka jingrwai bathymmai ïa U Trai; to ïaroh ïa u ha ka jingïaseng lang jong ki briew baïaineh jong u!

SALM 150:1

To ïaroh ïa U Trai! To ïaroh ïa U Blei ha ka Templ jong u! To ïaroh ïa ka jingkhlaiñ jong u ha bneng!

SALM 3:8

Ka jingjop ka wan na U Trai — to un kyrkhu ïa ki briew jong u.

SALM 62:11

Bunsien nga la ïohsngew ba U Blei u ong ba ka bor ka dei ka jong u

JEREMAÏAH 51:48

Baroh kiei kiei ha ka pyrthei bad ha suiñbneng kin risa da ka jingkmen ynda ka Babilonia kan kyllon ha ki briew kiba wan na shatei ban pynjot ïa ka.

JONAH 2:9

Hynrei ngan rwai ki jingïaroh ïa me; ngan ai ka jingkñia ïa me bad ngan leh ïa kaei kaba nga la kular. Ka jingpynim ka wan na U Trai!”

MATHAÏOS 6:13

Wat ïalam ïa ngi sha ka jingtynjuh kaba eh, hynrei sumar ïada ïa ngi na Uba Sniew. Naba ka jong me long ka hima, bad ka bor, bad ka burom junom. Amen.’

JINGPYNPAW 11:15

Nangta u angel uba hynñiew u la put ïa la ka turoi, bad la don ki sur kiba jam ha bneng, kiba ong, “Ka bor ban synshar halor ka pyrthei ka long mynta ka jong U Trai jong ngi bad jong U Messaïah jong u, bad un synshar junom la junom!”

JINGPYNPAW 12:10

Nangta nga la ïohsngew ïa ka sur bajam ha bneng kaba ong, “Mynta ka jingpynim jong U Blei ka la wan! Mynta U Blei u la pyn-i ïa ka bor jong u kum u Syiem! Mynta U Messaïah jong u, u la pyn-i ïa la ka bor! Naba ïa uta uba la ïeng ha khmat jong U Blei jong ngi bad uba la mudui ïa ki hynmen ki para jong ngi mynsngi bad mynmiet la bret shabar jong ka bneng.

JINGPYNPAW 19:6

Nangta nga la ïohsngew ïa kaei kaba sawa kum u paid uba bun, kum ka jingsawa jong ka jingkyrhuh jong ka kshaid, kum ki jingtied jam jong u pyrthat. Nga la ïohsngew ïa ki ba ki ong, “To ïaroh ïa U Blei! Naba U Trai, U Blei Badonbor Baroh jong ngi, u long U Syiem!