JINGPYNPAW 18:9 - Khasi CL Bible (BSI)

⁹ Ki syiem jong ka pyrthei kiba la ïashim bynta ha ka jingawria bad ka jingkwah brai jong ka kin lynñiar bad ïam na ka bynta ka nongbah haba ki ïohi ïa ka tdem na ki thylliej ding kiba bam duh ïa ka.

KA BAIBL

⁹ Te kita ki syiem jong kata ka khyndew, kiba la ïaklim sih bad kiba la ïa-im pahuh hai bad ka, kin ïaïam, bad kin ïalynñiar lympat na ka bynta jong ka, ynda kin ïakhmih ïa ka tdem ka jingpluh jong ka,

JINGPYNPAW 18:9 ပူးပေါင်းရင်းမြစ်များ

JENESIS 19:28

U khmih shaphang Sodom bad Gomorrah, bad ïa kata ka them baroh kawei bad u la ïohi ïa ka tdem kaba mih na khyndew, kum ka tdem na ka lawar ding kaba heh bha.

SALM 58:10

Kiba hok kin shadkmen haba ki ïohi ba pynshitom ïa ki nongpop; kin ïaid lyngba ka snam jong ki bymman.

ISAÏAH 13:19

Ka Babilonia ka dei ka hima kaba itynnat tam na baroh, ka dei ka jingsngew sarong jong ki briew jong ka. Hynrei ma nga, U Trai, ngan pynkhyllem ïa ka Babilon kumba nga la leh ïa ka Sodom bad ka Gomorrah!

ISAÏAH 30:33

Naduh mynshuwa eh ïa ka jaka la pynkhreh ha kaba ka ding bajur kan thang ïa u patsha ka Assyria. Ka long kaba jylliew bad kaba ïar, bad ba la kynton jrong da ki diengthang. U Trai un pyrsad da ka phylliah ding ban thang ïa ka.

JEREMAÏAH 50:40

Kajuh kaei kaei kan jia ïa ka Babilon kumba ka la jia ïa ka Sodom bad Gomorrah, haba nga la pynjot ïa ki bad ïa ki shnong kiba marjan. Yn ym don ba shong shuh hangta. Ma nga, U Trai, nga la kren.

JEREMAÏAH 50:46

Haba ka Babilon ka kyllon, kan don ka jingsawa ka ban pynkhynñiuh ïa ka pyrthei baroh kawei, bad ïa ki jingïam pynkyndit yn ïohsngew da kiwei ki jaitbynriew.”

JEREMAÏAH 51:8

Ka Babilonia kynsan kynsan ka kyllon bad la pynjot noh! To ïam namar jong ka! Pynïoh dawai na ka bynta ki jingmong jong ka, bad lehse yn lah ban pynkhiah.

ESEKIEL 27:35

“Uwei pa uwei uba shong ha lynter ka rud duriaw u kyndit ïa ka kupar jong pha. Wat ki syiem jong ki, ki sngewtriem, bad ka jingsheptieng ka paw ha ki khmat jong ki.

DANIEL 4:14

U la pynbna ha ka sur bajam, ‘Pom ïa u dieng bad khet noh ïa ki tnat jong u; sloit ïa ki sla jong u bad pynsaphriang ïa ki soh jong u. Beh noh ïa ki mrad napoh jong u bad ïa ki sim na ki tnat jong u.

DEUTERONOMI 29:23

Ki lyngkha kin long shrah bad kin ym seisoh shuh, naba kin dap da u kyndok bad ka mluh suda; yn ym thung ei ei hangta, bad wat u ñiut ruh, un ym mih hangta. Ka ri jong phi kan long kum ki shnong Sodom bad Gomorrah, kum ka Admah bad ka Seboiim, ïa kiba U Trai u la pynjot mynba u bitar shla.

1 TIMOTHI 5:11

Hynrei to wat kynthup ïa ki riewkynthei kiba dang kham samla ha ka thup; namar haba ki jingkwah ka doh jong ki ban shongkurim, ki phai noh na U Khrist, bad kumta ki don ka jingpynrem ba ki la pynkheiñ ïa ka jingtehkular bad u kaba mynshuwa.

JINGPYNPAW 14:11

Ka tdem jong ka ding kaba pynsaja ïa ki ka kiew shajrong junom la junom. Ym don jingtngen mynsngi ne mynmiet ïa kito kiba mane ïa u mradkhlaw bad ïa ka dur jong u, ïa uno uno uba don ïa ka shab jong ka kyrteng jong u mradkhlaw.”

JINGPYNPAW 17:2

Ki syiem jong ka pyrthei ki la ïaleh awria bad ka, bad ki briew jong ka pyrthei ki la buaid na kaba dih ïa ka waiñ jong ka jingawria jong ka.”

JINGPYNPAW 18:18

bad ki la lynñiar jam haba ki la ïohi ïa ka tdem na ki thylliej dieng kiba la bam duh ïa ka: “Ym pat ju don kawei pat ka nongbah kum kane ka nongbah kaba khraw!”

JINGPYNPAW 18:20

To shadkmen, ko ka bneng, namar ka jingpynjot ïa ka! to shadkmen, ko ki briew jong U Blei bad ki apostol bad ki nongïathuhlypa! Naba U Blei u la pynrem ïa ka na ka bynta kaei kaba ka la leh ïa phi!

JINGPYNPAW 18:3

Naba ki jaitbynriew baroh ki la dih ïa ka waiñ jong ka — ka waiñ bakhor jong ka jingkwah brai awria jong ka. Ki syiem jong ka pyrthei ki la ïaleh awria bad ka, bad ki nongkhaïi jong ka pyrthei ki la kiew spah bha na ka jingkwah brai bym lah teh lakam jong ka.”

JINGPYNPAW 18:7

To ai ha ka, katta ka jingshitom bad ka jingsngewsih kat ka burom bad ka jingpahuh kaba ka la ai ïa lade. Naba ka ïai-ong ïa lade: ‘Hangne nga shong, ka syiem! Ngam long ka riewkynthei, ngan ym tip ïa ka jingsngewsih!’

JINGPYNPAW 19:3

Sa shisien ki la pyrta, “To ïaroh ïa U Blei! Ka tdem na ki thylliej ding kiba la bam duh ïa ka nongbah bakhraw ka la kiew shajrong junom la junom!”

JINGPYNPAW 2:22

Bad kumta ngan bret ïa ka halor ka jingthiah ha kaba ma ka bad kito kiba leh ïa ka jingklim bad ka kin ngat ha ka jingjynjar bashyrkhei. Ngan leh ïa kane mynta lymda ki kylla-kaba-mut na kiei kiei kiba bymman kiba ki la leh bad ka.